በኢህአዴግ ማዕከላዊ ምክር ቤት የመሪዎች ምርጫ ሂደት፤ በወቅቱ የአገሪቱ መሪ ማንነትና ተያያዥ ርዕሰ ጉዳዮች ዙሪያ የተካሄደ ቃለ ምልልስ።

የኢህአዴግ ማዕከላዊ ምክር ቤት በያዝነው ሳምንት መገባደጂያ በሚያካሂደው ስብሰባ በቅርቡ ከዚህ ዓለም በሞት የተለዩትን የፓርቲውን ሊቀመንበርና የአገሪቱን ጠቅላይ ሚንስትር አቶ መለስ ዜናዊን የሚተካ መሪ ይመርጣል ተብሎ ይጠበቃል።

በማእከላዊ ምክር ቤቱ ስብሰባና የምርጫ ሂደት፤ እንዲሁም ብዙዎችን ሲያነጋግር በሰነበተው በአገሪቱ ኅገ መንግስታዊ ድንጋጌ መሠረት አቶ መለስን በተጠባባቂ ጠቅላይ ሚንስትርነት የተኩት አቶ ኃይለማሪያም ደሳለኝ በመንግስት ብዙኃን መገናኛዎች በምክትል ጠቅላይ ሚንስርነት መጠራትና ሌሎች ተዛማች ርዕሶች ከውጭ ጉዳይ ሚንስቴር የፐብሊክ ዲፕሎማሲ ዲሬክተር አቶ ጌታቸው ረዳ ጋር የተካሄደ ቃለ ምልልስ ነው።

ከኣቶ ስለሺ ጥላሁንና ከዶ/ር ፍስሓ እሸቱ ጋር በሁለት ክፍሎች የተዘጋጀውን ውይይት ያድምጡ፡

ክፍል ሁለትን ለማድመጥ እዚህ ይጫኑ፡

የተለያዩ ምንጮች የጤና ይዞታቸውን አስመልክተው የሚያቀርቧቸው መረጃዎች መለያየትና ይፋ ተጨባጭ መረጃ ያለመኖር የአቶ መለስን ወደ አገር መሪነት መንበር መመለስም ሆነ የአገሪቱን አመራርና ቀጣይ ሁኔታ ይበልጥ አነጋጋሪ አድርጎታል።

ይሄንኑ ወቅታዊ ሁኔታ አስመልክቶ ተንታኝ ጋብዘናል። ፕሮፌሰር ዓለማየሁ ገ/ማርያም በካሊፎርኒያ ዩኒቨርሲቲ ክፍለ ግዛት የካሊፎርኒያ ዩኒቨርሲቲ የፖለቲካ ሳይንስ መምህርና የኅግ ባለ ሞያ ናቸው።

ፕሮግራሙን ለማዳመጥ እዚህ ይጫኑ፡

አቶ ግደይ በህዝባዊ ወያነ ሓርነት ትግራይ ውስጥ ለ12 ዓመታት ከቆዩ በኋላ በአ.ዘ.አ. በ1987 ዓ.ም. «በፖለቲካና ሌሎች» ሲሉ በገለጿቸው ምክንያቶች ከድርጅቱና ከሃገርም ወጥተው ባሁኑ ወቅት በተቃዋሚነት በልዩ ልዩ እንቅስቃሴዎች ላይ መሰለፋቸውን ያስረዳሉ።

በተለይ አሁን በቅርቡ በተመሠረተው ሸንጎ ውስጥ በዋና ፀሐፊነት ያገለግላሉ።

ዝርዝሩን ከቃለምልልሱ ያድምጡ።

ዴቪድ ሺን አሁን ዋሽንግተን ዲሲ በሚገኘው የጆርጅ ዋሽንግተን ዩኒቨርሲቲ የፖለቲካ ሣይንስ ፕሮፌሰር ናቸው፡፡ የኢትዮጵያ የመንግሥት ኮምዩኒኬሽንስ መሥሪያ ቤት ባለሥልጣናት ዛሬ በሰጡት ጋዜጣዊ መግለጫ የጠቅላይ ሚኒስትሩ ሃኪም ረዘም ያለ የህመም ፈቃድ እንዲወስዱ መክረዋቸዋል፥ ሲሻላቸዉ ወደ ሥራ ይመለሣሉ ማለታቸው የጤና ችግሩ ከባድ መሆኑን ያመለክታል፤ ህመሙ ከባድ ባይሆን ኖሮ ጠቅላይ ሚኒስትሩ ወደ ሥራ የሚመለሱበትን ቁርጥ ያለ ቀን ያሣውቁ ነበር ብለዋል ሺን፡፡

አምባሳደር ዴቪድ ሺን ከጠቅላይ ሚኒስትር መለስ ዜናዊ መንግሥት ጋር ለረጅም ጊዜ በቅርበት የሠሩ በመሆናቸው በዚህ ትኩረት በሚስብ ጊዜ ውስጥ ውስጡን በመንግሥት ውስጥ ምን እንደሚካሄድ ግምታቸውን ሲጠየቁ ባለፈው ግንቦት ለሃያዎቹ ከበርቴ ሃገሮች ጉባዔ ዋሽንግተን ዲ.ሲ. በተገኙበት ጊዜ ከሌሎች ሰዎች ጋር ሆነው እንዳገኙዋቸውና ያኔ ምንም የጤና መቃወስ ምልክት እንዳላዩባቸው፣ ይልቁንስ በጣም ጤናማ ይመስሉ እንደነበረ ጠቁመዋል።

ነገር ግን አቶ መለስ አሁን መወያያ ለሆነው የጤናቸው ጉዳይ ፍንጭ የሚሰጡ አንድ ሁለት አስተያየቶች ጣል አድርገው ነበር ብለዋል። ከዚያ አስተያየታቸው እንደተረዱትም ጠቅላይ ሚኒስትር መለስ ስለህመማቸው አስቀድመው ሳያውቁ እንዳልቀሩና ተተኪ መንግሥት አቅደዋል የሚል ግምታቸውን አጋርተዋል። ዝርዝሩን ከዘገባው ያድምጡ።

(ገፁ ሲከፈት የተደራረቡ ወይም የተረበሹ ድምፆችን የሚሰሙ ከሆነ ከዚህ ሥር ካሉት ማጫወቻዎች አንደኛውን ብቻ አስቀርተው ሌሎቹን ያቁሟቸውና የሚጫወተውን እንደገና ያስጀምሩት፡፡ )

 

 

 

 

የጠቅላይ ሚኒስትር መለስ ዜናዊ የጤንነት ሁኔታ አስጊ እንዳልሆነና በሚቆጠሩ ቀናት ውስጥም ወደሥራቸው እንደሚመለሱ ከሕወሓት መሥራቶችና አንጋፋ መሪዎች አንዱ የሆኑት አቶ ስብሃት ነጋ ለቪኦኤ አስታወቁ፡፡ ያዳምጡ

የአፍሪካ ህብረት የመሪዎች ጉባዔን በማስተናገድ ላይ በምትገኘው አዲስ አበባ ትናንት ማምሻውን ፖሊስና በአወሊያ መስጊድ አቅራቢያ የተሰባሰቡ ሰዎች መካከል በተቀሰቀሰ ግጭት ከመቶ በላይ መታሰራቸውንና መቁሰላቸውን፤ የእስልምና ኮሚቴው ገለጸ።

የኮሚቴውን ቃል አቀባይ አህመዲን ጀበል ጠቅሶ የብሉምበርግ የዜና አውታር እንደዘገበውና፤ የዝግጅት ክፍላችን ያናገራቸው የአይን ምስክሮችና አንዳንድ የኢንተርኔት ፎቶዎች እንደሚያሳዩት፤ ግጭቱ ጥይት፣ ቆመጥ፣ ድንጋይና አስለቃሽ ጋዝ የተተኮሰበት ነው። በዚህ ግጭት አንድ ሰው ሳይገደል እንዳልቀረ ኮሚቴው አስታውቋል።

የኢትዮጵያ መንግስት የኮሚውኒኬሽንስ ጉዳዮች ሚንስትር ድዔታ አቶ ሽመልስ ከማል ለብሉምበርግ የዜና አውታር፤ በግጭቱ 72 ሰዎች መታሰራቸውንና ስድስት የፖሊስ ባልደረባዎችን ጨምሮ 10 ሰላማዊ ሰዎች የቆሰሉበት መሆኑን ይፋ አድርገዋል።

አቶ ሽመልስ አክለውም በአወሊያ ት/ቤትና መስጊድ አቅራቢያ መንገድ በመዝጋት የፖለቲካ መፈክር ያሰሙ የነበሩትን ሰዎች ፖሊስ በአስለቃሽ ጋዝ መበተኑን ተናግረዋል። ፖሊስ በወሰደው እርምጃ ጥይት አለመተኮሱን አቶ ሽመልስ ገልጸዋል።

