የእስክንድር ወንጀሉ መምከሩና ኣቅጣጫ ማሳየቱ ብቻ

                                                                                                                               በ.ፒ.ዲ.ኤፍ. ለማንበብ እዚህ ላይ ይጫኑ።  እስክንድር ነጋ

በብጹዕ አቡነ መቃሪዮስ ስም የሲኖዶሶች ድርድር

አስመላሽ ገበየሁ

ከደቡብ አፍሪካ

(በፒ.ዲ.ኤፍ. ለማንበብ እዚህ ላይ ይጫኑ)

ከውጭው ሲኖዶስ በቁጥር 2087/2012 በ 10/19/2012 ለአዲስ አበባው ሲኖዶስ አቃቤ መንበር ለአቡነ ናትናኤል የተጻፍውን ደብዳቤ አስመልክቶ የተሰማኝን ጥልቅ ሃዘንና ብስጭት ለመግለጽ ቃላቶች ያጥሩኛል። አባቶቻችን ሰላምታ መለዋወጣቸው ባልከፋ ነበር ሆኖም ወንድማቸውን ብጹዕ አቡነ መቃሪዎስን መስዋዕት ለማድረግ የተላከውን ደብዳቤ በተለይም “…..ይህንን ከባድ ስራ በምናካሂድበት ጊዜ የአፍራሽነት ተልዕኮ ያላቸው መስለው የሚታዩ ቢኖሩ እርምጃችንን የሚያሰናክሉ ሊሆን አይገባም። ለምሳሌ እንደ ብጽዕ አቡነ መቃሪዮስ ያሉ የሚናገሩትና የሚሰሩት በራሳቸው ፈቃድ እንጅ ሲኖዶሳችንን ወክለው እንዳይደለ ……እኛም የማንደግፈው መሆኑ እንዲታወቅልን…..”  ይላል። በጣም ያሳዝናል። ለነገሩ ለዚችው ሆዴ በሬውን አረድኩት የሆነ ነገር ነው።ማለትም በአገራችን ብሂል

“በሬ ሆይ፤ በሬ ሆይ ሞኙ በሬ ሆይ  ሳሩን አየህና ገድሉን ሳታይ

እልም ካለው ገደል ገብተህ ወደቅህ ወይ?”

ዓይነት የሆነ ደብዳቤ ነው። ያሳዝናል። ዳሩ ግን  በስብሃት ነጋና በአባይ ጸሐዬ የሚመራው የአዲስ አበባው ሲኖዶስ መቼ ዋዛ ሆነና በውጭ ያሉትና “ዕርቅ ሰላም” በሚሉት አባቶች ላይ የስቅላት የሞት ብይን አስተላለፈባቸውና 6ኛ ፓትርያርክ ሾመና አቆብቅበው የነበሩትን ሁሉ አስተነፈሳቸው። እንደ ዮሴፍ ወንድማችውን ለመሸጥ (ለመደራደር) የተፈተለው የድብዳቤ ፈትል ውሃ በላው።

የውጭው ሲኖዶስ አራተኛው ፓትርያርክ ብጹዕ ወቅዱስ አቡነ መርቆሪዎስ ትክክለኛው ፓትርያርክ ናቸው። የቤተክርስቲያን ህግ አንድ ፓትርያርክ በህይወት እያለ አሱን አስወግዶ ሌላ ፓትርያርክ መሾም ህገውጥነት ነው ብሎ ጸንቶ በመቆም ለወደፊቱ እንዳይደገም መሠረት የሆኑ ጉዳዮችን ማንሳትና ለጥንታዊቷ ተውህዶ ቤተክርስቲያናችን የነገረ መለኮትና ቀኖና ቤተክርስቲያን መቆም ሲገባው የኋሊት በመሄድ በብጹዕ አቡነ መቃሪዮስ ማመካኘት ምን ይሉታል? ወይንስ ውስጡን እንደምናውቀው በተሞከረው ድርድር ላይ አባ ጳውሎስ ብጹዕ አቡነ መርቆሪዎስን “ከሥልጣን የለቀቁት በህመም ምክንያት ወደው ነው” ብለው እንደዋሹና እንዲያስዋሹ በጋሻ ጃግሬዎቻችው የተቀነባበረ የስብሐት ነጋና የአባይ ጸሃዬ ሴራ ዓይነት ይሆን? ይህ ደብዳቤ እውነቱን የሳተ ያንቀላፋና ዓላማውን የሳተ ነው።

አቡነ መቃሪዎስን የወነጀለው ዶሴ ማብሪያሪያና ማስተባበያ ያስፈልገዋል። ዛሬ የተዋህዶን ትምህርት ያፋለሱ፣ ታሪክ ያቃወሱ ሰዎችንና መጻህፍቶቻቸውን እንዳንቀበል ሰርቶ ከማሰራትና በውስጣቸው በቤተ ምኩራብ የገበትን የሸቀጥ ሰዎች በክርስቶስ ጅራፍ ከመገሰጽ ይልቅ ብጹዕ አቡነ መቃሪዎስ እውነትን በመናገር በጽድቅ የጀመሩትን ህይወት “አፍራሽ” ብሎ መደራደር ምን አመጣው? ከዮሴፍ የወንድሞች ሽያጭ በምንስ ይለያል? እንደዚህ ዓይነቱ ከንቱ የማሳጣት ቀላጤ በቤተክርስቲያን ጠንክራ እንድትነሳ ህዝባችንም ነጻ እንዲወጣ የሚያደርግ መንገድ አይደለምና እራሳችንን ከዕርም እናውጣ። ጨካኝ አለቃም አንሁን። “.. ዘይትሃጸብ እምድኃረ ገሠሠ በድነ ወካዕበ ይደግም ገሢሠ ምንተ ይበቁ አዖ….” ሲራክ 31፡30

ማለትም እሬሳ የነካውን ሰው መልሶ ለመንካት እጁን ቢታጠብ መታጠቡ ምን ይጠቅማል? እንዳለው ከገባንበት እርም ሳንወጣ እንደገና ሌላ እርም ውስጥ ለመግባት አንሞክር። ብጹዕ አቡነ መቃሪዎስን እርም ያልተጫናቸው ከተገፋው ህዝብ ጋር እንዳይቆሙ፣ እንዳያጽናኑ፤ እንዳይሰሩ፣ ለአገራቸውና ለህዝባቸው መከራ በአደባባይ እንዳይጮሁ እንቅፋት ከመሆን ያላለፈ ሚዛን የሌለው ማኒፌስቶ በስብሃት ነጋ መሆኑን አለማስተዋላችን ለዚችው ሆዴ በሬዬን አረድኩት እንደተባለ እውነተኛ አባቶቻችንን በጠላት መሸንገያ አንረድ።

ከዚህ አስጸያፊ አድራጎታችንም እንታቀብ። ይልቁንስ እርሙን ፈልጋችሁ አውጡና ተዋህዶ ቤተክርስቲያናችንንም ለትውልዱም ፈውስ የሚሆነው ቅዱስ ጳውሎስ እንዳለው “…አዕትቱ እምላዕእሌክሙ እኩየ…” ክፉን ከመካከላችሁ አውጡት 1ቆሮ 5፡13 ይላል እንጅ እውነትን የሚናገሩትን ከመካከላቸሁ አውጡና መደራደሪያ አድርጉ ወይም ሽጡ አይልም። የዚህ ዓይነቱ ወንድምን አሳልፎ የመስጠት ከውድቀትና ከዕንቅፋት በስተቀር ምንም ሊፈይድ አይችልምና እንጠንቀቅ። መከራው ቢበዛም ለተዋህዶ ቤተክርስቲያን ትንሳዔ በመፈቃቀር፣ በአንድነት ከህዝባችን ጋር እንቁም። እራሳችንን በአስታራቂዎች ስም ከሥልጣን ናፋቂዎች ጉያና ከዕርምና ከተዋህዶ አሳዳጆች አናውጣ።

ብጽዕ አቡነ መቃሪዮስ በየአህጉራቱ ለምንገኝ ምዕመናን ኢትዮጵያዊያን በዚህ ምድር ተልኳችን ፈጽመን ፈጣሪ ወዳዘጋጀልን ቦታ እስክንሄድ የተጉ የእውነተኛ የእረና ምሳሌያችን ናቸውና በግፍ ለታሰሩ ይጮሃሉ፣ እንደበግ ለታረዱት ክርስቲያኖች ይጮሃሉ፣ በመንገላታት ላይ ላሉ ይጮሃሉ፣ ለስደተኞች ይጮሃሉ፣ በተለያየ መከራ ላሉ ይጮሃሉ፣ ለተቆራረጠችውና ወደብ አልባ ለሆነችው ኢትዮጵያይጮሃሉ። መስቀላቸውን ከፍ አድርገው በወገናቸውና በህዝባቸው ላይ ለሚደርሰው ማለቂያ ለሌለው ደባና የተደራረበ ግፍ ይጮሃሉ፣ ያዝናሉም። ለወገን ፍቅር ለቤተክርስቲያን አንድነትና ክብር ቆመው ለተሰው በዓለም ዙሪያ አጽማቸው ለተበተነው በረሃና ከተማ ሳይሉ ጸሎት ያደርጋሉ።

ብጽዕ አቡነ መቃሪዮስ ከተበተነው ስደተኛ ጋር የቆሙ የተወደዱ የቤተክርስቲያናችንና የአገራችን ተወዳጅ ብጹዕ አባት ናቸው። እኝህ አባት ከመንደርተኝነትና ከጎሰኝነት የራቁ ሁሉንም በእኩል አይን የሚያዩና የሚባርኩ ደገኛ አባት ናቸው። ፊታቸው ላይ የሚያዩት የህዝባቸው ሃዘን ያንገበግባቸዋል። በጥቅሉ የእውነተኛ ተዋህዶ አባት የታማኝ ኢትዮጵያዊ ዜግነት መምህር ምሳሌ ናቸው። ዛሬ አገር ማለት ጎጥ፤ ቤተክርስቲያን ማለት ጎጥ፣ ሐይማኖት ማለት ጎጥ፣ ወገን ማለት ጎጥ በሆነበትና ይኽው በሚሰበክበት የሕዝብን ሀብት የግሌ ነው በሚሉ ከንቱ ጎጠኞችና የሥልጣን ጥመኞች የሰነዘሩት ቀላጤ ባዶና መሠረት የሌለው እራሱ በራሱ የቀበረ ተቀባይነት የሌለው ደብዳቤ ነውና ከእንደዚህ አይነቱ የመጠላለፍ ውድቀት እንውጣ።ልብ ያለው ልብ ይበል!

“ጭንጋፍ (ምቱር) ፓትርያርክ”

(በቀሲስ አስተርአየ ጽጌ)

“ጭንጋፍ (ምቱር) ፓትርያርክ”

 ለጦር ወንጀለኛው ሮዶልፎ ግራዚያኒ ሃውልት መቆሙን የሚቃወም ታላቅ አለማቀፋዊ ትዕይንተ-ሕዝብ በዲሲ ተጠራ

እ.አ.አ. በ1930ዎቹ ዓመታት ውስጥ ኢትዮጵያ ውስጥ በሚሊዮን የሚቆጠሩ ንጹሃን ወገኖቻችን ላይ  አረመኔያዊ ጭፍጨፋ ለፈጸመው ሮዶልፎ ግራዚያኒ የመታሰሰቢያ ቤተመዘክርና የመናፈሻ ቦታ መሰየሙን የሚቃወም ዓለም ኣቀፍ ሰልፍ ተጠርቷል።

ግራዚያኒ በዓለም አቀፍ ስምምነት የተከለከሉና የተወገዙ የመርዝ ጋዝና ፈሳሽ በኢትዮጵያውያን ላይ ከአውሮፕላን ላይ በማዝነብ ሚሊዮኖች ኢትዮጵያውያን ላይ የጅምላ እልቂት ፈጽሟል። ግራዚያኒ ከዚህም በተጨማሪ ሊቢያ ውስጥም ከፍተኛ እልቂት እ.አ.አ. በ1920ዎችም ውስጥ ፈጽሟል። በዚህም መሠረት ከሁለተኛው ዓለም ጦርነት ፍጻሜ በኋላ ለፈጸማቸው የጦር ወንጀሎች 19 ዓመት እስር ተበይኖበት እንደነበር ይታወቃል።

ለዚህ ዓለም በአለም ዓቀፍ ደረጃ “አራጅ” በመባል ለሚጠራው የቢኒቶ ሙሶሊኒ የቀኝ እጅ በመሆን በጦር ሚኒስትርነት ተመድቦ እጅግ ዘግናኝና የሰው ልጅ ይፈጽማቸዋል ተብሎ ለመናገር የሚዘገንኑ ማሳቃያዎችን ለፈጸመው የጦር ወንጀለኛ  ለአዶልፎ ግራዚያኒ በደቡባዊ የሮም ከተማ በሚገኝ ቦታ በአገሪቱ ግብር ከፋዮች ወጭ መታሰቢያ ተሰርቶለታል። ይህም የሚያሳየው በአሁን ሰዓት ጣሊያንን በማስተዳደር ላይ ያለው መንግስት ለኢትዮጵያውናንና ለሊቢያውያን ያለውን ንቀትና ጥላቻ ነው። ለምሳሌ ያህል ጀርመን ውስጥ ለአዶልፍ ሂትለርና ለተካታዮቹ መዘክር መስራት ይቅርና ስለናዚዎች በበጎ ሁኔታ ማንሳት እንኳ በህግ የተከለከለና “ውግዝ ከማሪዎስ” የሆነ ተግባር ነው። ይህ ሊደረግ ቢሞከር እንኳ ምን ያህል ዓለማቀፋዊ ትኩረትና ውግዘት በተለይም ከይሁዳዊያን እንደሚያስከትል መገመት አያዳግትም። ለነገሩ ጀርመኖች እንኳን ይህንን ሊያደርጉና ሊያስቡት የሚችሉት ነገር እንኳን አይደለም። ባለቤቱን ካልናቁ አጥሩን አይነቀንቁ እንደሚባለው ጣሊያኖች ይህንን እጅግ የሚያስቆጣ ወንጀል በኢትዮጵያዊያን ላይ የፈጸሙት ኢትዮጵያ ውስጥ ያለው አገዛዝ ባንዳና ለአገሪቱ የማይቆረቆር መሆኑ ስለሚያውቁ ነው።

ይህ ዓለማቀፋዊ ሰልፍ የሚካሄደው እ.አ.አ. ማክሰኞ፣ ፌብሪዋሪ 19, 2013 ከጠዋቱ 10 ኤ.ም. ሲሆን ቦታው ዋሽንግተን ዲሲ 3000 Whitehaven Street, N.W. Washington D.C. 20008 በሚገኘው የኢጣሊያ ኢምባሲ ፊትለፊት ነው። ስለዚህ ስልፍ ተጨማሪ መረጃ ለማግኘት 301-202-4579 ይደውሉ ወይንም በድረገጽ አድራሻ www.globalallianceforethiopia.org ይጎብኙ። ይህንን ታላቅ ዓለማቀፋዊ ትዕይንተ ህዝብ በተመለከተ የተዘጋጀውን እራሱ አስረጅ የሆነውን በራሪ ወረቀት ለማንበብ እዚህ ላይ ይጫኑ። ታላቅ አለማቀፋዊ ትዕይንተ ሕዝብ

ስለ ቀኖና ቤተክርስቲያን መከበርና በግፍ የተሰደዱትን ሕጋዊውን ቅዱስ ፓትርያርክ ወደ መንበራቸው ስለመመለስ ከሕጋዊው የኢትዮጵያ ኦርቶዶክስ ተዋህዶ ቤተክርስቲያን የተሰጠ መግለጫ። መግለጫውን በፒ.ዲ.ኤፍ. ለማንበብ እዚህ ላይ ይጫኑ። ሕጋዊው ቅዱስ ሲኖዶስ ያወጣው መግለጫ

እኛ የምናውቀውና የሱዛን ራይስ መለስ ዜናዊ

በዳዊት ከበደ

ጽሁፉን በፒ.ዲ. ኤፍ. ለማንበብ እዚህ ላይ ይጫኑ። እኛ የምናውቀውና የሱዛን ራይስ መለስ ዜናዊ

ቀራፊ፤ በቀሲስ አስተርአየ ጽጌ

በፒ.ዲ.ኤፍ. ለማንበብ እዚህ ላይ ይጫኑ።

አቡነ መርቆሪዮስ የአ/ኦ/ተ/ቤ ሕጋዊ ፓትርያርክ
ብጹዕ ወቅዱስ አቡነ መርቆሪዮስ የኢትዮጵያ ኦርቶዶክስ ተዋህዶ ቤተ ክርስቲያን ፓትርያርክ

 “ጉልቻ ቢለውጥ ወጥ አያጣፍጥም” የኢትዮጵያን ሪቪው ወቅታዊ ርዕሰ አንቀጽ

  በፒ.ዲ.ኤፍ. ለማንበብ እዚህ ላይ ይጫኑ

በኢትዮጵያ ላይ እንደ አልቅት ተጣብቆ የህዝቡን ደም እየመጠጠ፣ እየገደለ፣ እያሰቃየና የፈለገውን እያደረገ ለሃያ አንድ ዓመታት በሥልጣን ላይ የቆየው ቅጥረኛው፣ ጎሰኛው፣ አምባገነኑና ዘራፊው የህወሃት አገዘዝ ቁንጮ መለስ ዜናዊ በስልጣን ላይ ቢቆይም ወይም በትረ ስልጣኑን ለሌላ ወያኔ ቢያስተላልፈው፣ አጠቃላዩ የአፈናውና የግፈኛው ሥርዓት ተገርስሶ እስካልወደቀ ደረስ ለኢትዮጵያ ሕዝብ የሚያመጣው አንዳችም ለውጥ አይኖርም።  ሕወሃቶች ከደደቢት በረሃ ተማምለው የመጡበትን ታላቁንና ለብዙ ዘመናት የኖረውን የኢትዮጵያን ሉዓላዊነቷንና አገራዊ አንድነቷን የማፈራረስና የማዳከም የጥፋት ዓላማቸውን ከሥልጣን እስካልተነቀሉ ድረስ እንደሚቀጥሉበት በሥልጣን ኮርቻ ላይ ከተፈናጠጡበት ጊዜ አንስቶ እየታየ ነው። “ከዝንጅሮ ቆንጆ ምን ይመራርጡ” እንደሚባለው መለስ ዜናዊ በሌላ ወያኔ ቢተካ ለኢትዮጵያ ሕዝብ የሚያመጣው ምንም ዓይነት ለውጥ አይኖርም።

የህወሃት ቡድን ከመነሻው አንስቶ እስከአሁን ድረስ ከአርባ ዓመታት በላይ የሰራበትን ወደፊትም ለመቀጠል በዕቅድ ይዞ የሚንቀሳቀስበትን መሠረታዊ የኢትዮጵያን ብሔራዊና አገራዊ አንድነት የማፈራረስና የማላላት እኩይ ዓላማ ኢትዮጵያዊያን እስካላስቆሙት ድረስ እንደሚቀጥልበት ምንም ዓይነት ብዥታ ሊኖር አይገባም።  አንዳንድ የዋሆች  የእባቡን የወያኔን ባሕርይ ካለመረዳት እንደሚሉት “መለስ በሌላ ወያኔ ቢተካ የተሻለ ጊዜ ሊመጣ ይችላል” ብለው ሲናገሩ ይደመጣሉ። የወያኔ ድርጅት እንደ ድርጅት አምባገነን፣ ጸረ-ዲምክራሲ፣ አፋኝ፣ ጎሰኛ፣የንጹሃን ደም አፍሳሽና ከሁሉም በላይ ጸረ ኢትዮጵያዊ ነው። ስለሆነም የወያኔን ድርጅት እንደ ድርጅትና ሥርዓት ከኢትዮጵያ ህዝብ ጭንቃ ላይ አወርዶ በማፈራረስ በምትኩ ኢትዮጵያዊ የሆነ ዲሞክራሲያዊ ድርጅት መተካት እንጅ ወያኔዎችን  አንዱን ወያኔ ከሌላው ወያኔ ጋር በማነጻጸር “እከሌ ከእከሌ” ይሻላል እያሉ ከእውነታው የተለየ ጉንጭ አልፋ ወሬ ማናፈስ፣ ወያኔዎችን መጥቀም እንጅ ለኢትዮጵያ ሕዝብ ምንም ማለት አይደለም።

በቅርቡ ወያኔመውደቂያው እንደተቃረበ ስላወቀ እንዳበደ ውሻ በመልከፍከፍ  ከፍተኛ ትኩረቱን ያደረገው የሃይማኖት ተቋማትን ማጋየትና ማፈራረስ እንዲሁም ምዕመናንን ማበጣበጥ ላይ ነው። ታሪካዊዎቹን የአሰቦትና የዝቋላ ገዳማት ላይ እሳት በመለኮስ እንዲሁም ጥንታዊውንና ተደፍሮ የማያውቀውን የዋልድባ ገዳምን በመድፈር የመንኮሳትን መካነመቃብር በትራክተር በማረስና ቤተመቅደሶችን በማፈራረስ እኩይ ተገባር ላይ ተሰማርቶ ይገኛል። ሙስሊም ኢትዮጵያዊያንን ሙሉ በሙሉ በቁጥጥሩ ስር ለማስገባት ወያኔ እንደ ሸቀጥ ከውጭ ባስመጣው “አህባሽ”  በሚባለው የተጭበረበር አስትምህሮት ሐይማታቸውን ለመበረዝና ለመከለስ እንዲሁም የሀገር ፍቅራቸውንና አንድነታቸውን ለማናጋት የሚያደርግባቸውን   ደባ ለማክሸፍ ሙስሊም ኢትዮጵያዊያን የሕይወት መስዋዕትነት ጭምር እየከፈሉ ይገኛል። ወያኔ ይህ ብቻ ሳይበቃው ሙስሊም ኢትዮጵያዊያን የሃይማኖታቸውን አስተዳዳሪዎችን እራሳቸው በመስጊዶቻቸው መምረጥ ሲገባቸው ሰርጎ ገብ ካድሬዎችን በማሰማራት ሐይማኖታቸውን በሰላም እንዳያካሂዱ እንቅፋት በመፍጠር ላይ ይገኛል። ሆኖም ሙስሊም ኢትዮጵያዊያን በአንድ ቃልና ድምጽ በሙስሊምነታቸውና በኢትዮጵያዊነታቸው ወያኔ የሚያደርስባቸውን ግፍና በደል ተጋፍጠው በመመከት ላይ ይገኛሉ። ይህ ሙስሊሞች መብታቸውን ለማስከበር በሰላማዊና ህጋዊ ሁኔታ በማድረግ ላይ ያሉት እንቅስቃሴ ወያኔን  በከፍተኛ ሁኔታ ፍርሃትና መርበትበት ውስጥ ጥሎታል። የሙስሊሞች ጥያቄ ወያኔን እንዲህ ሊያንዘፈዝፈውና ሊያወራጨው  የቻለው ሙስሊሞች እንደ ሙስሊምነታቸውንና እንደ ኢትዮጵያዊነታቸው አንድ  ሆነው በመነሳታቸውና የወያኔን የጎሳ አጥር ሰበረው በመውጣታቸው ነው። ሙስሊሞች እንደ ኢትዮጵያዊ ሆነው ጥያቄያቸውን በአንድነት ባያቅርቡና በተበታተነ ሁኔታ ቆመው ቢሆን ኖሮ ወያኔ “የኦሮሞ ሙሲሞች እንዲህ አሉ” ወይም “የአፋር ሙስሊሞች እንዲያ አሉ” ወይም የጉራጌ ሙስሊሞች ይህንን ጠየቁ ወዘተ” እያለ  እንደለመደው ከፋፍሎ ለመግዛት በሚችልበት ህኔታ ሊያላግጥበትና ለራሱ መጠቀሚያ ሊያደርገው በቻለ ነበር። ሙስሊም ኢትዮጵያዊያን በዚህ ተጋድሏቸው የኢትዮጵያን ሕዝብ አንድነትና በጎሳ አለመለያየት ለወያኔ ብቻ ላይሆን ለመላው ዓለምም አረጋገጠዋል።ይህም የትግል ሥልት ለወደፊቱ በተጠናከረና በተቀላጠፈ ሁኔታ ሊቀጠልበት የሚገባ በፍጥነት ውጤት የሚያመጣ የትግል ዘዴ ነው።