በአወሊያ መስጊድ የተሰባሰቡ ሰዎችን ወክለው ለብሉምበርግ የዜና አውታር መግለጫ የሰጡት አህመዲን ጀበል ፖሊስ በአወሊያ መስጊድ ተሰባሰበው በሰላይ የተቀመጡ ሙስሊሞች ላይ አጥር ጥሶ በመግባት፣ ጥቃት ማድረሱን ተናግረዋል።

“በሩን ሰብረው ገብተው በሙስሊሙ ማህበረሰብ ላይ ተኩስ ከፈቱ” ብለዋል አቶ አህመዲን።

በኢትዮጵያ መንግስትና በእልምና ምክር ቤቱና ደጋፊዎቹ መካከል ግጭቱ የተባባሰው፤ መንግስት በሃይማኖት ጉዳዮች ጣልቃ እየገባ ነው በሚል በምክር ቤቱ በተነሳ ቅሬታ ነው።

የኢትዮጵያ መንግስት የሃይማኖት ጉዳዮችን ለሙስሊሙ ማህበረሰብ ይተው፤ መሪዎቻችንን እራሳችን እንምረጥ ይላል፤ ምክር ቤቱ።

የኢትዮጵያ መንግስት በበኩሉ ምክር ቤቱ በውስጡ የፖለቲካ ተልእኮ ያላቸውና ኢትዮጵያን በእስላማዊ ህግ የምትመራ አገር የማድረግ ጽንፍ የረገጠ አክራሪነት ያለባቸው አካላትን አካቷል ሲል ወንጅሏል።

ይሄ አስተያየት የተሰማው በሚያዝያ ወር በአርሲ አሳሳ ከተማ ውስጥ አንድ የእስልምና አባት የፖለቲካ እንቅስቃሴ ይመራሉ በሚል በቁጥጥር ስር ከዋሉ በኋላ በተቀሰቀሰ ግጭት 4 ሰዎች ከተገደሉና በርካቶች ከታሰሩ በኋላ ነው።

የኢትዮጵያ መንግስት ቃል አቀባይ አቶ ሽመልስ ከማል በአዲስ አበባ ትናንት ማምሻውን የተቀሰቀሰው ግጭት መብረዱንና ሁኔታው በቁጥጥር ስር መሆኑን ተናግረዋል።

ኢትዮጵያ የአፍሪካ ህብረት መሪዎችን በምታስተናግድበት ወቅት አንዳንድ ሃይሎች ብጥብጥ ለመፍጠር እየጣሩ ናቸው በለዋል አቶ ሽመልስ ከማል።

ዝርዝር ዘገባው ያዳምጡ፣

Play below

 

ችሎቱ እንደተሰየመ ፍርድ ቤቱ ከዚህ ቀደም ባዘዘው መሠረት ተከሳሾቹ የቅጣት ማቅለያ ሃሳባቸውን በጽሑፍ ማቅረባቸውን ገልጿል።

አስከትሎም እንያንዳንዱ ተከሣሽ በቀረበበት ክሥ መሠረት ጥፋተኛ ሰለተባለ ያስከትላል ያለውን ቅጣት ዘርዝሯል። እንደክሡ ማመልከቻ ቅደም ተከተል አቶ አንዱዓለም አራጌ፣ አቶ አንዳርጋቸው ጽጌ፣ ዶክተር ብርሃኑ ነጋ፣ አቶ ፋሲል የኔዓለም የዕድሜ ልክ ፅኑ እሥራት ተፈርዶባቸዋል።

በሁለተኛ ደረጃ ከፍተኛ ቅጣት የተጣለባቸው አቶ ክንፈ ሚካኤል ደበበ ሲሆኑ የሃያ አምስት ዓመት ፅኑ እሥራት ቅጣት ተጥሎባቸዋል።

ዘጋቢአችን መለስካቸው አምሃ ሌሎቹም ተከሳሾች የተቀጡበትን ዓመታት ዝርዝር እንዲሁም ቤተሰቦችና የፖለቲካ መሪዎች ስለፍርድ ቤቱ ውሣኔ የሰጡትን መልስ አካቶ ያጠናቀረውን ዘገባ ያድምጡ።

ሐይማይኖትን ሽፋን ያደረጉ አንዳንድ ወገኖች የአፍሪካ ሕብረት የመሪዎች ስብሰባ በሚካሄድበት ቀን የተከለከለና ሕገወጥ ስብሰባ ለማድረግ እየተዘጋጁ ነው ሲል ፌደራል ፖሊስ አስጠንቅቋል፡፡

በሌላ በኩል ግን በአዲስ አበባ መስጊዶች የፀሎት ሥነ-ሥርዓት ወይም ሰደቃ ለማድረግ ዕሁድ ሐምሌ ስምንት ቀን የተያዘው የሙስሊም አማኒያን ፕሮግራም ሠላማዊ ነው፤ የሐይማኖት ጉዳይ ነው፤ በታሰበው መሠረት ይካሄዳል ሲሉ የሕዝበ ሙስሊሙ ጥያቄዎች መፍትሔ አፈላላጊ ኮሚቴ አባል የሆኑት አቶ ከሚል ሸምሱ ለቪኦኤ አመልክተዋል፡፡

የመንግሥትን ማስጠንቀቂያ የሚመለከተውን ዘገባና ከአቶ ከሚል ሸምሱ ጋር የተደረገውን ሙሉ ቃለምልልስ ከተያያዘው ፋይል ያዳምጡ፡፡

ለበርካታ ወራት በሳውዲ አረቢያ ያለፍርድ የታሰሩ ከሰላሳ በላይ ኢትዮጵያዉያን የክርስትና እምነት ተከታዮችን ለማስፈታት የታለመ ሰላማዊ ሰልፍ በዛሬው ዕለት እዚህ ዋሽንግተን ዲሲ ውስጥ ተካሄዷል።

ከዋሽንግተኑ የሳውዲ ኤምባሲ ደጃፍ ለሦሥተኛ ጊዜ የተካሄደውን ሰልፍ የጠሩት በአካባቢው የሚኖሩ ኢትዮጵያውያንና ኢትዮጵያውያን አሜሪካውያን በዓለም ዙሪያ በአማንያን ላይ የሚፈጸሙ በደሎችን ለመዋጋት የቆመ አንድ መቀመጫውን በዋሽንግተን ዲሲ ያደረገ የሰብዓዊ መብት ድርጅት በመተባበር ነው።

በሌላ በኩል ደግሞ እዚያው ሳውዲ ዐረቢያ ውስጥ ባሉ በርካታ እስር ቤቶች ውስጥ «ያለ ፍትሃዊና በቂ የፍርድ ሂደት እአማቀቅን ነን፤ ስቃዩን ተሸክመናል፤» የሚሉ በእስር ቤቶች ውስጥ ያሉ ኢትዮጵያውያን ብሶታቸውን ገልጸውልናል።

የዘገባዎቹን ሙሉ ዝርዝር ቀጥሎ ያድምጡ፤

Play below

 

በኢትዮጵያና ኤርትራ ሰሜን ምእራብ ድንበር ባድመ ከተማ አካባቢ የተኩስ ድምጽ መስማታቸውንና ቁስለኞች በሃኪም ቤት ሲታከሙ መመልከታቸውን አንዳንድ የአካባቢው ነዋሪዎችና፤ በአካባቢው አባላት እንዳላቸው የሚናገሩ የፖለቲካ ፓርቲዎች አስታወቁ።

ከሳምንት በፊት ኤርትራ 21ኛ የነጻነት ቀኗን ባከበረችበት እለት የኢትዮጵያ ጦር ድንበር ተሻጋሪ ጥቃት ማካሄዱን የኢትዮጵያ የመከላከያ ምንስቴር ምንጮችን ጠቅሶ የሪፖርተር ጋዜጣ የዘገበ ሲሆን፤ በዚህ ሳምንት ማብቂያ ደግሞ በባድመ የሚገኝ አንድ ት/ቤት መቃጠሉን ጋዜጣውና ቪኦኤ ያነጋገራቸው የአይን ምስክሮች ገልጸዋል። በከተማው አንድ አውቶብስ መቃጠሉም ተዘግቧል።

በኢትዮጵያና ኤርትራ ሰሜን ምእራብ ድንበር ባድመ ከተማ አካባቢ አዲ ኮከብና አዲ ድዓሮ ቀበሌዎች እንዲሁም በባድመ ከተማ አቅራቢያ ላለፉት ሁለት ሳምንታት በምሽት የከባድ መሳሪያ ተኩስ፤ እንዲሁም የነፍስ ወከፍ ጥይት ድምጽ እንደተሰማ አንድ የአካባቢው ሰው ለዝግጅት ክፍላችን ያዩትን ገልዋል።