ኢትዮጵያውያኖች በሙሉ በአሁኑ ሰዓት ጎሳና ሃይማኖት ሳይለዩ ከወያኔ ጋር ከፍተኛ ትንንቅና ፍልሚያ የገቡበትና የሚደርሳባቸውን ጭቆናና የግፍ አገዛዝ ለአንዴና ለመጨረሻ ጊዜ ለማስወገድ የህይወት መሰዋዕትነትን ጭምር እየከፈሉ የሚገኙበት ወሳኝ ወቅት ነው። ስለሆነም ኢትዮጵያዊያን ይህንን በኢትዮጵያዊነት የጀመሩትን አንድነት አጠናክረው በመቀጠል ይህንን የበሰበሰ አምባገነንና ፈላጭ ቆራጭ፤ ከላይ እስከ ታች ድረስ ድረስ በምዝበራ፣ በጉቦና በዝርፊያ የተጨማለቀ የባዕዳን ተላላኪ የወያኔን አገዛዝ አሽቀጥረው የሚጥሉበት ጊዜ ቅርብ እንጅ እሩቅ እንደማይሆን ሳይታለም የተፈታ ነው።

 የኢትዮጵያዊነት ቅርስ

በቀሲስ አስተርአየ ጽጌ

(የኢትዮጵያ ውርስና ቅርስ ማሕበር በሰሜን አሜሪካ ለሚያደረገው ፪ኛ ዓመታዊ በዓል የተበረከተ ጦማር)

የኢትዮጵያ ውርስና ቅርስ ማሕበር ለሁለተኛ ጊዜ በማክበር ላይ የሚገኘውን  በዓል አስመልክተው  ቀሲስ አስተርአየ ጽጌ በቋጠሮ ድረገጽ ላይ ለንባብ ያበቁትን እጅግ ጠቃሚና ትምህርት ሰጭ ጽሁፍ አቅርበንላችኋል።  ምስጋናችን ጽሁፉን ላዘጋጁት ለቀሲስ አስተርአየ ጽጌና በድረገጽ ለለቀቁት ለቋጠሮ ድረገጽ አዘጋጆች ይድረስልን።  ጽሁፉን ለማንበብ እዚህ ላይ ይጫኑ። የኢትዮጵያ ውርስና ቅርስ

የኢትዮጵያ ውርስና ቅርስ ማሕበር ሁለተኛ ክብረ በዓል/ፌስቲቫል  በደማቅ ሁኔታ ተጠናቀቀ

የኢትዮጵያ ውርስና ቅርስ ማሕበር ከጁላይ 27 እስከ ጁላይ 29, 2012 ድረስ በጆርጅ ታውን ዩኒቨርስቲ ውስጥ ሁለተኛውን ክብረ በዓል በደማቅና በተሳካ ሁኔታ አካሄዷል። በዚህ ዝግጅት ላይ ስፍር ቁጥር የሌላቸው ኢትዮጵያዊያን የተሳተፉ ከመሆኑም በላይ በተላይ የልጆች ተሳትፎ እጅግ የጎላ ነበር። በዝግጅቱ ላይ የተለያዩ ዝግጅቶች የቀረቡ ከመሆናቸው በላይ ከብዙ በጥቂቱ የእግር ኳስ ጨዋታ፣ የሩጫ ውድድር፣ የባህል ሙዚቃ፣የመጽሃፍ ምረቃ፣ ይገኙበታል።

የዘንድሮ የክብር እንግዳ ብጹዕ አቡነ መልክጻዲቅ ሲሆኑ አባታዊ የሆነ ምክራቸውንና አበረታች መልዕክታቸውን አስተላልፈዋል። በተለይም በመዝጊያው ዝግጅት ላይ ታዋቂውና ጀግናው ጋዜጠኛ አበበ ገላው ተገኝቶ ታዳሚውን በሙሉ ያነቃነቀ በአፈና አገዛዝ በመማቀቅ ላይ ለሚገኘው ለኢትዮጵያ ሕዝብ ነጻነት እንደሚያስፈልገው ጥሪውን በድጋሚ አቅርቧል። ከዚህም በላይ ታዋቂና አገር ወዳድ ከሆኑት ድምጻዊያን መካከል ሻምበል በላይነህ፣ ጸሃዬ ዮሐንስና አብዱ ኪያር ተገኝተው የአገር ፍቅርና ብሔራዊ ኩራትን የሚያንጸባርቁ ታላቅ መልዕክት ያላቸውን ዘፈኖቻቸውን ተጫውተዋል። አርቲስት ታማኝ በየነም ተገኝቶ ቀስቃሽ መልዕክት አስተላልፏል። 

በዚህ ክብረ በዓል ላይ ኢትዮጵያዊያን እንደዚህ በነቂስ በመውጣት የአገርና የወገን ፍቅር እንጅ አላፊ ጠፊ ገንዘብ እንደማይገዛቸው ለወያኔ/አላሙዲ ተላላኪዎች አስፈላጊ መልዕክት አስተላልፈዋል። በዲሲው የአላሙዲ ፌስቲቫል ላይ ከ 5 ሚሊዮን ዶላር በላይ የተረጨ ቢሆንም ዝግጅቱ  በተመልካች ድርቅ ተመቶ እንደነበርና ወያኔዎች ለአሳሳች ፖሮፓጋንዳ እንዲያመቻቸው እስቴዲዮሙ ውስጥ ኢትዮጵያዊ ያልሆኑ ሰዎችን ሰንደቅ አላማ አስይዘው፣ አለክፍያ አስገብተው ሲያስተናግዱና ሲያሽሞነሙኑ እንደነበር ይታወሳል። እዚህ ክብረ በዓል ላይ ግን በዋናነት የተገኙት ኢትዮጵያዊያን ሲሆኑ ጥቂት ጥሪ የተደረገላቸው ኢትዮጵያዊ ያልሆኑ እንግዶችም ተገኝተዋል። “ብዙ ከመስማት አንዴ ማየት ይሻላል” እንደሚባለው እራሳቸው አስረጅ የሆኑትን ከዚህ በታች የተለጠፉትን ፎቶግራፎች ይመልከቱ።

እንዴት እኩል ይሙት

ወቅታዊ ግጥም። በፒ.ዲ.ኤፍ. ለማንበብ እዚህ ላይ ይጫኑ። እንዴት እሉል ይሙት።

ለውጥና ማምከኛ የወያኔ ስልት!

በፒ.ዲ.ኤፍ. ለማንበብ እዚህ ላይ ይጫኑ

ከዳዊት ዋስይሁን

ለውጥ የተፈጥሮ ህግ ነው። ነገሮች በህዋችን ውስጥ በማያቋርጥ አንቅስቃሴ እና ለውጥ ላይ እንዳሉ ሳይንሱ አረጋግጦታል። አገራችን እና ሕዝቦችዋ ለውጥን ከተራቡና ከናፈቁ አመታት ተቆጠሩ። ከዚህ በፊት ህዝቡ ተስፋ ጥሎባቸው ከፍተኛ መስዋእትነት ከፍሎባቸው የነበሩ የለውጥ ወቅቶች በኛ እንዝላልነትና በገዢዎቻችን ብልጣብልጥነት ከእጃችን ላይ በቀላሉ ሲነጠቁ አስተውለናል። ገዢዎቻችን በጣም ጥንቁቅና የነቁ ስለሆነ እነሱ እጅ የሚደርስ የመረጃ እና የእንቅስቃሴ ትንሽ የለውም፤ ለደረሳቸው መረጃ አፋጣኝ ምላሽ ሲሰጡ ለሚጀመሩ ማናቸውም አይነት የለውጥ እንቅስቃሴዎች በጭካኔ በትር ያኮላሹታል ድጋሚ እንዳያንሰራራ ለሌሎች ትምህርት ይሰጡበታል።

አሁን ግን የሚጠቀምበት ካለ ለለውጡ በከፍተኛ ደረጃ አስተዋጾ የሚያደርግ ፍንጭና ጅማሬ እየታየ ያለው ከዚህ በፊት በሸሩ፣ በተንኮሉ፡ በከፋፋይነቱ ወደር ከሌለው ከህውሓት መንደር ውስጥ ሲሆን፤ ይህም ከዚህ በፊት ከህዝብ ዘንድ ተነስቶ በቶሎ እንደሚታፈነውና ጭላንጭሉን እንደሚያጠፉት ብልጭታ አልሆነም ይልቅስ ከቀን ወደ ቀን ነገሮች ከቁጥጥር ስር እየወጡባቸው እርስ በራሳቸውም እየተሰላለሉና እየተጠባበቁ እንዳለ የአደባባይ ሚስጥር ነው።

ጥበቡ እንግዲህ እዚህ ላይ ነው በወያኔዎች ሰፈር የተፈጠረው ድንገተኛ ያልተጠበቀ አደጋ ወደሚታይ የእርስ በርስ አለመተማመንና መከፋፈል እንደመራቸው በሌላው ወገን ደግሞ በንሮ ውድነት፤ በፍትህና በመልካም አስተዳደር እጦት፤ በእንግልት እንዲሁም በሁሉም ማህበራዊ ዘርፍ የተቆላና የተጠበሰ ማህበረሰባች አፋጣኝ ለውጥ ናፋቂ ሲኖር፤ እንግዲህ የተቃዋሚ መሪዎቻችን የመምራት ምህንድስና ሚስጥሩ የሚፈተነው እነኝህን ሁለት ያፈጠጡ ዋና ግብአቶች አገናኝቶ ለለውጥ ፈላጊው ህዝባችን ጥያቄው ሲመልሱለት ነው።

በወያኔ መሐል በተፈጠረው ክስተት ካለው እሮሮ ጋር ተዳምሮ በህዝብ ዘንድ የለውጥ ናፍቆቱንና ረሃቡን ከመቼውም ጊዜ በላይ አጉልቶታል፣ ከዚህም የተነሳ ተስፋ ሰጭ ጭላንጭሎች ከአራቱም ማእዘን እየታዩ ይገኛሉ። ”አሁን ለውጥ” ”ቀጣይ ሂደት” ”የሚፈጠር ክስተት” ህዝቦችዋ በጉጉት እየጠበቁት ያለው ታላቅ ተስፋዎች ሆነዋል። ውነትም ያለውን ሂደትና ተጨባጭ ሁኔታውን ስንፈትሸው ወደ አንድ ደረጃ እየደረሰን እንዳለ ንፋሱ ይናገራል፣ የለውጥ ደመናዎች የመጨረሻ በረከታቸውን ሊለቁ በተጠንቀቅ እንዳሉ ይመስክራሉ።

እንግዲህ የህዝቡን ወቅታዊ ጥያቄና ናፍቆት የትኛውም የተቃዋሚ መሪና የህዝብ ስቃይ ይሰማኛል የሚል የፖለቲካ ስው አፋጣኝና ታሪካዊ ተጨባጭ ምላሽ ሊሰጥ ይገባዋል።

ስለዚህ ምን ይደረግ?