የአይን ምስክሩ የተኩስ ድምጽ መስማታቸውንና ቁስለኞች በሃኪም ቤት ሲታከሙ መመልከታቸውን ለቪኦኤ ገልጸዋል።

ሳምንታዊው የሪፖርተር ጋዜጣ የመከላከያ የውስጥ ምንጮችን ጠቅሶ እንደዘገበው፤ የኢትዮጵያ ጦር ባለፈው ሳምንት ድንበር ተሻግሮ የሰነዘረው ጥቃት፤ አንድ ብርጌድ የኤርትራ ጦር ላይ ከፍተኛ ጉዳት ያደረሰ ነው ብሏል።። በጥቃቱ የሞቱ ሰዎች ቁጥር ባይታወቀም ከፍተኛ ወታደራዊ ባለስልጣናትን ጨምሮ ወታደሮች የተማረኩበት እንደሆነ ተጠቅሷል። በኢትዮጵያ በኩል የደረሰው ጉዳት አልተገለጸም።

ከዚህ ጥቃት በኋላ በተከታታይ የሚሰሙ የተኩስ ድምጾች እንዳሉ ምስክሩ ለቪኦኤ የገለጹ ሲሆን በባድመ ከተማ የሚገኝ አንድ ት/ቤት በከባድ መሳሪያ ተመቶ መቃጠሉን ገልጸዋል።

በዚህ ጉዳይ ላይ ከአዲስ አበባ የተሰጠ መግለጫ የለም። የኤርትራ የማስታወቂያ ሚንስትር አቶ አሊ አብዱ ለአሜሪካ ድምጽ ሬድዮ “በጉዳዩ ላይ አስተያየት ከመስጠት ተቆጥቢያለሁ” ብለዋል። የኢትዮጵያ መንግስት ቃል አቀባዮችን ለማግኘት ያደረግንው ጥረት አልተሳካም።

የታህታይ አዲ አቦ አስተዳዳሪ ለአከ ገ/እግዝሄር ከባድመ ከተማ ሆነው ለዝግጅት ክፍላችን በሰጡት መግለጫ፤ በባድም ከተማ የተቃጠለ ትምህርት ቤትም ሆነ አውቶብስ የለም ብለዋል።

የኢትዮጵያ ሰራዊት ድንበር ተሻግሮ በኤርትራ ጦር ላይ ጥቃት ሰንዝሯል በሚሉ ዘገባዎች እንዳነበቡ ገልጸው። በአካባቢው የሰሙት የተኩስ ወይም የውጊያ ድምጽ እንዳልነበረ ለአሜሪካ ድምጽ ሬድዮ ገልጸዋል።

የድንበር ተሻጋሪ ጥቃቶች ሁለቱን አገሮች በሚያዋስነው ሰፊ የ1ሽህ 500 ኪ.ሜ ድንበር አልፎ አልፎ ይከሰታል። በቅርብ ጊዚያት በአፋር በኩል በጎብኝዎች በሚዘወተር ስፍራ የደረሰውን ጥቃት የኢትዮጵያ መንግስት በኤርትራ ለሚሰለጥኑ ታጣቂዎች ኃላፊነቱን ሲሰጥ፤ ኤርትራ አስተባብላለች።

በቅርብ ጊዚያት ደግሞ በምእራብ በኩል በተከዜ ወንዝ ዙሪያ አነስተኛ የወርቅ ማእድን አውጭዎች መታፈናቸውን መንግስትና ተቃዋሚዎች ይገልጻሉ። አረና ትግራይ የተቃዋሚ ፓርቲ እንደሚለው ከ259 በላይ ሰዎች በኤርትራ መንግስት ታፍነው ተወስደዋል።

የአረና ትግራይ ፓርቲ ሊቀመንበር አቶ ገብሩ አስራት፤ ባለፈው ሳምንት ተካሄደ ስለተባለው የድንበር ተሻጋሪ ጥቃትና ስለ አፈናው የሚያውቁትን ለቪኦኤ ሲናገሩ

“ስለግጭቱ፣ ሻቢያ (የኤርትራ መንግስት) ጋር ስለሚደረገው ውጊያ ዝርዝር ነገር ያወቅንው ነገር የለም። አንዳንድ ሰዎች በአካባቢው የተኩስ ድምጽ እንደሚሰማና የተኩስ ልውውጥ እንዳለ ይናገራሉ” ብለዋል።

የዚህን ዘገባ ዝርዝርና የዓይን ምስክሮች የተናገሩትን ከዚህ በድምጽ ዘገባው ያድምጡ።

Play below

 

(VOA) — ግንባሩ ጥቃቱን የፈፀመው የኢትዮጵያ መከላከያ ሠራዊት አባላት ደበች ሕሪሶ በተባለ አካባቢ ባለፈው ዕሁድ ግንቦት 19 አድርሰውታል ላለው ጥቃት በወሰደው የበቀል እርምጃ ነው፡፡
ባለፉት ሦስት ወራት ውስጥ የኦጋዴን ብሔራዊ ነፃነት ግንባር በጠቅላላው ስድስት መኮንኖችን ጨምሮ 168 ወታደሮችን መግደሉን መግለጫው አክሎ ጠቁሟል፡፡

ባለፈው ዕሁድ የመከላከያ ሠራዊቱ አድርሶታል ሲል ኦብነግ በሚያሰማው ክስ 18 ሠላማዊ ሰዎችን መግደሉንና ከ15 በላይ ደግሞ ጉዳት እንደደረሰባቸው የግንባሩ የውጭ ጉዳይ ኮሚቴ አባልና የኢትዮጵያ ጉዳይ ኃላፊ አቶ ሃሰን አብዱላሂ ገልፀዋል፡፡

ተዋጊዎቻቸው እንደወሰዱት በተናገሩት የበቀልና እስረኞችንም የማስፈታት እርምጃ ሁለት መኪኖችን ማቃጠላቸውን፣ የተለያዩ መሣሪያዎችና የመገናኛ ሬዲዮኖችን መማረካቸውን፣ ብርቆት ከተማንም ለ15 ሰዓታት ተቆጣጥረው መቆየታቸውንና ለወታደራዊ ስትራተጂ ሲባል ለቅቀው መውጣታቸውን አመልክተዋል፡፡

በሌላ በኩል ደግሞ በተጠቀሰው ውጊያ ውስጥ መሣተፋቸውን የተናገሩትና “ለሕዝቡ አገልግሎት የተሠራ የውኃ መሣቢያ ሊያወድሙ የመጡ ወንበዴዎችን ከአካባቢው አባርረናል” ያሉት ሻለቃ ሙክታር ሼኽ ሞሐመድ የሚባሉ የክልሉ ልዩ ፖሊስ አዛዥ በግጭቱ ወቅት 35 የኦብነግ ተዋጊዎችን መግደላቸውንና አሥር መማረካቸውን ለሶማሊኛ ቋንቋ አገልግሎት ክፍላችን አስታውቀዋል፡፡

ቀደም ሲልም የክልሉ ልዩ ፖሊስ አሥር ሲቪሎችን ራቅዳ በተባለች ቀበሌና በአካባቢዋ ገድሏል፤ ዘፈፋ አካሂዷል፤ የከፉ የሰብዓዊ መብቶች ረገጣዎችንም ፈፅሟል ሲሉ ሂዩማን ራይትስ ዋች የሚባለው የሰብዓዊ መብቶች ተሟጋች ቡድን የአፍሪካ ጉዳዮች ምክትል ዳይሬክተር ሌስሊ ሌፍኮው ስለሰጡት መግለጫ የተጠየቁት ሻለቃ ሙኽታር ሼክ ሞሐመድ መግለጫው “አንዳችም መሠረት የሌለውና የተለመደ የሂዩማን ራይትስ ዋች ፕሮፓጋንዳ ነው” ብለውታል፡፡

ዝርዝሩን ከዘገባው ያዳምጡ፡፡

Play below

 

(VOA) — በተደጋጋሚ የዘገብንበት ርዕሰ-ጉዳይ ነው፣ ዋልግድባ ገዳም። በዚህ ገዳም ላይ ደረሱ ከተባሉት አንዳንዶቹን ለመጥቀስ ለስኳር ፋብሪካ ፕሮዤክትና ለሸንኮራ-አገዳ ልማት ቦታው እየታረሰ ነው፤ የአበው መካነ-መቃብር እየተቆፈረ አስከሬናቸው በመውጣት ላይ ይገኛል፣ አያሌ አብያተ-ክርስቲያናት ሊፈርሱ በዕቅድ ተይዘዋል፣ የገዳሙ ንብረት የሆነ በርካታ ገንዘብ ባልታወቁ ታጣቂዎች ተዘረፈ፣ ብዙ ኲንታል የእጣን ምርት ባልታወቁ ሰዎች ተቃጠለ፤ እናም ይህን አባቶች «በደል» ያሉትን በዝርዝር ለተለያዩ መገናኛ ብዙኃን የሚገልጹ መነኮሳት አደን፣ ወከባና እንግልት እየደረሰባቸው ነው የሚሉ ይገኙባቸዋል።

የተባለው ልማት በእርግጥም በዕቅድ ላይ መሆኑን መንግትም ሆነ ጠቅላይ ቤተ-ክህነቱ ያምናሉ። መንግሥት፣ «ልማቱ ከገዳሙ ብዙ እርቅት ላይ ስለሆነ አይነካውም» ሲል፣ ወደ ስፍራው የተላኩት የጠቅላይ ቤተ-ክህነቱ የዐይን ምስክሮችም ይህንኑ አረጋግጠው፣ «ቤተ-ክህነት የመንግስቱን የልማት ዕቅድ ትደግፋለች” ብለዋል።