በመጀመሪያ ደረጃ ወያኔ ከዚህ በፊት ይጠቀምባቸው የነበሩ አፍራሽ ስልቶችን ጠንቅቆ ማጥናት ለያንዳንዱ ማምከኛ ማዘጋጀት መቻል፤ ከነዚህም ውስጥ ማናቸውም ከየትኛውም አካባቢ የሚገኙ ወሳኝ መረጃዎችን ያለመናቅ፤ በወያኔም ሆነ በህዝቡ አካባቢ ያሉ ክስተቶችን በትእግስትና በጥሞና እየተከታተሉ መፍትሄ የሚሰጠውን መስጠት፤ ክትትል የሚያሻውን መከታተል፤ ተግባር የሚሻውን መተግበር አንዲሁም ለድርጅት ፍጆታ የሚሆነውን እንደየ ፈርጁ እየለዩ እንደ አስፈላጊነታቸው መጠቀም።

ሌላውና ዋናው ወያኔ ለሚጠነስሳቸውን አፍራሽ ተንኮሎች በጥንቃቄ መፍትሄ ማዘጋጀት ከንኝህም ውስጥ በአሁን ሰአት አገር አቀፋዊ አንቅስቃሴ እየሆነ የመጣውን የኢትዮጵያውያን ምስሊሞችን እንቅስቃሴ ወያኔ ሂደቱን ወደ አልተጠበቀና እርሱ ቁማር ሊቆምርበት ትርፍም ሊያገኝበትና እርስበርስ ሊያፋጀን ወደሚችል አቅጣጫ ለማስያዝ የሚያረገውን ያላሰለሰ የፕሮፖጋንዳ ጦርነት ተገንዝቦ በማህበረሰባችን ዘንድ አስፈላጊውን የማንቃትና የማደራጀት ስራ መስራት።

በዚህ ላይ ወያኔ የአቶ መልስ ሁኔታን የሚገልጽ ማናቸውም አይነት መረጃ የማህበረሰቡን የልብ ትርታን የሚጨምርና ለለውጥ የሚያዘጋጅና የርሱ ህልውና ማክተሚያ ነው ብሎ ስለሚያምን፣ ከንደዚህ አይነት መረጃዎች ማህበረሰቡን የማገድ ዘመቻ ስለሚጀምር።

እንዲሁም በአሁን ሰአት በህውሓት ማሃል በተፈጠረው ከፍተኛ ድንጋጤ ከዚህ በፊት ያለማቋረጥ ይደሰኮሩ የነበሩ ልማታዊ የፕሮፖጋንዳ ዘመቻዎች ለጊዜው ጋብ ያሉ ይመስላል፤ ነገር ግን ይህ ክስተት ቀጣይነት ስላምይኖረው እንደውም በተጠናከረ ሁኔታ የፕሮፖጋንዳው ዘመቻ ሊጀመር ስለሚችል እና በማያያዝ ለተከታታይ ማህበረሰቡ ላይ አሰልቺ የሆነውን ልማታዊ የፕሮፖጋንዳ ዘመቻ በመጠነ ሰፊ ከተለቀቀበት ምንም እንዳልተፈጠረና ሁኔታዎች መስመራቸውን እንደያዙ ማህበረሰቡ አመለካከት ላይ ማስረጽ ይቻላል ብሎ ስለሚያምን።

በማያያዝም የአቶ መለስም ጉዳይ ከዋና ጉዳይነት ወርዶ ተራ ይሆናል፤ እንዲሁም በህውሓት መካከል የተፈጠረው ችግርም መፍትሄ ያገኛል ብሎ ቅስቀሳውን በተጠናከረ ሁኔታ ስለሚሰራ፤ በዚህ ጉዳይ ላይ ታች ላለው ማህበረሰብ የሚያስፈልገውን ትክክለኛው መረጃ በየጊዜው እንዲደርሰው ሁኔታዎችን ማመቻቸት።

ማስገንዘቢያ! ወያኔ ቀውስ በተፈጠረ ሰአት ሁሉ ማህበረሰቡን ከተፈጠረው ሁኔታ የሚያርቅበትና ለራሱ ጊዜ የሚገዛበትን ክስተት ይፈልጋል፣ ለምሳሌ አይዶል ሾው፤ እግር ኳስ፤ የቲቪ ድራማ እንዲሁም ሌሎች መዝናኛዎችን ይጠቀማል።

በተለይ ጁላይ 27፣ 2012 የሚከፈተውን የለንደን ኦሎምፒክ እንደ ትልቅ እድል ነው የሚጠቀምበት። ሙሉ ወጪውን በመሸፈን ከፍተኛ የመገናኛ ሽፋን በመስጠት እንዲሁም በየአደባባዩ በትላልቅ እስክሪን በነጻ በማሳየትና በህብረተሰቡ መካከል የመወያያ ርእስ እንዲሆን በማድረግ የማህበረሰቡን አስተሳሰብ መስመር ለማስቀየር ከፍተኛ ዘመቻ እንደሚጀምር ይታመናል ስለዚህ በዚህም አካባቢ ምን መሰራት እንዳለበት መዘጋጀት።

ለማጠቃለያ ወቅቱ ጠንካራና ብልህ አመራርን የሚጠይቅበት ጊዜ ነው፤ ጥያቄው ግልጽና ወሳኝ ነው፤ ሕዝቡም የኛን ጥሪ እየጠበቀ ነው፤ ግን እኛ የት ነው ያለነው????

ጁላይ፡ 25/2012

ፀሃፊውን ለማግኘት፦ zoloaba112@yahoo.com

የሰማእታቱ ደም ይጮሃል

የኢትዮጵያን ሪቪው ወቅታዊ ርዕሰ አንቀጽ

በፒ.ዲ.ኤፍ. ለማንበብ እዚህ ላይ ይጫኑ። የሰማዕታቱ ደም ይጮሃል፣ የኢትዮጵያን ሪቪው ወቅታዊ ርዕሰ አንቀጽ

ግምቦት 7 ቀን 1997 ዓ.ም. የኢትዮጵያ ሕዝብ በታሪኩ ለመጀመሪያ ጊዜ መብቱን ተጠቅሞ ወያኔን በምረጫ ያባረረበት፣ተስፋም የሰነቀበት ታሪካዊ ወቅት ነበር። ይሁን እንጂ መለስ ዜናዊ እጅግ ከፈተኛ በሆነ ልዩነት መሸነፉን ሲያውቅ የብዙሃኑን ድምጽ መስረቅና ማጭበርበር ከመረጠ በሁዋላ ድምጻችን ይከበር ብለው ሰልፍ የወጡትን ዜጎች የአጋዚን ነፍሰ ገዳይ ታጣቂዎችን በማሰማራት ንጹሃን ኢትዮጵያዊያንን በጠራራ ጸሃይ ረፈረፈ። ከፍተኛ ቁጥር ያላቸውን ኢትዮጵያዊያንን ደግሞ በከባድ ሁኔታ አቁስሎ የተቀሩትን በብዙ ሽህ የሚቆጠሩትን እስር ቤት ወረወራቸው።

መለስ ዜናዊ የአዲስ አበባን፣ የደሴን፣ የአዋሳን፣ የአምቦን፣ የነቀምቴን፣ የድሬዳዋን፣ የአርባምንጭንና የሌሎችም የአገሪቱን ዋና ዋና ከተሞችን በንጹሃን ደም ካጨቀየና የቅንጅት መሪዎችን እስር ቤት ከቆለፈባቸው በኋላ በአጼ ሚኒሊክ ቤተመንግስት ውስጥ ተንሰራፍቶ ተቀምጦ የአጋዚን ነፍሰ በላ ቡድን አባላትን ግብር አውርዶ በአልኮል መጠጦች ይራጭ ነበር።

 በአጋዚ ጦር ጭፍጨፋ እናቶቻቸውንና አባቶቻቸውን ያጡ ልጆች፣ ባሎቻቸውን ያጡ ሚስቶች፣ እህቶቻቸውን ያጡ ወንድሞች፣ ሚስቶቻቸውን ያጡ ባሎች፣ወንድሞቻቸውን ያጡ እህቶች፣ ዘመዶች፣ ጓደኞች፣ ጎረቤቶች፣ አሁንም ድረስ እያነቡ ይገኛሉ። በዛን የጭፍጨፋ ወቅት ታክሲ ነጅዎች “የሙታን ደም ከመንገድ እስኪደርቅ ድረስ መኪናችንን አንነዳም! “ ያሉት ሲታወስ አእምሮ ያደነዘዛል። ይህ የያዝነው ወር የሰኔው ጭፍጨፋ የተደረገበት ሁልቆ መሳፍርት የሆኑ ንጹሃን ኢትዮጵያዊያን በግፍ የረገፉበት ሰባተኛ ዓመት የሚዘከርበት ወቅት ነው ።  ይህ በንጹሃን ዜጎች ላይ በወያኔ የደረሰው ጭፍጨፋ በኢትዮጵያዊያን አእምሮ ለዘመናት በከፍተኛ ሀዘንና ብሔራዊ ቁጭት ሲታወስ ይኖራል።

ያለ ህዝብ ይሁንታና ምርጫ የሚገዛው መለስ ዜናዊ አንድ ቀን ህዝባዊ መነሳሳቱ መቀጣጠሉ እንደማይቀር ስለሚያውቅ በመላው ዓለም ውስጥ በማንኛውም አገር ውስጥ ባልታየ መልኩ በግድያ ወይም በአደጋ የሞቱ ሰዎች አስከሬን የሚመረመርባቸው ሆስፒታሎችን በፖሊስ መስሪያቤቱ ቀጥተኛ ቁጥጥር ሥር አድርጎ የተቃወሙትን ገድሎ ለመቅበር እንዲያመቸው ይህንን የሚያመለክቱ መረጃዎች አፈትልከው  እንዳይወጡ ለማፈን ሴራ ሸርቧል። ሆኖም ይዋል ይደር እንጂ መለስ ዜናዊና ግበረአበሮቹ ለሰኔውና ለህዳሩ ጭፍጨፋዎች ብቻ ሳይሆን በሌሎችም በ21 ዓመት የአፈናና የአምባገነን አገዛዙ ጊዚያት ለፈጸማቸው ወንጀሎች ተይዞ ለፍርድ መቅረቡ ወይም ከህዝብ ጋር በሚያደርገው ጦርነት መጨረሻ አሸናፊ የሚሆነው ሕዝብ ስለሆነ እንደ ሊቢያው ኮሎኔል ጋዳፊ እሱም ላይ ህዝባዊ እርምጃ የሚወሰድበት ጊዜ ቅርብ እንጅ እሩቅ ኣይደለም።

ህጋዊውን የኢ/ኦ/ተ/ቤ/ክ ፓትርያርክ ብጹዕ ወቅዱስ አቡነ መርቆሪዎስ ርዕሰ ሊቃነ ጳጳሳት ዘኢትዮጵያ ይቅርታ መጠየቅ አለብን

ከተድላ ጌትነት

የኢትዮጵያ ኦርቶዶክስ ተዋህዶ ቤተ ክርስቲያን በታሪክ ካሳለፈቻቸው ዘመናት ማለት ዘመነ ዮዲት ጉዲት ዘመነ ግራኝ ዘመነ ኢጣሊያ  (የአምስቱ አመት ወረራ) የባሰ የመከራ ዘመን መግፋት ከጀመረች ድፍን 20 ዓመት ሆነ።የጉዲትም ሆነ የግራኝ ግልጽ ጠላትነት በመሆኑ አባቶቻችን የቻሉትን ቅርስና ንዋየ ቅድሳት  በየዋሻውና በጉድጓድ  ውስጥ በመደበቅ ጥቂት የማይባሉ ዘመን ተሻጋሪ ቅርሶችንና መንፈሣዊ እሴቶችን አቆይተውልናል። በዚያ ዘመን የነበረው ግልጽ ጥፋት ለመሸሽም ሆነ ለመደበቅ ዕድል ነበረው የአሁን ዘመን የአገሬ ሰው የወዳጅ ጠላት እንደሚለው አማኝ መስለው ይልቁንም በቤተ ክርስቲያኒቱ ላይ የሚደርሰውን አደጋ ለመከላከልና ቅርሶችንና መንፈሣዊ ሀብቶችን ጠብቆ ለትውልድ ለማስተላለፍ ቃል ገብተው የተሾሙ በትልቁና በወሣኙ ቦታ ላይ ሆነው ቤተ ክርስቲያኒቱን ከሥጋ ዘመዶቻቸው ጋር የሚመዘብሩ አባ ጳውሎስ የቀደሞ ጠላቶች በግልጽ ሊያጠፉዋት ያልቻሉትን እርሳቸው በስውርና በግልጽ አወደሟት።