የገዳሙ ይዞታ እንዳይነካ ጥያቄ የሚያቀርበው ሕዝብ በአካባቢው ብቻ አልተወሰነም። «ዋልድባን ለመታደግ የተቋቋመ ዓለማቀፍ ኰሚቴ» የተሰኘው ስብስብ የየአካባቢው ተጠሪዎች ለቪኦኤ እንደገለጹት፣ ዛሬ አንድ ዓለማቀፍ ሰላማዊ ሰልፍ በመካሄደ ላይ ነው። ሰሜን አሜሪካ ውስጥ ቶሮንቶ-ካናዳ፣ ሎስ-አንጀለስ-ላኪፎርኒያ፣ ኒው-ዮርክና ዋሽንግተን ዲሲ። አውሮፓ ደግሞ ጀርመን፣ ብሪታንያ፣ ብራስልስና አውስትሬሊያ መሆኑን አስተባባሪዎቹ ተናግረዋል።

ዛሬ ማለዳ ከዩናይትድ ስቴትስ ምክር ቤት ተነስቶ ወደ ውጪ ጉዳይ መሥራ ቤት የተጓዘውን የዋሽንግተኑን ሰልፍ ተከታትለን ነበር።

በዚህ ሰልፍ ላይ የክርስትና እምነት ተከታይ ብቻ አይደለም የተገኙት። ሌሎችም በኢትዮጵያውነታቸው ተገኝተዋል።

ከዋሽንግተን ሌላም በሎስ-አንጀለስና በቶሮንቶ ካናዳም ተመሳሳይ ሰላማዊ ሰልፍ ተካሂዶ ነበርና ተወካዮቹን በስልክ አነጋግረናል።

ከዩናይትድ ስቴትስ ውጪ ጉዳይ መሥሪያ ቤት የተወከሉት ባለሥጣን Ms Lora, ሙሉ ስማቸውን ማግኘት አልተቻለም፤ የሰልፈኛውን ደብዳቤ ተቀብለው ጉዳዩን እንደሚያጤኑትና ተገቢ ነው የሚሉትን ምላሽ በጽሑፍ እንደሚሰጡ ለሕዝቡ ገልጸዋል።

በተለይም ባለፈው ሐሙስ ሰቋር ውስጥ፣ በማግስቱ ዐርብ ደግሞ ገሪማ ላይ ስብሰባ ተካሂዷል። የሐሙሱ፣ እራሱ ሕዝቡ ተጠራርቶ የተሰባሰበበት ሲሆን የዐርቡ ደግሞ ባለሥልጣናት የገዳሙን አሥር ያህል መነኮሳት ጠርተው የሰበሰቡት እንደነበር ተገልጾልናል። በዚህኛውም ሆነ ዛሬ በተካሄደው ሰልፍ ላይ ከዚያው ከአካባቢው ባለስልጣናት መልስ ለማግኘት ያደረግነው ጥረት አልተሳካም። ይሁንና ግድቡም ሆነ ልማቱ ገዳሙን እንደማይነካ መንግሥት ገልጧል።

ሙሉውን ዘገባ ለማዳመጥ እዚህ ይጫኑ፡

Play below

 

የቀድሞው የኢትዮጵያ ሬዲዮ የእሁድ ጠዋት ፕሮግራም ባለ ልዩ ግርማ ድምጽና አቀናባሪ ታደሰ ሙልነህ ባለፈው ረቡዕ ለሃሙስ አጥቢያ ነው ከዚህ ዓለም በሞት ተለየው።

የዕውቁን የራዲዮ ሰው ታደሰ ሙልነህን ህይወትና ሥራ በራዲዮ መጽሄት እንዘከራለን።

ከሁለት ዓመታት በፊት ከታደሰ ጋር ከነበረን ቆይታ የተወሰደ ድምጽና እንዲሁም ከወዳጅና የቀድሞ የሞያ ጓደኞቹ ጋር የተካሄደ ቃለ ምልልስ ቀጥሎ ያድምጡ።

የአሜሪካ ድምፅ የአዲስ አበባ ዘጋቢ ፒተር ሃይንላይን እና አስተርጓሚው ስመኝሽ የቆየ ዛሬ ከእሥር ተለቅቀዋል፡፡ ዝርዝሩ ዘግየት ብሎ ይወጣል፡፡

«ፍትሃዊ የገቢ ክፍፍል፤» የምሽቱ ክርክር የሚያነጣጥርበት ጭብጥ ነው።
በኢትዮጵያ ላለፉት በርካታ ዓመታት በተከታታይ ከአሥራ አንድ ነጥብ በመቶ በላይ የሆነ የምጣኔ ሃብት መዘገቡን የኢትዮጵያ መንግስት በተደጋጋሚ ሲገልጥ መቆየቱ ይታወቃል።

ተዘገበ የተባለውን ዕድገትና ያመጣውን ለውጥ አስመልክቶ ታዲያ የሁለት ወገን ውዝግቦች መሰማታቸው አልቀረም።

የኢትዮጵያው ጠቅላይ ሚንስትር መለስ ዜናዊ ባለፈው ሳምንት መጀመሪያ አዲስ አበባ ውስጥ በተከፈተ አንድ ዓለም አቀፍ የኅብረተሰብ ጤና አጠባበቅ ጉባዔ መክፈቻ ላይ ባሰሙት ንግግር፥ የተባለው ዕድገት ያስገኘው ጥቅም «ፍትሃዊ የገቢ ክፍፍል፤» አምጥቷል፤ ብለዋል።

እሰጥ አገባ ይህንኑ የጠቅላይ ሚንስትሩን ንግግር መነሻ በማድረግ የሁለት ወገን ዕይታ የተስተናገደበት ክርክር ይዞ ቀርቧል።

የክርክሩን የመጀመሪያ ክፍል ከዚህ ያድምጡ፤

Play below

 

በምእራብ አርሲ አሳሳ ከተማ ለአራት ሰዎች ህልፈት ምክንያት የሆነውን  ፖሊስና በአካባቢው ማህበረሰብ መካከል የተቀሰቀሰ ግጭት ሃላፊነት ማን እንደሚወስድ እያወዛገበ ነው።

የኢትዮጵያ መንግስት በሃይማኖት ሽፋን የፖለቲካ እንቅስቃሴ ሲመሩ የነበሩ አንድ የአሳሳ ከተማ ነዋሪን የጸጥታ ሃይሎች በቁጥጥር ስር ሲያውሉ፤ ግብረ አበሮቹ በፈጠሩት ሁከት በሰው ላይና በንብረት ጥፋት ደርሷል ብሏል።

በስፍራው የነበሩ የአይን ምስክሮች ፖሊስ በቁጥጥር ስር ያዋለው ሰው፤ ለምን እንደሚታሰር፤ ከታሰረም መብቱ ተጠብቆ ወደ ፖሊስ ጣቢያ እንዲያመራ፤ ወይም የአካባቢው ማህበረሰብ ለህግ እንዲያቀርብ በጠይቁ ጊዜ ፖሊሶች ሁኔታውን ባለመቀበል ሰውየውን ሲያስሩ፤ ማህበረሰቡ በቁጣ ድንጋይ መወርወር መጀመሩን ይገልጻሉ። ለዚህ ቁጣ የፖሊስ አጸፋዊ ምላሽ ጥይት በቀጥታ ውደ ሰዎች መተኮስ እንደነበር በስፍራው የነበሩ ሰዎች ለአሜሪካ ድምጽ ሬድዮ ገልጸዋል።

ከኦሮሚያ ፖሊስ ቃል አቀባይ ኮማንደር አበበ ለገሰና ከአካባቢው ነዋሪዎች ጋር የተደረገውን ቃለ ምልልስ ያዳምጡ

Play below

 

በጋምቤላ ክልል ታጣቂዎች በከፈቱት ጥቃት ቆስለው ከነበሩት ፓኪስታናዊያን አንዱ ትናንት ሕይወቱ ማለፉን በኢትዮጵያ የፓኪስታን አምባሣደር አስታወቁ፡፡

በዚህም መሠረት ጥቃቱ በተፈፀመበት ዕለት የተገደለውን ጨምሮ የሞቱት የፓኪስታን ዜጎች ቁጥር ሁለት ደርሷል፡፡

ቆስሎ የነበረው ፓኪስታናዊ ሕክምና ያገኝ የነበረው በመቱ ሆስፒታል እንደነበር ታውቋል፡፡

በጋምቤላ ክልል በሰፊ የእርሻ ልማት ስራ ላይ ከተሰማራው ሳዑዲ ስታር ዋና ጣቢያ አምስት ኪሎ ሜትር ርቀት ላይ ባለፈው ቅዳሜ በደረሰው ጥቃት የአራት ኢትዮጵያዊያንና የአንድ ፓኪስታናዊ ሕይወት ማለፉ ይታወሳል።