የቤተ ክርስቲያንን ችግር ለመንግሥት የሚቀርበው በፓትርያርኩ በኩል እንደሆነ ግልጽ ነው። ዛሬ መንግሥትን ስለ ቤተ ክርስቲያን ላይ ይህን አደረግህ ይህን አጠፋህ  ማለት አይቻልም። በእርግጥ አስቀድሞ የሚስማማውን መርጦ ማስቀመጡ ባይካድም ሥርዓቱን  ጠብቆ ለመንግሥት የቀረበ ጉዳይ የለም። ይህም የሆነው  አብያተ ክርስቲያናት ጉዳይ የሌላቸው ሆኖ አይደለም አብያተ ክርስቲያናትም ችገር ሳይገጥማቸው ቀርቶ አይደለም። በተለይም የእስልምና አክራሪ ቡድኖች አብያተ ክርስቲያናትን በየጊዜው ያቃጥላሉ አሁን እየተስራፋ ያለው ሃይማኖት የለሽ ትውልድ ሥልጣን በያዘበት ቦታ ሁሉ ቀደምት የቤተ ክርስቲያናትን ይዞታና ቅርስን መንፈሣዊ እሴቶችን ሁሉ በተቻለ አቅሙ ያጠፋል። ይህን ለመከላከል የሀይማኖት መሪው ግዴታ ነበር ነገር ግን እራሱን አጥፊና አውዳሚ በመሆኑ ጉዳት ደረሰ አልደረሰም ብሎ ሃይማኖቱን ወክሎ እራሱን አጥፊ (አውዳሚ) በመሆኑ ጉዳት ደረሰ አልደረሰም ብሎ ሃይማኖቱን ወክሎ ይጮሀል ልብ በሉ የዋልድባ መታረስ የዝቁዋላ መቃጠል ለአባ ጳውሎስ ደስታ ነበር። ለዘመናት የታወቁ ለአማኙ ሕብረተሰብ ብርቅዬ የሆኑት የገዳማቱ መጻሕፍት ዘመን ተሻጋሪ ታሪካችን ሀይማኖታዊ ዕውነታዎች ባህልና ሥልጣኔን አምቀው የያዙ በታሪክ ምሁራን የእውቀት መሥራቶች ለተመራማሪዎች የጥበብ ምንጮች የሆኑ ቅርሶች ይገኙበታል ምመናን ከቦታ ደርሰው ኃጢአታቸው ይሰረይላቸዋል። ወደነዚህ ቦታዎች የደረሱ ሁሉ የመንፈስ እርካታ ያገኛሉ የለመኑትን የተሳሉትን ሁሉ ያገኙባችዋል::

በአንፃሩ ትልቅ የካውንስሊንግና የህክምና ሆስፒታሎችን ወክለው በዘመን ያልተፈታ እንቆቅልሾችን እየፈቱ ከዘመን በኋላ ላለው ተስፋም ሰንቅ ሆነው ኖረዋል። የነዚህ ገዳማት ችግር ሁሉንም ትውልድ አንቀሳቅሷል። በእግራቸው ተጉዘው እሳቱን ለማጥፋት የደከሙ በቦታው ተገኝተው እያጠፉ ልማደኛው የኢትዮጵያ ቴሌቪዥን ሲዋሽ አይተው አትዋሽ እሳቱ አልጠፋም በማለታቸው እግራቸው በጥይት  ተመተው የቆሰሉም አልጠፉም። ይህ ችግር በሀይማኖቱ መሪ አፈቀላጤዎች ውሸት ነው ተብሎ ተነገረ በአይናችን አይተን መናገር እንኳን የማንችልበት ጊዜ ላይ መሆናችን በእርግጥም እየዘነጋነው  ነው እንጂ ቆይቷል ፡፡

በእርግጥ እኔ ሳስበው ግን ህጋዊው ፓትሪያሪክ ብፁእ ወቅዱስ አቡነ መርቅሬዎስ ያለስማቸው ስም ሰጥተን ለቤተክርስቲያን አይጠቅሙም ብለን የተባለው ሰምተን ስናረጋግጥ እኛም ዝም አልን። አይደሉም የሚባልበት እድል  በይኖርም  እንኳን እውነቱን ተናግረን በሞትን ይሻለን ነበር፡፡  ብፁእ ወቅዱስ አቡነ መርቆሬዎስ የምእራባውያኑን ትራዲሽን ሳይሆን የቤተክርስቲያኒቱን ስርዓት ህግ ጠብቀው የቆዬ ግን የነበሩበት ዘመን ለመስራት የሚያስችል እድል የሌለበት በመሆኑም ስለቤተክርስቲያን መከራከር አይቻልም ነበር። ያም ሆኖ በጦርነት ቀጠናዎች እንኳን አፅናኝ አባት እየመደቡ እኛ ሐይማኖት እንጂ ፖለቲካ ምን አገባኝ እያሉ ጭንቁን ዘመን በጭንቅ አሳልፈውታል፡፡ በጦርነት የተያዙ ቦታዎች ጥለው ወደ መሀል አገር የመጡ አባቶችን ፡”ከማን ነው ተነጥላችሁ የመጣችሁት ያ እኮ ወገናችሁ፣ ልጃችሁ ነው” ብለው በማለታቸው ቂም ተቋጥሮባቸው መሀል አገሩን ወያኔ ሲቆጣጠረው ከወያኔ ቢሮ ሄደው ፓትርያሪኩ እንዲወርዱ ህዝቡ እዲያምፅ የተለያዩ ቅስቀሳዎች እንዲኖሩ ህዝቡ እንዲያምን ስልት ነደፉ። ወያኔ ውሸቱን እውነት ማድርግ የቆየ ብቸኛ እውቀቱ በመሆኑ ጊዜ ሳይወስድበት የሚባለው ሁሉ አስብሎ እንዲወርዱ ተደረገ ፡፡ ይህ ግፍ ሀሰት ሲነገር ዝም ብለን በማየታችን ቤተክርስቲን በጭንቅ የጠበቁት አባት በወሬ ሰምታችሁ ከጠላችሁ “በግልፅ ጥፋትን ታያላችሁ ዘመናችሁ የሀዘን ይሆናል” ብሎ ፈረደብን መሰል ለዘመናት አነባን። ይችን የታሪክ እውቀት የስልጣኔ አርማ የሆነችውን ቤተክርስቲን ውድቀት በዓይናችን አየን ጠላት ተሳለቀብን። ወዳጆች አፈሩብን እኛም አለቀስን። ዋልድባም ታረሰ አሰቦትም ተቃጠለ።

ይህ ሁሉ ሲሆን ህገወጡ የወያኔው አቡነ ጰውሎስ ለሽርሽር ግብፅ ነበሩ። ህጋዊው  ፓትርያሪክ አቡነ መርቆሬዎስን  ማንነት  በአኗኗራቸውን መንፈሳዊ ህይወታቸውን ማየት ይቻላል፡፡ ነጋ ከፀሎት መሸ ከፀሎት ከሚተጉ አባቶች  ዋነኛ እንደሆኑ ቀርቦ ማጣራት ይቻላል፡፡ አሁን ያለው መንፈሳዊ ህይወታቸው በአንድ ቀን የመጣ አይደለም። አብሮ የኖረ ነው እንጂ ችግሩ እኛ ሳናጣራ ስለምናወራ ሳናውቅ ስለምንጣላ ነው እንጂ መንፈሳዊ ህይወት በአንድ ጀንበር የሚመጣ አይደለም። ትላንትም እንዲህ ነበሩ በእርግጥም ስለአሳዘናቸው አዝነውብናል። ሀዘናቸውም እየጎዳን ስለሆነ ይቅርታ መጠየቁ ለእኛም የህሊና እረፍት ለቤተክርስቲያን እድገት ይሰጣል።   መንፈሳዊ አባታችንን ነፃ እንውጣ።  እግዚአብሔርም  አባ ጳውሎስን በፍርዱ ከዲያቢሎስ አገልጋዮች ጋር ይደምርልን፡፡

አሜን

ተድላ ጌትነት

ባየር፣ ጀርመን

ይህንን ጽሁፍ በ ፒ.ዲ.ኤፍ. ለማንበብ እዚህ ላይ ይጫኑ። ከታንክ አብራክ የተወለደው ጀግና

የኢትዮጵያን ሪቪው ርዕሰ አንቀጽ

“ከምግብም በላይ ነጻነት እንሻለን!”

(በፒ.ዲ. ኤፍ. ለማንበብ እዚህ ላይ ይጫኑ)

ጋዜጠኛ ኣበበ ገላው በሃያላኑ መንግስታት ጉባኤ ፊት “ከምግብም በላይ ነጻነት እንሻለን!” ሲል ተናገረ። በርግጥ ይህ አባባል ለአንዳንድ ሰነፎች ብዙም ትርጉም ላይሰጥ ይችላል። በመሰረቱ ግን ነጻነት አንዱ የእኛ የሰው ልጆች መሰረታዊ ፍላጎት ነው። በተለምዶ የሰው ልጆች ፍላጎቶች ሶስት ናቸው ይባል ነበር። ግን አይደለም አራት ናቸው። ከምግብ፣ ከልብስና ከመጠለያ ጋር ነጻነት አንዱ መሰረታዊ ፍላጎታችን ነው። እንዲያውም የሰው ልጅ ነጻነቱን ከምግብም ሁሉ በላይ ሲሾመው ይታያል። ማን ነው እስቲ ማርና ወተት እየጠጣህ ጮማ እየቆረጥክ ኑሮህን በወህኒ ቤት አድርግ ቢባል እሺ የሚል? ማንም ለዚህ አይመዘገብም። ይልቁን የመንቀሳቀስ፣ የመናገር፣ የመምረጥ መብቱ ተከብሮለት ደረቅ ዳቦውን በነጻነት እየበላ ወይም ቆሎውን እየቆረጠመ በቤቱ ኩርምት ብሎ ቢተኛ ይመርጣል። ይህ የሚያሳየው የሰው ልጅ ለነጻነቱ ታላቅ ክብርና ቦታ እንደሚሰጥ ነው። የሚያሳዝነው ደግሞ አቶ መለስ ዜናዊ በስልጣን ኮርቻ ላይ ተኮፍሰው ለመዝለቅ የሚያስችላቸውን ቀለብ ለሚቆርጡላቸው ኃያለን መንግስታት ልማታዊ መንግስት የሚያስመስላቸውን ተውኔት ቢሰሩም ሃገራችን ውስጥ  ግን ህዝባችን በከፍተኛ የኢኮኖሚ ድቀት ውስጥ በመማቀቅ ላይ ይገኛል።  ለዕለታዊ ፍጆታ የሚሆን እንኳ በቂ ዳቦም የለም። ስለሆነም የአቶ መለስ ተውኔት፣ ከተራ ጉንጭ አልፋነት የበለጠ ቦታ የሚሰጠው ቁምነገር አይደለም።

አበበ የገለጸው ይህንን ሃቅ ነው። ነጻነት ያስፈልገናል! ታዲያ፣ ያ…. አበበ የተናገረበት ቅጽበት አቶ መለስን፣  እንደውሻ ጭራ አስቆልፎ፣ አስደንግጦና አዋርዶ በዋሽንግተኑ ኢምባሲያቸው ውስጥ የተደገሰላቸው ግብር ላይ እንዳይገኙ እፍረት ውስጥ ጥሏቸው ወዲያውኑ አስፈርጥጦ  ወደ አገር አስመልሷቸዋል። ደቡብ አፍሪካም ውስጥ በጀግኖች ኢትዮጵያዊያን እንዲሁ አንገታቸውን ደፍተዋል። የአበበን መልዕክት ለወደፊት ትግላችን መፈክር  አድርገን በተጠናከረ ሁኔት በአንድነት መንቀሳቀስ ይጠበቅብና። ካለፈው አንድ ዓመት ወዲህ እንኳን አገራችን በምትገኝበት የአፍሪካ አህጉር ለዘመናት ተንሰራፍተው የነበሩ አምባገነኖች በቱኒዚያ፣ በግብጽና በሊቢያ በሕዝባዊ አመጽና መነሳሳት ተገርስሰው ወድቀዋል።  በኢትዮጵያ ውስጥ ያለው ጭቆና  በእነዚህ አገሮች ውስጥ ከነበረው ጋር ሲነጻጸር እጅግ የከፋና የተባባሰ ነው።  ከዚህም በተጨማሪ የወያኔ በትር ያላረፈበት ዜጋና የሕብረተሰብ ክፍል ስለማይገኝ ኢትዮጵያውያን ተባብረን የመለስ ዜናዊን ፈላጭ ቆራጭ አገዛዝ ከስልጣን አውርደን  በምትኩ ሁሉን ኢትዮጵያዊ የሚያሳትፍ ዲሞክራሲያዊ ሥርዓት የምንመሰርትበት ወቅት ከመቼውም ጊዜ በተለየ ሁኔታ አሁን ነው እንላለን።

እግዚአብሔር ኢትዮጵያን ይባርክ!