አራት ፓኪስታናዊያንና አራት ኢትዮጵያዊያን ደግሞ ቀላልና ከባድ ጉዳት ደርሶባቸው እንደነበር ተገልጿል።

በሌላ በኩል ደግሞ ትናንት ፖኬዲ በምትባል ቀበሌ የመንግሥት ወገን የሆኑ ታጣቂዎች፣ መምህራንና ተማሪዎች ተገድለዋል ሲሉ አንድ የአካባቢው ነዋሪና በሌላ በኩል ደግሞ የጋራ እንቅስቃሴ ለአዲሲቱ ኢትዮጵያ የሚባለው ቡድን ዋና ዳይሬክተር የሆኑት አቶ ኦባንግ ሜቶ ለቪኦኤ ገልፀዋል፡፡

ዝርዝር ዘገባዎቹን ያድምጡ

Play below

 

በጋምቤላ ክልል አንድ ፓኪስታናዊና አራት ኢትዮጵያዊያንን የገደለው ጥቃት “በፓኪስታንና ዜጎቿ ላይ ያነጣጠረ አይደለም” ሲሉ በኢትዮጵያ የአገሪቱ አምባሣደር ኡላም ዳስ ተጊር ገለፁ።

በሌላ በኩል ደግሞ ለአዲሲቱ ኢትዮጵያ የጋራ ንቅናቄ የሚባል ድርጅት ኃላፊ የሆኑት አቶ ኦባንግ ሜቶ ከትናንት በስተያ ከቪኦኤ ጋር ባደረጉት ቃለ ምልልስ ተገደለው ፓኪስታናዊ አንድ ሣይሆን አራት መሆናቸውን ገልፀው እንደነበር ይታወሣል፡፡

በኢትዮጵያ የፓኪስታን አምባሣደር ዛሬ በሰጡን መግለጫ ላይ የተቀናበረውን ዘገባ እና መግለጫውን መነሻ በማድረግ አቶ ኡባንግ ሜቶ የሰጡንን ቃለምልልስ ያዳምጡ፡፡

Play below

 

በጋምቤላ ክልል ታጣቂዎች ትናንት ማምሻውን በፈፀሙት ጥቃት አራት ኢትዮጵያዊያንና አንድ የፓኪስታን ዜጋ መገደላቸው ተገለፀ፡፡

የክልሉን ፖሊስ የጠቀሱት የመንግሥት መገናኛ ብዙኃን እንዳሉት አራት ኢትዮጵያዊያንና አራት ፓኪስታናዊያን ደግሞ ከባድና ቀላል የመቁሰል አደጋ ደርሶባቸዋል፡፡

በሌላ በኩል ደግሞ ተገደሉ የተባሉት ፓኪስታናዊያን ቁጥር አንድ ሣይሆን አራት መሆናቸውንና በአጠቃላይ የሞቱት ሰዎች ቁጥር አሥራአንድ መድረሱን ለአዲሲቷ ኢትዮጵያ የጋራ ንቅናቄ የተባለ ድርጅት ዛሬ ባወጣው መግለጫ አስታውቋል፡፡

ዝርዝሩን ያድምጡ፡፡

Play below

 

በምእራብ አርሲ ዞን አሳሳ ከተማ የዓርብ ጸሎት አድርሰው ከመስጊድ በሚመለሱ ሰዎችና በፖሊስ መካከል በተፈጠረ ግጭት ቢያስ 4 ሰዎች ሲገደሉ በርካቶች ቆስለዋል። የኢትዮጵያ መንግስት በሃይማኖት ሽፋን የፖለቲካ እንቅስቃሴ ሲመሩ የነበሩ አንድ የአሳሳ ከተማ ነዋሪን የጸጥታ ሃይሎች በቁጥጥር ስር ሲያውሉ፤ ግብረ አበሮቹ በፈጠሩት ሁከት በሰው ላይና በንብረት ጥፋት ደርሷል ብሏል። በስፍራው የነበሩ የአይን ምስክሮች ፖሊስ በቁጥጥር ስር ያዋለው ሰው፤ ለምን እንደሚታሰር፤ ከታሰረም መብቱ ተጠብቆ ወደ ፖሊስ ጣቢያ እንዲያመራ፤ ወይም የአካባቢው ማህበረሰብ ለህግ እንዲያቀርብ በጠይቁ ጊዜ ፖሊሶች ሁኔታውን ባለመቀበል ሰውየውን ሲያስሩ፤ ማህበረሰቡ በቁጣ ድንጋይ መወርወር መጀመሩን ይገልጻሉ። ለዚህ ቁጣ የፖሊስ አጸፋዊ ምላሽ ጥይት በቀጥታ ውደ ሰዎች መተኮስ እንደነበር በስፍራው የነበሩ ሰዎች ለአሜሪካ ድምጽ ሬድዮ ገልጸዋል። የኦሮሚያ ፖሊስ አዛዥ አቶ ደበሌ አዱኛ የእስልምና ሃይማኖትን ሽፋን በማድረግ የጅሃድ ጦርነት ሲቀሰቅስ የነበረ ግለሰብን በቁጥጥር ስር ለማዋል በተደረገ እንቅስቃሴ፤ ጥቂት ግብረ አበሮቹ በፈጠሩት ሁከት 4 ሰዎች መገደላቸውንና 10 ፖሊስ መቁሰሉን አቶ ደበሌ የመንግስቱ ልሳን ለሆነው የኢትዮጵያ ቴሌቪዥን ገልጸዋል። ከሰላማዊ ሰዎች የቆሰለውን ቁጥር ይፋ አላደረጉም። “ይሄ ቡድን የሚያራምደው ሃይማኖት አይደለም፤ በሃይማኖት ሽፋን ድብቅ የፖለቲክ አጀንዳ ያለው ነው። ፖሊስ ባደረገው ምርመራ ያረጋገጠውም የግለሰቦቹ አላማ ይች አገር የተያያዘችውን የልማትና የእድገት ጉዞ ማደናቀፍ ነው” ብለዋል። አቶ ደበሌ አክለውም በአሳሳ በተቀሰቀሰው ሁከት የህዝብ አገልግሎቶች ማለትም የስልክና የፖስታ ቤት ህንጻዎች ላይ ጉዳት ደርሷል። በዚህ እንቅስቃሴ ተሳትፈዋል ያላቸውን ፖሊስ በቁጥጥር ስር እንዳዋለ ገልጸዋል። የመንግስቱን ቃልና የአሳሳ ከተማ ነዋሪዎችን የምስክርነት ቃል በዚህ ዘገባ ያዳምጡ [podcast]http://media.voanews.com/audio/amh_arsi_killings.Mp3[/podcast]

ባለፈው ሳምንት የኢትዮጵያው የወያኔው ጠቅላይ ሚኒስትር መለስ ዜናዊ በፓርላማ ቀርቦ በሰጠው የአገሪቱ ሁኔታ መግለጫ፤ በምጣኔ ሃብት ዙሪያ ያተኮረው ንግግሩ በዋጋ ንረት ላይ ነበር።

የገንዘብ ዋጋ ማጣት ወይንም ግሽበት መንስዔዎችን ከዚህ ቀደም በነበሩ የፓርላማ ንግግሩ ዘርዝሮ፤ ለኢትዮጵያ የግሽበት መንስዔ ግን የሚበዛው በገበያ ስርዓቱና ከውጭ በሚመጣ የዋጋ ጭማሪ መሆኑን ሲያሰምርበት የቆየው መለስ፤ በዘንድሮው ንግግሩ በባለሙያዎች አስተያያት “በግልጽ ችግሮቹን ያመኑበት” ንግግር ነው። የመለስ ንግግር ላይ በመመርኮዝ የኢኮኖሚክስ መምህር ፕሮፌሰር ሰይድ ሃሰንንና የካርኒጊ ኢንዶውመንት ፎር ዴሞክራሲ የምጣኔ ሀብት ባለሙያ ሽመልስ መኮንን ጋር ያደረግንውን ውይይት ያዳምጡ

Play below

 

(VOA) — የመላ ኢትዮጵያ አንድነት ድርጅት (መኢአድ) የሰጠው መግለጫ የደቡብ ብሔር ብሔረሰቦችና ሕዝቦች ክልል ባለሥልጣናት በተፈናቀሉት ዜጎች ጉዳይ የያዙትን አቋም መነሻ ያደረገ ይመስላል። የክልሉ ፕሬዚዳንት አቶ ሺፈራው ሽጉጤ ሰሞኑን ለጋዜጠኞች በሰጡት መግለጫ የተፈናቀለ ሰው እንደሌለ ነው የገለፁት።

“ሃያ ሁለት ሺህ ሰዎች ቤንቺ ማጂ ዞን ጉራ ፈርዳ ወረዳ እንደሠፈሩ ነው፤ አልተፈናቀሉም፤ ውሸት ነው” ብለዋል። “የመጡበት ሁኔታ ትክክል ስላልነበረ አካባቢውን ለቅቀው መውጣት የነበረባቸው” ያሏቸው “አንድ ሺህ አንድ መቶ ሃያ ሰዎች ንብረት በማፍራታቸው ከጉራ ፈርዳ እንዳይፈናቀሉ ተደርጓል” ብለዋል።

“በተለያዩ የክልል አካባቢዎች የሠፈሩ ነባሮች ግን ከህዝቡ ጋር ተዋድደውና ተከባብረው ኑሯቸውን ቀጥለዋል፤ የአማራ ብሔር ተወላጆች ከደቡብ እንዲፈናቀሉ ተደርጓል የሚለው ዜና ውሽት ነው” ብለዋል።

በመኢአድ ህዝብ ግንኙነት ኃላፊ አቶ ጌታቸው አበበ የተነበበው የድርጅቱ መግለጫ ግን የፕሬዚደንቱን አስተያየት አውግዟል።

የክልሉ ፕሬዚዳንት በአገሪቱ መገናኛ ብዙኃን የተናገሩትን “ርካሽ ፕሮፓጋንዳ አሣዛኝና አሣፋሪ ሆኖ አግኝተነዋል” ብለዋል።

“ፕሬዚዳንቱ ፀሐይ የሞቀውን እውነት ለመሸፈን ሲሉ ከክልሉ የተፈናቀለ የለም ማለታቸው ኢሰብአዊ ኢዴሞክራሲያዊና የዜጎችን ክብር የነካና ያዋረደ ነው” ብለዋል።

“መንግሥት በሕዝብ ላይ ለደረሰ ስቃይ ጆሮና ዐይን ሰጥቶ መፍትሔ ከመፈለግ ይልቅ በተራ ፕሮፓጋንዳ መጠመዱን ያሣያል” ብለዋል።

ከጉራ ፈርዳ የሚፈናቀሉ ብሔረ አማራ ገበሬዎች ቁጥር ከነቤተሰባቸው ወደ ሰባ ስምንት ሺህ እንደሚደርስ መኢአድ ጠቁሟል።

እስክንድር ፍሬው ከአዲስ አበባ መግለጫዉን ተከታትሏል፤ አዲሱ አበበም ከዋሽንግተን ቢሯችን ወደ ተፈናቃዮች ስልክ ደውሎ የሰሞኑን ሁኔታ ዘግቧል፡፡

ዝርዝሩን ከዘገባው ያድምጡ።

Play below

 

በመላው ዓለም ታዋቂነትና ከፍተኛ ከበሬታን ያገኙት ኢትዮጵያዊው የስነ ጥበብ ሰው ሎሬት ሜትር አርቲስት አፈወርቅ ተክሌ ትላንት ማምሻውን ከዚህ ዓለም በሞት ተለዩ። እስክንድር ፍሬው ከአዲስ አበባ ተከታዩን አጠናቅሯል።

Play below

 

የአፋር ሰብዓዊ መብቶች ድርጅት በአፋር ክልል ውስጥ ይስተዋላል የሚለውን የሰብዓዊ መብቶች ጥሰት አስመልክቶ ተደጋጋሚ መግለጫዎችን ማውጣቱን ሰሞኑን በበተነው የፕሬስ መግለጫ አስታውቋል፡፡

መግለጫው ሲጀምር “ለሃገር ውስጥና ለውጭ መገናኛ ብዙኃን ዝግ በሆነው በአፋር ክልል ውስጥ ብዙ የጭካኔ አድራጎቶችና የመብቶች ረገጣዎች” እንደሚካሄዱ፣ እነዚህ በአፋር ሲቪሎች ላይ ይፈፀማሉ ያላቸው “በደሎች ሳይገለጡና ሳይዘገብባቸው” እንደሚቀሩም አመልክቷል፡፡

“ምንም እንኳ በቅርቡ በኤርታአሌ አካባቢ የውጭ ሃገር ጎብኚዎች መገደላቸውና መጠለፋቸው የዓለምን ትኩረት ወደክልሉ ቢስብም መንግሥት በዞን ሁለት ሲቪሎች ላይ እያካሄደ ያለው የበቀል እርምጃና ወከባ ግን ብዙም ትኩረት አልተሰጠውም” ይላል የሰብዓም መብቶች ድርጅቱ መግለጫ፡፡
በዞን ሁለት የጅምላ እሥራት እየተካሄደ መሆኑን፣ ሠራተኞች ተቃዋሚዎችን ትደግፋላችሁ እየተባሉ ከሥራ እንደሚባረሩ ይኸው መግለጫ ጠቁሟል፡፡
በአዋሽ ሸለቆ ላይ በተዘረጉትና በሁለት ግድቦች ውኃ በሚጠጡት የሸንኮራ አገዳ ሰፋፊ እርሻዎች ሣቢያ ቁጥሩ እጅግ የበዛ ሰው እየተፈናቀለ መሆኑ በመግለጫው ላይ ከሠፈሩ ሌሎችም ክሦች መካከል ይገኛል፡፡

ቪኦኤ በስልክ ያነጋገራቸው በአፋር ክልል በተባሉት አካባቢዎች ውስጥ ነዋሪ የሆኑ ሰዎች የሰብዓዊ መብቶች ድርጅቱ የተጠቀሱትን ክሦች የሚያጠናክሩ ሲሆን ለቪኦኤ ጥያቄዎች መልስ የሰጡት የክልሉ ርዕሰ መስተዳድር አማካሪ አቶ አሊ አብደላ አሊ የተባሉትን አቤቱታዎች አስተባብለዋል፡፡
ዝርዝሩን ከቅንብሩ ያዳምጡ፡፡

Play below

 

በቅርቡ ከደቡብ ክልል ልዩ ሥሙ አባ ፈርዳ ከተባለው አካባቢው የተፈናቀሉ አርሶ አደሮች የዛሬ ይዞታና ክልሉ የወሰደው እርምጃ፤ እንዲሁም የህጉ ዕይታ ይፈተሻል።

ባሁኑ ወቅት እዚያው በሥፍራው የሚገኙ አርሶ አደሮች፥ አንድ ሁለቱን ጨምሮ ጉዳዩን የሚከታተለው የተቃዋሚው መኢአድ አንድ ተጠሪና የክልሉ ፕሬዚደንት ጽ/ቤት ኃላፊና የካቢኔ ሰብሳቢ ተጠይቀዋል።

Play below

 

በቅርቡ ይፋ የተደረገውን የመምህራን ደመወዝ እርከን ጭማሪ “በቂ አይደለም በማለት” በአዲስ አበባና በክልል ከተሞች በሚገኙ አንዳንድ ት/ቤቶች፤ የተደረገው የስራ ማቆም እርምጃ አብቅቶ፤ መምህራን ካለፈው ሰኞ ጀምሮ ወደ ስራ ገበታቸው ተመልሰዋል።

ለቪኦኤ አስተያየታቸውን የሰጡ መምህራን፤ የመማር ማስተማር ሂደቱን ቀጥለው፤  በጎን ጥያቂያቸውን በግልና በህብረት ተደራጅተው እንደሚያቀርቡ ገልጸዋል። እየተደረገብን ያለው ጫና ጥያቂያችን ሳይመለስ ስራ እንድንጀምር አድርጎናል ሲሉ አንዳንድ መምህራን ተናግረዋል።

በተለያዩ የአገሪቱ ክፍሎች፤ በተለይ በአማራ ክልል አንዳንድ ወረዳዎችም አንዳንድ ት/ቤቶች የስራ ማቆም አድማ አድርገው ነበር። በሰሜን ጎንደር ደምቢያ ዞን የሚገኙ በ6 ት/ቤቶች ለቀናት የዘለቀ የስራ ማቆም አድማ ተካሂዶ ነበር።

በተመሳሳይ መልኩ ስራቸውን እየሰሩ ጥያቄያቸውን ለመንግስት አካላት አቤት ለማለት ወስነው መምህራኑ ወደስራቸው ከተመለሱ ሳምንታት ተቆጥረዋል። ሆኖም 6 መምህራን ከስራቸው ታግደዋል።

በኢትዮጵያ የሚገኙ መምህራን ከሌሎች የመንግስት መስሪያ ቤቶች የደመወዝ ክፍያ ጋር የተመጣጠነና ወጥ ያልሆነው የደመወዝ እርከን ተገቢ አይደለም በማለት ከትምህርት ምንስቴርና ከሲቪል ሰርቪስ ባለስልጣናት ጋር ውይይትና ድርድር ከጀመሩ ቆይተዋል።

በተለይ በደመወዝ እርከን ማስተካከያ ጥያቂያቸው ላይ እስከ ጥር 30 ምላሽ ለማግኘት ሲጠብቁ የነበረ ቢሆንም፤ በጉዳዩ ላይ በቂ ምላሽ አልተሰጠም ብለው እንደሚያምኑ መምህራኑ ይገልጻሉ።

የኢትዮጵያ መንግስትም በቅርቡ የመምህራንን ህይወት ይለውጣል ያለውን የደመወዝ ጭማሪ እንደየደረጃው ከ69 -140 ብር የደረጃ ማስተካከያ አድርጓል።