በፒ.ዲ.ኤፍ. ለማንበብ እዚህ ላይ ይጫኑ

ክፉን ሥራ እግዚያብሔር ይገልጣል፤
የዐርብ ፍቅረኞችም በትንሳዔው ይወድቃሉ

የተሰወረ የማይታይ፣ የተከደነ የማይገለጥ የለምና ሆኖም እስኪገለጥ ግን የአካልብት ልክፍት የማይቀር ነውና ባለንበት ዘመን በፓትርያርክ በብጹዕ አቡነ መርቆሪዎስ በሚመራው በሕጋዊው ውጭ በሚገኘው የኢ/ኦ/ተ/ቤ/ክ ቅዱስ ሲኖዶስ በገጠመው ወከባ ሁላችንም እራሳችን ባለመመርመር ባለመታደል ዋኖቻችን ለሆኑት በጹአን አባቶቻችን ለልፋታቸው ምስጋና ሳንሰጥ ጭራሽ ከሳሽ ብንሆንባቸውም እግዚያብሔር አምላክ “በውሃ ውስጥ ባለፍክ ጊዜ ካንተ ጋር እሆናለሁ በወንዞችም ውስጥ ባለፍክ ጊዜ አያሰምጥህም፣ በእሳትም ውስጥ በሄድክ ጊዜ አትቃጠልም ነበልባሉም አይፈጅህም” ኢሳ 43፡2 በሚለው ቃል እየተጽናኑ፤ “ብነኖርም ለእግዚያብሔር ብንሞትም ለእግዚያብሔር  ነው”ብለው ሳይበገሩ በአንድነት ቆመው ይልቁንም የከዳተኞች ክፋት ለቀኖች ክፋት መስታወት ሆኗቸው ጊዜውን እየዋጁ የያዙትንም አልበተኑም።

ከዳተኞች ግን መንጋውን በመጠበቅ ለተጉት አባቶች አጋዥ ከመሆን ይልቅ የሥጋ ምኞት ለመፈንቅለ ሥልጣን ህሊናን የሸጡበት የተሳከሩ መነኩሴ መሰል አምስቱ ከልቦች የራሳቸው የልክፍት አረር በአባቶች ላልይ ተኩሰው ህዝቡን ለመከፋፈልና የአባቶችንና የምዕመናንን ስም እንበለ ከነቱ በማጉደፍ በየዋሁና የሲኖዶሱ ስብከተ ወንጌል የጅርባ አጥንት በአባ ወልደተንሳዔ ስም በመነገድ ምዕመናን በምዕመናን ላይ በማነሳሳት ዘመቻ ተጠምደዋል። የዚህም ወጤቱ እየታየ ነው። ወንጌል ሰባኪ አባ ወልደ ተንሳዔን እኛን ሲያስተመሩን በአንድ ወቅት እንዲህ ብለው ነበር “ አውጣኝ ያለ ወጣ፣ አባላኝ ያለም በላ፣ ተኝቶ ተገኝቶ አሳማ ተበላ” እንዳሉን ሁሉ ዛሬ በተገላቢጦሽ መሰሪዎቹ አምስቱ ከልቦች እርስዎን ተኝተው ያገኙዎት በሚመስል ሁኔታ በስምዎ ነገደው እርስዎንና ቤተክርስቲያንን ከመብላታቸው በፊት እንደእግዚያብሔር ቃል “አንተ የምትተኛ ተነስ ንቃ ጊዜው መሽቷልና” በርትተው ይጸልዩ። ምናልባትም ተጎድተውም ቢሆን ለቤተክርስቲያኒቷ አንድነት ሲሉ ትልቁን የወንጌል ተራራ ይቅርታን ይድፈሩና መሰሪዎች ኢካቦድ በጨለማ የተከሉትን በይቅርታ በመንቀል ታሪክ ይስሩ። ጊዜው መሽቷል።

በተለይም በኢትዮጵያ በግፍ የለነጻነት የታፈነውን ህዝብ እንደቤተክርስቲያን ቀደምት አባትነታቸው የኢትዮጵያዊውን መከራነ ፍዳ እረፍት ነስቷቸው ገፈኞች ቀንበራቸውን ከሕዝቡ ላይ እንዲያነሱ ድምጻቸውን ከፍ አድርገው በመላው ዓለም አደባባይ ለነጻነት በመጮህ ላይ የሚገኙትን በሁለት ጎን የተሳሉትን የየኢ/ኦ/ተ/ቤ/ክ ሊቀ ጳጳስና የሕጋዊው ቅዱስ ሲኖዶስ  ጸሐፊ አረጋዊው ብጹዕ አቡነ መልከ ጻዲቅን ለምን ወያኔን አወገዙ፤ ለምን የእስልምና እምነት ተከታዮች ኢትዮጵያዊያን ናቸውና በኢትዮጵያዊነታቸው ስለሚደርስባቸው በደል ቤተክርስቲያን ትጮሃለች በማለት በመናገራቸው ለምን በዚህ የወያኔን ግፍ አጋለጡ በሚል ዲያቢሎሳዊ ተልዕኮ አባቶችን በድረ ገጾቻቸው በማዋረድ ሴራቸው እየተስተዋለ ነው።

ሆኖም ሊቀ ጳጳሱ ብጽዕ አቡነ መልከ ጻዲቅ እውነት አርነት ያወጣቸው እንደ እግዚያብሔር ቃል በሁለት ጎን የተሳሉ ናቸውና በእምነታቸው ቆመው ከእግዚያብሔር በቀር ማንም በሳቸው ሥልጣን እንደሌለው በማስረገጥ ከተገፉት ጋር የቆሙ አረጋዊ አባት ናቸው። እነዚህ የምግባር ድሆች ከልቦች እንደቃሉ ሳይሆን እንደ ዶላሩ የሚሰብኩበት የመበለቶች ተረት ተረት የሆነ ቀኖና ቤተክርስቲያን ፈርሶ ወይም ተጥሶ በህጸጽ የተሞላው ሁሉ የግድ ቄስ ካልሆነ፣ ክህነት ያልሰጠ የማርያም ጠላት የሚሉና በተግባርም ያሳዩ፤ ከገፊዎች ጋር በመቆም ስብከቱን በሃሰት ፍቅር ያበዱበት በአጠቃላይ በመምህርና በአባ (መነኩሴ) ስም የተነሱ ጥቅመኛ ከልቦች ከቤተ እግዚያብሔር መልካምነት እንዲጠፋ በማድረግ ሕጋዊውን በውጭ የሚገኘውን ቅዱስ ሲኖዶስ በማወክና በመፈታተን ላይ ይገኛሉ።

እነዚህ አምስቱ አካልብት የእግዚያብሔርን ተግሳጽ የናቁ፣ መስዋዕቱን ያቃለሉ፣ ዋናዎቹን የማያከብሩ ምናልባትም በስደት ስም በሲኖዶሱ የኤሊ ልጆች ሾልከው ገብተው የተሾሙና የመኖሪያ ፍቃድ ማገኛ መጠለያ በማድረግ ንጹሃን አባቶችን በማመስ ተልዕኮ ላይ ተሰማርተዋል። ቀደምት ዋናዎቹ ሲኖዶሱን ይዘው የተሰደዱ ሊቃነ ጳጳሳት አባቶች በነዚህ ከልቦች ተዋርደዋል፣ አይ ጊዜ! ስለዚህ በኢትዮጵያ ያለው ጥፋት ሳይበቃን በነሱም ሆነ በሌሎቻችን በደል የእግዚያብሔር ፍርድ ለወርድ የዳመነ ቢሆንም ይህንን ባለማስተዋል፤ መገሰጽን እንደመናቅና እንደመደፈር ቆጥረው የቆሙ መስሏቸው መውደቃቸውን ስተው የኢ/ኦ/ተ/ቤ/ክ የማዕዘን ራስ የሆኑትን አባቶች ሲዘልፉ ተስተውለዋል።

እግዚያብሔር “ያከበሩኝን አከብራለሁ፤ የናቁኝም ይናቃሉ” ቢልም ካለመስማት ሽማግሌ ማጣት ከእግዚያብሔር ቅጣት አንዱ መሆኑንም ባለመረዳት በሊቀ ጳጳሱ በብጹዕ አቡነ ዜና ማርቆስና በብጹዕ አቡነ ይስሃቅ ሞት መቀጣታችንን አላስተዋሉም። ከዳተኞቹ ጭራሽ በነሱ ስም ንግድ የጀመሩትም ተስተዋል እንጅ ይህ የአምስቱ አካልብት የስመ አባዎችና መምህራን ድፍረትና ማናቸውም የቤተክርስቲያን ነጋዴ የአፍኒንና የፍንአስ ዕጣ ከመሆን አያልፍምን ዕምነታችንን የምንወድ ሁሉ ህጋዊው  ቅዱስ ሲኖዶስም ቤተእግዚያብሔር የጨካኝ ከልቦች ዋሻና መናከሻ ሊሆን አንፈቅድምና ስደተኛውም ብዙ መስዋዕትነትን የከፈለበት በመሆኑ ቅዱስ ሲኖዶሱ ለዚህ ከላይ ለተመለከተው ችግር በአስቸኳይ መፍትሄ ሊሰጠው ይገባል።

የሚገርመው አምስቱ ውሾች(ውሾች) እራሳቸው ወያኔ ሆነው አመጣጣቸውንም እያወቁ አንዴ ማህበረ ቅዱሳን፣ አንዴም ደግሞ ወያኔ ገብቶበታል እንዴ እያሉ በሌላ ጊዜ ደግሞ የፖለቲካ ሰዎች ተቆጣጥረውታል፣ ዶክተሮች አላስቀርብ አሉን በማለት በወያኔ ስም በማስፈራራት ሀቁን ለማፈለስና በጽናትና በአንድነት ያሉትን ቀደምትና ዋናዋዎቹን ሊቃነ ጳጳስ አባቶቻችንን ለመከፋፈል በፓትርያርኩ ስም የሚጠቀሙበት የልክፍት አዙሪት አስከፊ ቢሆንም ክብር ገን ከቀደሙት ዋናዎቹ አባቶቻችን አለቀቀችና የእገዚያብሔርን ስራ በመስራት በብርሃን መመላለሳቸውን ቀጥለዋል።

ከዚህም በተጨማሪ እነዚስ አምስቱ ውሾች ቤተክርስቲያንንም ስደተኛውንም በመናቅ ግፋም ሲል የዋህ ሲያገኙ በማስጨብጨብ የረከሱ የአፍሚንና የፊንአስ ጊዜ  ስደተኛ ለማድረግ ከስም አይጠሩ አባታቸው የተሰጣቸውን ተልዕኮ ለመፈጸም ልክፍታቸውን ቀጥለውበታል። የአድራጎታቸውን አስከፊነት አውቀው እንዲመለሱና ክፉ ስራቸውን እንዲተው በተለያየ ጊዜ በተለያዩ ካህናትና ምዕመናን የተሰጣቸውን ምክክር አጣጥለውታል። ሆኖም ኢትዮጵያና ቤተክርስቲያን የክብር  በሮቻችን በመሆናቸው አሁንም ደግመን እየነገርን ከጥፋት ተመለሱና ኑና እንወቃቀስ እንላለን። ዳሩ ግን አምስቱ ከልቦች ክብር ከራሳቸው የለቀቀ የኑፋቄ ባሮች ናቸውና አባቶችን፣ቤተክርስቲያንና ምዕመናን፣ ለኢትዮጵያ ነጻነት የቆሙትን ዜጎች በአጠቃላይ ኢትዮጵያንና ህዝቧን የሚያዋርዱ ቡድንተኛ ኢካቦች ናቸውን ማስተዋል ጠፍቶባቸዋል።

እነዚህ አምስቱ አካልብት (ኢካቦድ) ኢትዮጵያን አገርና ህዝብ ፈርሶ እያለ የድረሱልን ጥሪ እየተስተጋባ በየማዕዘናቱ ኃይሉን በጸሎት ከማሰባሰብ ይልቅ የኢትዮጵያን ቤተክርስቲያን ለህዝቧ ዓይን የሆኑትን በማዋረድ ምንዝርና በሆነው አድመኝነት የነጎዱ እራሳቸው ኩነኔዎች ሆነው ኮናኝ የሆኑበት እራሳቸውን ሳያውቁ ሌላውን በቅዱስ መንፈስ የሚመረመራቸውን እናውቃለ የሚሉ ሥርዓተ ቤተክርስቲያንን ለምን ጣሳችሁ ሲባሉ፣ ለንስሃ ከመዘጋጀት ይልቅ የህጸጽና የነውር አገልጋይ በመሆን የቡድንተኝነትና የአድመኝነት ቁማር በመጫወት የአገርን፣ የቤተክርስቲያን፣ የአባቶችን ክብርና የምዕመናንን  እንድነት በመሸርሸር እንጀራ የበሉበትን ተረከዝ በመንከስ ላይ ይገኛሉ። ከዚህም በላይ ኮቴያቸውን በህጋዊዊ ውጭ በሚገኘው ቅዱስ ሲኖዶስ ውስጥ እያሰሙ ነውና እነዚህ ኢካቦድ በሚያራግፉት የምንደኝነት አባራ ያላወቃቸውንና ያልጠረጠረውን በፓትርያርኩ ስም በመነገድ አንድነቱን ሸርሸረው በጥርጣሬ፣በምንደኝነት በኑፋቄ በመከፋፈል ላይ ናቸው። አምላካችን ለሁሉ አስተዋይ ልቡና ይስጠው።

ባሳለፍናቸው ረዥም ዓመታት ብጹአን አባቶቻችን ለአገርና ለምዕመናን የምትጸለዩ መሆናችሁን በትክክል ብናውቅም፤ ካዛ ባለፈ አፋጣኝ የህጋዊው ቅዱስ ሲኖዶስ ጉባዔ በመጥራት ወይንም አባቶቻችን እግዚያብሔር በሚያሳያችሁ መንገድ የምዕመናኑን የመንጋችሁን አንድነት ከከልቦችና (ከውሾች)  ከኢካቦድ ትታደጉትና ኢካቦድ በጨለማ የሰሩትን በብርሃን ትገልጡትና አንድነታችን ትጠግኑትና ያጠፋም ተጸጸቶ፣ ፍቅር ይሰፍን ዘንድ እየተማጸንን ምዕመናን ከእውነት ያልሆኑት እውነትን እንደማይሰሙ እንደ አባታቸው ሃሰትን ሲናገሩ ከራሳቸውና ከሃሰት አባታቸው ልጅነታቸውን እንዳሳወቁ በመገንዘብ ኢካቦድ (ከልቦች/ውሾች) ላቀዱት በሁከት የመከፋፈልና የግርግር የስም ማጥፋት በሽታቸውን ልክፍት የተነሳ ሰላም እንደሌላቸው አውቀን ሳንገበር በጊዜውም አለጊዜውም በዓለም ዙሪያ ቤተክርስቲያናችንን በመልካም ተጋድሎ በመጠበቅ ከቀደምት ዋናዎቹ አባቶቻችን ድምፅ እንድንሰማ እግዚያብሔር ይርዳን።

ከእግዚያብሔር ሥራ ፊት የኢካቦች ሥራ አይቆምም። የእግዚያብሔር ሰዎች አብረውን አሉና “ስቀሎ ስቀሎ”  የአርብ ፍቅረኞች በትንሳዔው ይገለጣሉ። ይበተናሉ። ይወድቃሉ።

እግዚያብሔር ኢትዮጵያንና ህዝቦቿን ይባርክ!

በውነት እንዳልካቸው

ወያኔ ከፍተኛ ተቃውሞ በዋሽንግተን ውስጥ ደረሰበት

በእብሪትና በማንአለብኝነት የተወጠረው ወያኔ በሙስሊም ኢትዮጵያዊያን ላይ በማድረግ ላይ የሚገኘውን የመብት ረገጣና ጣልቃ ገብነትን የሚያወግዝ ታላቅ የተቃውሞ ሰልፍ በዛሬው ዕለት ተካሂዷል። በዚሁ ሰልፍ ላይ ከፍተኛ ቁጥር ያላቸው ኢትዮጵያዊያን ዘር፣ ሃይማኖትና ጾታ ሳይለዩ በአንድነት ዋሽንግተን ዲሲ ውስጥ በሚገኘው የወያኔ ኢምባሲ ፊት ለፊት በመገኘት የተቃውሞ ድምጻቸውን በአንድነት ከፍ አድርገው አሰምተዋል።

በዚህ ሰልፍ ላይ ኢትዮጵያውያን አንድነታቸውንና በወያኔ ፈላጭ ቆራጭ አገዛዝ ላይ ያላቸውን ተመሳሳይና ቁርጠኛ አመለካከታቸውን ያሳዩበት መድረክ ነበር። በተለይም መለስ ዜናዊ በቅርቡ የአገሪቱን ሃብት በማባከን ከውጭ ገንዘብ ከፍሎ ያስመጣውን የተጭበረበረ የሃይማኖት አስተምህሮት ኢትዮጵያውያን ሙስሊሞች ላይ በኃይል ለመጫን የሚያደርገውን ተልካሻ ሙከራ ሰልፈኛው አበክሮ ተቃውሟል።

በፒ.ዲ.ኤፍ. ለማንበብ እዚህ ላይ ይጫኑ።  በጨለማ ውስጥ ያለ ሕዝብ ብርሃን ያያል

በጨለማ ያለ ህዝብ ብርሃን ያያል

በኢትዮጵያ ውስጥ በማናቸውም ዕምነት ውስጥ የፖለቲካ ዝናር የታጠቁ፣ ምንደኛ ቃየላዊያን የሰው ልጅ ነጻነት፣ ወደማይፈቅደው የጨለማ ጎዳና ቢያንገላቱትም የራሳቸው የክህደት ፈጠራ እንዳነገቡ ወደ ጥልቁ ወውረዳቸው የማይቀርና በጨለማ ያለው የኢትዮጵያ  ሕዝብ ብርሃን የሚያይበት ቀን ሩቅ አይሆንም።

መሰሪዎቹና የመለያየትና የተንኮል ትምህት ተባባሪዎቻቸውም በንቀትና በማጣጣል “ጨርቅ” ያሏት የጥቁር ሕብቦች የነጻነት ምልክት የእናት ኢትዮጵያ ሰንደቅ ዓላማ/ ባንዲራ (አረንጓዴ፣ ቢጫና ቀይ) የፍርዷ ቀን ደርሶ በአቶ መለስ ዜናዊና በግብረአበቻቸው ላይ ያ “ወራዳ” ያሉት ሕዝብ የነጻነቱን የጩኽት ድምጽ በዓለም አደባባይ ወራዳነታቸውን አንገታቸውም በመድፋት ራሳቸው አቶ መለስ ዜናዊ ያረጋገጡት እውነታ ነው። ይህንን ይመልከቱ። http://www.youtube.com/watch?v=hUVsq-FDFRE&feature=relmfu

ስለሆነም የኢትዮጵያን የነጻነት እሳት ለመገደብም ሆነ ለማጣጣል የሚዳዱ ቢኖሩ “በቃኝ “ ሲል የኢትዮጵያ ሕዝብ  ምን ሊያደርግ እንደሚችል የረዥም ዘመናት ታሪኩን ያልተገነዘቡ አሊያም በክህደት የቆሙ ብቻ ናቸው። ይህ በምድረ አሜሪካ በአምባገነኖች ላይ ያስተጋባው የኢትዮጵያ ነጻነት (Freedom) ጩኽት ድምጽ በቅብብሎሽ በኢትዮጵያ ብቻ አይደለም በሌሎችም የዓለም አገሮች ማስተጋባቱን ቀጥሏል። (እግዚያብሔር ይመስገን)። በመሆኑም ከዚህ የኢትዮጵያ ህዝብ የነጻነት ጩኽት ድምጽ ቅብብሎሽ ተቃራኒ የሆነ አሰራር ይዞ ኢትዮጵያን ልምራ ወይንም ለኢትዮጵያ አውቅላታለሁ የሚል ማናቸውም ቡድን ከጠላት እንጅ ከወዳጅ እንዳልሆነ ሁሉም አገር ወዳድ ልብ ሊለው ይገባል።

የዚህ የነጻነት ጩኽት ቅብብሎሽ በሁሉም መስክ ለኢትዮጵያ ነጻነት በሚጠሩ ማንኛውም ህዝባዊና ሰላማዊ የተቃውሞ ትዕይንቶችና ሰልፎች ወይም ስብስቦች ላይ ሁሉንም ኢትዮጵያዊ በአንድ ላይ፣ በአንድ ጥላ ስር የማያሰባስብና የማያሳትፍ፣ እንቅስቃሴና ጥሪ ውጤት አልባ ከመሆኑም በላይ በአገሪቱ ላይ እንደ አልቅት ተጣብቆ ደሟን የሚመጠውን የመለስን አገዛዝ ዕድሜ ማራዘምም ነው የሚሆነው። የአቶ መለስ አምባገነን አገዛዝ የኢትዮጵያዊነትን ብሔራዊ ስሜትና ራዕይ ከትውልድ ጭንቅላት ሰርዞ ሊቆራርጡንና ሊያቆራርጡን ቢዳክሩም ኢትዮጵያዊያን የአንድ እናት ልጆች መሆናችንን ሊገቱት  ከቶ አልቻሉም።ይልቁንም ኢትዮጵያ ወይም ነጻነት ብለን አንገታቸውን አስደፍተናቸዋል።  በዚህም መሠረት የኢትዮጵያ ህዝብ የነጻነት ጩኽት ድምጽ ቅብብሎሽ እንደ ሰደድ እሳት በሁሉም  ቦታና ጊዜ በኢትዮጵያ መሬት ላይ ይቀጥላል።

ሀቁን ተረድተው ጥፋቱን ከማረም ይልቅ እርስበርስ እንድንለያይና እንድንበላላ፣ እንድንገዳደልና እንዳንተማመን የሚያደርጉንና የፈጠሩትን ፖሊሲ ለራሳቸው ለአቶ መለስና ለአገዛዛቸው አከናንበን የኢትዮጵያዊ የፍቅር አንድነታችንን የበለጠ ገንብተን በክብር ለማለፍ ሁሉም ኢትዮጵያዊ በማናቸውም መስክ ድምጹን እንዲያሰማ በሚደረገው ተግባራዊ ውጤታማ ሥራ በጨለማ ያለው የኢትዮጵያ ህዝብ ብርሃን ያያል።