ከኑሮ ውድነቱ ጋር የተስተካከለና መሰረታዊ የምግብና የመጠለያ ፍላጎቶችን የሚያሟላ ደመወዝ ይገባናል፤ ጥያቂያችን ተሰሚነት ያግኝ ሲሉ አንዳንድ ት/ቤቶች የስራ ማቆም አድማ ያደረጉ ቢሆንም፤ ከዘገባችን እንደተረዳንው፤ አሁን በመላ አገሪቱ የመማር ማስተማር ሂደቱ ለጊዜው ቀጥሏል፤

በደምቢያ ወረዳ መምህራን ወደ ስራ ገበታቸው ሲመለሱ፤ 6 አስተማሪዎች ከስራቸው ታግደዋል። ጉዳዩ የሚመለከታቸው የመንግስት ባለስልጣናት አቤቱታችንን ይስሙን፤ ድምጻችንን የምናሰማው በሰላማዊ መልኩ ሆኖ ሳለ፤ የወረዳና ቀበሌ ባለስልጣናት የሚያደርሱብንን ወከባ፣ የስራ ማገጃዎችና ክሶች እንቃወማለን ይላሉ ስማቸውን ያልጠቀሱ አንድ መምህር።

ከስራ የታገዱት መምህራን፤ እስካሁን ደመወዛቸው አለመቋረጡን ገልጸው፤ ወደ ስራ ገበታቸው ተመልሰው ጥያቂያቸውን እንደሌሎች የሙያ ባልደረቦቻቸው በማህበራቸው በኩል ጥያቄ ማቅረብ እንደሚፈልጉ ነው የገለጹት።

ሆኖም የወረዳና የቀበሌ ባለስልጣናት ያለምንም አይነት የፍትህ ሂደት፤ የወላጆችና መምህራን ህብረት፤ እንዲሁም በፓርቲ ባለስልጣናት ተሰባስበው  ባስቻሉት ችሎት የሰውና የሰነድ ማስረጃ አቅርበው፤ መምህራኑን ጥፋተኛ ብለዋቸዋል።

ያዳምጡ
ክፍል 1

Play below

 
ክፍል 2

Play below

 

በየመን የሚገኙ ኢትዮጵያውያንና ኤርትራውያን ስደተኞች ለወራት ሲማጸኑ ከነበሩበት የተባበሩት መንግስታት ድርጅት ጽ/ቤት ደጃፍ በኃይል ወደተለያዩ አካባቢዎች መጋዛቸውን የስደተኞቹ ተወካዮች አስታወቁ።

የኃይል እርምጃውን ማምለጣቸውን የተናገሩ ስደተኞች እንዳመለከቱት፥ የየመን ፖሊስ ኃይል ነው፥ በስደተኞች ጽ/ቤት ተመዝግበው ለበርካታ ዓመታት በዚያች አገር የኖሩትን ጨምሮ በብዙ መቶዎች የሚቆጠሩትን እነኚህን ስደተኞች በከፍተኛ የኅዝብ ማመላለሻ ተሽከርካሪዎች እያሳፈረ በብዙ መቶ ኪሎሜትሮች ወደ ራቁ አካባቢዎች ያጓጓዘው።

Play below

 

በቅርቡ የፌደራል ጉዳዮች ሚኒስትር የሙስሊም ትምህርት ቤት አወሊያን ያስተዳድር የነበረው ድርጅት አክራሪነትንና ጥላቻን ያስተምር ስለነበር እንዲባረር ተደርጓል ማለታቸውና በአወሊያ ጉዳዮች ዙሪያ የተቋቋመው ኮሚቴ ተጠሪ ደግሞ ሚኒስትሩ ለተናገሩት ማስረጃ የለም ማለታቸውን ዘግበናል። መንግሥት አህባሽ የተባለው የእስልምና ዘርፍ ትምህርት ላይ እንዲውል እያደረገ ነው፤ ይህን የሚደግፉና የሚነቅፉ የሃይማኖቱ ተከታዮች አሉ። ለምን? አህባሽ ቀድሞ አብዛኛው ህዝበ ሙስሊም ከሚከተለው ዕምነት በምን ይለያል? ወሃቢያ የሚባለውስ የዕምነት ዘርፍ ምንድነው? እነዚህና ሌሎችም ተዛማጅ ጥያቄዎችን አድማጮች ለሃይማኖቱ ምሁራን አንስተዋል፡፡ በጥያቄዎ መልስ ዝግጅት ቀርበው መልስ ለአድማጮች ጥያቄዎች መልስ የሰጡልን አቶ አደም ከሚል ከኢትዮጵያ፣ ኢማም ሼህ ሣላህዲን ከአትላንታ - ዩናይትድ ስቴትስ ናቸው፡፡ ቅንብሩን ያዳምጡ፡፡ [podcast]http://www.voanews.com/MediaAssets2/amharic/dalet/AMH_sa_tb_muslim_awolia_adem_salahadin_03_31_12.Mp3[/podcast]

አምስተኛ ተከሣሽ ክንፈሚካኤል ደበበ በአንደኛ ተከሣሽ በአቶ አንዱዓለም አራጌ በችሎቱ ላይ ተገኝቶ የነበረው ሌላው ዘጋቢያችን ፒተር ሃይንላይን ባጠናቀረው ሌላ ዘገባ ደግሞ እስክንድር ነጋ ለችሎቱ ባሰማው ቃል “የሕሊና እሥረኛ ነኝ” ማለቱንና መንግሥትን በኃይል ለመጣል አሲረሃል ተብሎ የቀረበበትን ክሥ ማስተባበሉን፤ የፍርድ ቤቱን ብይን አስመልክቶም ታሪክ እንደሚፈርድ ማሳሰቡን አመልክቷል፡፡

እስክንድር ለሃያ ደቂቃ ያህል ለችሎቱ በሰጠው ቃል እንደዐረብ አብዮት ዓይነት ንቅናቄ ኢትዮጵያ ውስጥም መሠረት ሊኖረው እንደሚችል መፃፉንና ለሰላማዊ ትግል መጥራቱን ያመነው እስክንድር ለሁከት ወይም ሕገመንግሥቱን በኃልይ ለመጣል ለሚያነሣሣ አድራጎት አለመቀስቀሱን ተናግሯል፡፡

በዚሁ የችሎቱ የመጀመሪያ ዕለት የቀረቡት የመጀመሪያው ተከሣሽ አቶ አንዱዓለም አራጌ ክሦቹ ሁሉ የተመሠረቱት በሃሰት ላይ ተመርኩዘው መሆኑን መናገራቸው ተዘግቧል፡፡

በችሎቱ ላይ ዋና ምስክር ሆነው የቀረቡት የቀድሞው የኢትዮጵያ ፕሬዚዳንት ዶ/ር ነጋሦ ጊዳዳ ተከላካዮቹ የፖለቲካ ለውጥ እንዲመጣ ይንቀሣቀሱ የነበሩት በሕጋዊ መንገድ እንደነበረ ተናግረዋል፡፡

ተከላካዮቹ “የሽብር አድራጎት ለመጠንሰስ ያሴሩ ነበር” ሲል አቃቤ ሕግ ቀደም ሲል እንደማስረጃ ያቀረበባቸው የተቀረፁ ድምፆች የተጫጫሩና ለመስማት አዳጋች የሆኑ የስልክ ንግግር ቅጂዎች እንደነበሩ ፒተር በዘባው ላይ ጠቁሟል፡፡

የሰብዓዊ መብቶችና ሃሣብን የመግለፅ ነፃነት ተሟጋች ቡድኖች የኢትዮጵያውን ፀረ-ሽብር ሕግ የሃገሪቱን ሕገመንግሥት የሚረግጥና የፖለቲካ ነፃነትን የሚያግድ ነው ሲሉ አንደሚነቅፉት ይታወቃል፡፡

እስክንድርም በቁጥጥር ሥር ከመዋሉ በፊት ሕጉ ተቃውሞን ለመገደብ የታሰበ ነው ሲል በኢንተርኔት ባወጣው ፅሁፍ ተችቶት ነበር፡፡

የ1997ቱን ምርጫ ተከትሎ ከእስክንድር ጋር ታሥራ የነበረችው ባለቤቱ ሰርካለም ፋሲል ዛሬ ለቪኦኤ በሰጠችው ቃል እስክንድር “የግንቦት ሰባት አባል ነህ” መባሉ እንደሚያሣዝነውና የሚናገረው የግንቦት ሰባት አባል አለመሆኑንና ጋዜጠኛ መሆኑን እንደሆነ አመልክታለች፡፡

እስክንድርና አቶ አንዱዓለም ከ1997ቱ ምርጫ በኋላ ከታሠሩና በኋላም በምህረት ከተለቀቁ 130 ጋዜጠኞችና የፖለቲካ ሰዎች መካከል ይገኙ ነበር፡፡

ባለፈው መስከረም አዲሱ ፀረ-ሽብር ሕግ ተግባራዊ እንደሆነ ከሌሎች ስድስት ተከሣሾች ጋር በቁጥጥር ሥር መዋላቸውና አብዛኞቻቸው ዩናይትድ ስቴትስ ውስጥ የሚኖሩ ሌሎች 18 ሰዎች የግንቦት ሰባት ደጋፊዎች ናችሁ ተብለው በሌሉበት መከሰሳቸው ይታወቃል፡፡

የአሁኖቹ ተከሣሾች ጥፋተኛ ናቸው ተብሎ ከተበየነ የሞት ፍርድ ሊጠብቃቸው እንደሚችል የሕግ ባለሙያዎች ይናገራሉ፡፡

ዘገባውን ያዳምጡ፡፡

Play below

 

በእነ አቶ አንዱዓለም አራጌ የክሥ መዝገብ የቀረቡ ተከሣሾች መከላከያቸውን ማሰማት ቀጥለዋል። አንዳንዶቹ ፍርድ ቤት ከመቅረባቸው በፊት ለወራት መታሰራቸውንና የማሰቃየት ተግባር እንደተፈጸመባቸው ለችሎቱ ገልፀዋል።

Play below

 

የፌደራል ከፍተኛ ፍርድ ቤት ዛሬ እነ አቶ አንዱዓለም አራጌን መከላከያ ምሥክሮች መስማት ጀመረ። ማረሚያ ቤቱ አቶ አንዱዓለም ያቀረቡትን አቤቱታ መሰረተ ቢስ ነዉ አለ። ፍርድ ቤቱ እስካሁን ዉሳኔ አልሰጠም።

ዘገባውን ያዳምጡ

Play below

 

ከዋሽንግተን ዲሲ አካባቢ የተሰባሰቡ ወጣት የኢትዮጵያ ኦርቶዶክስ ተዋህዶ እምነት ተከታዮች ያስተባበሩት ሰላማዊ ሰልፍ ዛሬ ዋሽንግተን ዲሲ ኢትዮጵያ ኤምባሲ ፊት ለፊት ተካሂዷል።

Play below

 

ለአንድ መቶ አምስት መምህራን አንድ መቶ አምስት የማስጠንቀቂያ ደብዳቤዎችን የለጠፈው የኮከበ ፅባህ ሁለተኛ ደረጃና የመሰናዶ ትምህርት ቤት አድማ የመቱት መምህራን ዛሬ ሥራ ካልጀመሩ እንደሚባረሩና ሕጋዊ እርምጃ እንደሚወሰድባቸው አስጠንቅቋል።

በተፈጠረው ሕገ ወጥ ተግባር በሀገር፣ በሕዝብና በተቋም ላይ የሚደርሰው ሰብዓዊና ቁሣዊ ሃብት ውድመት በሕግ ተጠያቂ እንደሚሆኑም ያስጠነቅቃል።

መምህራኑ ዛሬ ወደ ሥራ ገበታቸው እንዲመለሱ የጠየቀው ደብዳቤ ይህ ካልሆነ ሥራቸውን በገዛ ፈቃዳቸው እንደለቀቁ ተቆጥሮ ተገቢው ህጋዊ እርምጃ እንደሚወሰድባቸው ያሳስባል።

የሌሎች ትምህርት ቤቶች መምህራንም ተመሳሳይ የሥራ ማቆም አድማ መትተዋል።

የከፍተኛ አሥራ ሁለት ሁለተኛ ደረጃ ትምህርት ቤት፣ የደራርቱ ቱሉ መሰናዶ ትምህርት ቤት፣ አዲስ ብርሃን አንደኛ ደረጃ ትምህርት ቤት መምህራን እንደ ኮከበ ፅባህ ሁሉ ሥራ ያለመጀመራቸውን ምንጮች ገልፀዋል።

ለከፍተኛ አሥራ ሁለትና አዲስ ብርሃን መምህራን ተመሣሣይ የማስጠንቀቂያ ደብዳቤ ደርሷል።

በየካቲት አሥራ ሁለት ወይም በቀድሞ አጠራሩ በመነን ሁለተኛኛ መሰናዶ ትምህርት ቤትም ካለፈው ዓርብ ጀምሮ ትምህርት ተስተጓጉሏል።

የመምህራኑ የተቃውሞ መነሻ ተደረገ የተባለውን የደመወዝ ጭማሪ አስመልክቶ በኢትዮጵያ መንግሥት ባለሥልጣናት ሰሞኑን በቴሌቪዢን የተሰጠ መግለጫ ነው።

ጭማሪውን ይፋ ያደረጉት ባለሥልጣናት የተጠቀሙበት አገላለፅ በራሱ ለተቃውሞው ምክንያት አስተዋጽዖ ማድረጉን አንድ ስማቸው እንዳይገለጥ የጠየቁ መምህር ለቪኦኤ ገልፀዋል።

“የመምህሩን ህይወት በከፍተኛ ደረጃ የሚለውጥ፣ ኑሮን የሚያሻሽል የመምህራንን ፍልሰት የሚያስቆም የቀደመውን የሙያውን ማዕረግ የሚመልስ” በማለት ክበው የተናገሩት ከደሞዝ ጭማሪው መጠን ጋር የማይጣጣምና ይልቁንም በመጋነኑ ምክንያት በመምህሩ ላይ በኪራይ ቤት ጭማሪና በመሳሰሉት ችግር የፈጠረ ነው ብለዋል።

መፍትሔ የሚሆነውም መንግሥት የጭማሪውን መጠን በግልፅ ተናግሮ መምህሩን ይቅርታ መጠየቅ ነው ብለዋል።

ዝርዝሩን ከእስክንድር ፍሬው ዘገባ ያድምጡ።

Play below

 

የዋልድባ ገዳም ይዞታዎች የሆኑ አካባቢዎችን «መንግሥት ለልማት ሊያውል ነው፤ በተለይም የስኳር ፋብሪካ ሊያቋቁምበት ነው» የሚል መረጃ ስለደረሰን ሁኔታውን ለማጣራት ጉዳዩ የሚመለከታቸውን ሰዎች ከቦታው አጋግረናል። በዚሁ መሠረት ሁለት ፕሮግራሞችን ስናቀርብ የመንግሥትን ወገን አላገኘንም ነበር። ባለፈው ረቡዕ ግን ከዚያው ከአካባቢው የማይፀብሪ ወረዳ አስተዳዳሪ አቶ ሲሣይ መረሳ መልስ ሰጡንና የሁለት አባቶችን አስተያየት አካትተን አቅርበነዋል። በዚህ ዝግጅት ባለፈው ረቡዕ የላለፈውን ፕሮግራም አዘጋጅና አቅራቢው አዲሱ አበበ ከአንዳንድ ተጨማሪ ማብራሪያዎች ጋር አጣምሮታል።

Play below

 

«ኢትዮጵያ በጋዜጦች» የተሰኘው ሳምንታዊ  ፕሮግራማችን

-የኢትዮጵያ አየር መንገድ የቀበቶ ማጥበቅ እርምጃ እየወሰደ መሆኑ ተገለጸ

-ኢትዮጵያ በኤርትራ ግዛት ላይ ስለወሰደችው እርምጃ

-በአለም ደቻሳ አሟሟት ላይ ሙሉ ምርምመራ እንዲደረግ ኢትዮጵያ ጠየቀች የሚሉትን ርእሶች

ይዞ ቀርቧል።

Play below

 

ከአዲስ አበባ በስተደቡብ ምሥራቅ 15 ኪሎ ሜትር ያህል ርቀት ላይ የሚገኘው ዝቋላ ተራራ በአቦዬ ገብረመንፈስ ቅዱስ ስም የቆመው ጥንታዊ ገዳም የሚገኝበት ሥፍራ ነው፡፡ በተራራው ላይ ያለው ገዳም መቃጠል የጀመረው መጋቢት ስምንት 2004 ዓ.ም መሆኑን አንድ እማኝ ለቪኦኤ ተናግረዋል፡፡ ቃጠሎው ስፋት ያለውን የአካባቢውን ደን ማቃጠሉን እማኙ አመልክተው እሳቱ ወደገዳሙና በአካባቢውም ወዳለው ፀበል መቃረቡንም ጠቁመዋል፡፡ ስለቃጠሎው መንስዔ እኒሁ እማኝም ሆኑ ሌሎች የአካባቢው ሰዎች እንደማያውቁ ገልፀው ከተራራው ግርጌ ግን አክሳዮች እንዳሉ ጠቁመዋል፡፡ ዝርዝር ዘገባውን ከመለስካቸው አምኃ ዘገባ ያዳምጡ፡፡

Play below

 

የፕሬዝዳንት ባሽር አላሳድን አስተዳደር በተቃወሙ ዜጎቿ ላይ ያልተቋረጠ የኃይል ጥቃት በከፈተችው ሶሪያ የሚገኙ ኢትዮጵያውያን ስደተኛ ወገኖቿን ለመርዳት የምትንቀሳቀስ አንዲት በስደት ላይ የምትገኝ ወጣት ናት ባለ ታሪኳ።

የዘገባውን ዝርዝር ለመስማት የሚቀጥለውን ይጫኑ

Play below