ከመሬት የኢትዮጵያ ህዝብ ንቅናቄ

ኢትዮጵያ ውስጥ የመኖር ነጻነት የለም

መለስ ዜናዊን የሚያወግዝ ታላቅ ትዕይንተ ሕዝብ ተካሄደ

ለባዕዳን በተላላኪነት የሚያገለግለው አምባገነኑና ፈላጭ ቆራጩ መለስ ዜናዊ በዛሬው ዕለት በዋሽንግተን ዲሲ ከተማ ውስጥ ከፍተኛ የተቃውሞ ሰልፍ ተካሄደበት። ኢትዮጵያውያን በነቂስ ወጥው በሮናልድ ሬገን ዓለም ዓቀፍ የንግድ ማዕከል ህንጻ ፊት ለፊት በመገኘት መለስ ዜናዊ ኢትዮጵያ ውስጥ በመፈጸም ላይ የሚገኘውን የሰብዓዊ መብቶች ረገጣ፣ የዲሞክራሲያዊ መብቶች አፈና እንዲሁም የአገሪቱን ለም መሬቶች ዜጎችን በጉልበት በማፈናቀል ለውጭ አገር ባለሃብቶች መቸብቸብን በከፍተኛ ስሜትና ቁጭት ተቃውሟቸውን አሰምተዋል። በዚህ ታላቅ ትዕይንተ ሕዝብ ላይ የኢትዮጵያን ይዘዋቸው ከነበሩት መፈክሮችና መልዕክቶች መካከል የሚከተሉት ይገኙበታል።

• መለስ ዜናዊ የጦር ወንጀለኛ ስለሆነ ለፍርድ ይቅረብ
• መለስ ዜናዊ አምባገነነና ፈላጭ ቆራጭ ነው
• መለስ ዜናዊ ከ 20 ዓመታት በላይ ኢትዮጵያን በመግዛት ላይ የሚገኝ አምባገነን ነው
• መለስ ዜናዊ የኢትዮጵያን ለም መሬቶች እየሸጠ  ነው
• መለስ ዜናዊ የዘር ማጽዳት በመፈጸም ላይ የሚገኝ ወንጀለኛ ነው
• መለስ ዜናዊ በሃይማኖቶች ጉዳይ ጣልቃ በመግባት እየበጠበጠ ነው

በዚህ ከቅርብ ጊዜ ወዲህ ታይቶ በማይታወቅ መነሳሳትና የአንድነት ስሜት የተጠናከረና ህዝናባዊ ቁጣ የተላበሰ ትዕይንተ ሕዝብ ላይ ኢትዮጵያዊያን፤ ሙስሊም- ክርስቲያን፣ ወንድ- ሴት፣ ትልቅ-ትንሽ፣ ሳይሉ የሁሉም የአገሪቷ ዜጎች ተሳትፈውበታል። ሰልፉ የተካሄደው በዋሽንግተን ዲሲ ከተማ ውስጥ በሚገኘት በርካታ የፌዴራሉ መንግስት ፣ ዓለም ዓቀፍ ድርጅቶች ፣ የኮርፖሬት ቢሮዎችና ሌሎችም መስሪያ ቤቶች በሚገኙበት መንገድ ላይ በመሆኑና በርካታ ቁጥር ያላቸውን ተመልካቾችን ቀልብ የሳበ እንደነበረ ታውቋል።በመንገድ ላይ ለሚጓጓዙት እግረኞች የተዘጋጁ ጽሁፎች የታደሉ ከመሆኑም በላይ በርካታ አማሪካዊያንም ኢትዮጵያ ውስጥ ያለውን የመለስ ዜናዊን በደም የተጨማለቀ አስከፊ አገዛዝ ማንነትን እንዲገነዘቡ አስችሏቸዋል።

ከዚህም ሌላ በሰለሞን ቅንድቡ  (ሰለሞን ተካልኝ) አሸርጋጅነት በጣት የሚቆጠሩ የህወሃት ጥቅመኞች የዲሲ ፖሊስ ከህዝብ ዕይታ ደብቆ በሰጣቸው ስርቻ ውስጥ ሲንጫጩና ሲያላዝኑ እንደነበር ታውቋል። በተለይ ከሃዲው ሰለሞን ቅንድቡ ከተቃዋሚነት ወደ መለስ አወዳሽነት በመቀየር “ከሰውነት ወደ ውሻነት ተለውጦ በበላበት የሚጮህ  ውሻ ሆነ” እያሉ አንዳንድ ተሰላፊዎች ሲናገሩ ተደምጠዋል። በመጨረሻም ሰልፈኛው በነገው ዕለት በካምፕ ዴቪድ፣ ሜሪላንድ በተጠናከረ ሁኔታ ተመሳሳይ ተቃውሞ ለማሰማት ቀጠሮ ይዞ ወደየመጣበት ሂዷል።

መለስን ለቀቅ ኢትዮጵያን ጠበቅ፡፡ኢትዮጵያን ጠበቅ

እባክህ አምላኬ ኢትዮጵያ ሰው ትውለድ፡፡

ቁጣህን አብርደው አንጀትህ ይራራ፤

ማህጸኗን ባርከህ እባክህ ሰው ሥራ፡፡

አርግዞ ለመውለድ ዘጠኝ ወር ይረዝማል፤

የዕድገቱም ሂደት በእጅጉ ይርቃል፡፡

ታምርህ ይገለጽ ኢትዮጵያ ሰው ትውለድ፤

ሳይማር ያወቀ ሳይድህ የሚራመድ፤

ስቃይ መከራዋን ፈጥኖ የሚያስወግድ፡፡

መስሚያ ጆሮ ያለው የሕዝቧን እሮሮ፤

አሽንቀጥሮ እሚጥል ጠላቷን ወርውሮ፡፡

አንገቱ የማይዞር መለስ ብሎ እማያይ፤

ማህጸኗን ባርከው ለዳግመኛ እንዳታይ፡፡

የጭቃ እሾህ ደምሳሽ ጀግና ባለፈረስ፤

ሰው ፍጠር አምላኬ ለዛሬ የሚደርስ፡፡

የጠባውን ጡቷን ጨክኖ በመንከስ፤

ድንበሯን በማጠር ከኤርትራ መለስ፤

በጎሣ ከፋፍሎ ዜጎቿን የሚያምስ፤

ማየት አትፈልግም ኢትዮጵያ መሯታል፤

ይህን እሚያውቅላት ሰው ያስፈልጋታል፡፡

ዐይኗ ሊጠፋ ነው ዘወትር በማልቀስ፤

አምላኬ ሰው ፍጠር ዕንባዋን የሚያብስ፡፡

አምላክ ወይ ጥበብህን እባክህ ግለጠው፤

ማለዳ ሰው ሠርተህ ለቀትር አድርሰው፡፡

“ጀግና የወጣበት ዘመኑ እኮ ርቋል፤

አርጅቶ ገርጅፎ ማህጸኗም ደርቋል፡፡”

ተብሎ ሲወራ በጅጉ ታዝናለች፤

ባርከው ማህጸኗን ቆራጥ ሰው ናፍቃለች፡፡

ዘጠኝ ወር ሩቅ ነው እንደዘጠና ዓመት፤

ጭራሽ ፋይዳም የለው “ወፌ ቆመች” ማለት፡፡

አምላኬ ሰው ሥራ ዛሬ እሚታደጋት፡፡

የኢትዮጵያን ሪቪው ርዕሰ አንቀጽ

 ቀዳሚው ትውልድ “አፍንጫን ሲመቱት ዓይን ያለቅሳል” ይላል። ይህ ስነ-ቃል ብሃራዊ ስንቅ ሲሆን  በአንድ ኣካባቢ ያለ ኢትዮጵያዊ አካል ሲነካ በሌላው በኩል ያለው ወገን ያማል! ብሎ እንዲነሳ ይነሽጣል።

ብዙሃዊት ሃገር ኢትዮጵያ በአራቱም ማእዘናት ያሉት ልጆችዋ ለጋራ ፍትህና እድገት ካልቆሙ ሁልጊዜም እንዲሁ እንዳነከሰች ትኖራለች። ባንድ ጎራ ያለው ባህላዊ ቡድን በባህሉ ወይም በሃይማኖቱ ጥቃት ሲደርስበት ዘራፍ! አፍንጫን ሲነኩት አይን ያለቅሳል ብሎ በሌላው የሃገሪቱ ክፍል ያለው ወገኑ ካልተነሳ የአንድነት ወዙ የቱ ጋር ነው? ኣንድነት ከሚገለጽባቸው መንገዶች አንዱ ወገን እና ሃይማኖት እየለየ ጥቃት ሲፈጸም ሌላው ወገን ለወገን ደራሽ ወገንነቱን በተግባር ሲያሳይ አይደለምን?

ዛሬ የብዙሃዊት ኢትዮጵያ ባህላዊ ቡድኖች አንዴ በባህላዊ ቡድናቸው አንዴ በሃይማኖታቸው ጥቃት ሲደርስባቸው ይታያል። ለአብነት በጋምቤላ ወገኖቻችን ላይ እየደረሰ ያለው ጭፍጨፋና ማፈናቀል እንዲሁም በአማራና በአፋር ወንድሞቻችን ላይ እየደረሰ ያለው ጥቃትና በእስልምና ተከታዮችና ዘንድ እየደረሰ ያለው የመንግስት ጣልቃ ገብነት እንዲሁም በገዳማትና በክርስትና ሃይማኖት ተቋማት ላይ የሚፈጸመው ግፍ ይጠቀሳሉ።

እነዚህ የባህል ቡድንንና ሃይማኖትን እየለዩና እያነጣጠሩ የሚፈጸሙ ግፎች የኢትዮጵያዊያንን የአንድነት መንፈስ ሊፈትኑ የመጡ ታሪካዊ ክስተቶች ናቸው። በመሆኑም እስልምናው ሲነካ ክርስቲያኑ ፣ ክርስቲያኑ ሲነካ ሙስሊሙ፣ ጋምቤላውና አፋሩ ሲነካ ሌላው ኢትዮጵያዊ ቀፎው እንደተነካበት ንብ ብድግ ሊል ይገባዋል።

የኢትዮጵያ ህዝብ እነዚህን ግፎችን በትዕግስት በስሎ ጊዜና ሰዓት ለሚጠብቀው ታላቁ ህዝባዊ ንቅናቄ የመነሻ አደባባይ ሊያደርጋቸውና ለሃያ ዓመት የተሸከመውን ትከሻውን ያጎበጠውን ብልሹ አስተዳደር አስፈንጥሮ የሚጥልበትን ሕዝባዊ እንቅስቃሴ  የሚያቀጣጥልበት አውድ አድርጎ ሊጠቀምባቸው ይገባል እንላለን።

ድል ለኢትዮጵያችን!!

በእግዚያብሔር ህግ ላይ ድርድር የለም

 “………..እነዚህ  ከእናንተ ጋር ሲጋበዙ  በፍቅር ግብዣችሁ እንደ  እድፍ  ናቸው  እንደ  እረኞች  ያለ ፍርሃት ራሳቸውን ይጠብቃሉ በነፋስ  የተወሰዱ  ውኃ  የሌለባቸው ደመናዎች፥ ፍሬ የማያፈሩ ሁለት ጊዜ የሞቱ ከነሥራቸው የተነቀሉ በበጋ የደረቁ ዛፎች፥ ……..” የይሁዳ  መልዕክት 1፡12

ሰሞኑን ከእምነቱ ተከታዮች እውቅናና ውክልና ውጭ ለወያኔ ባደሩ “አስታራቂ” ተብየዎች አማካይነት በሚስጢር ፊኒክስ ውስጥ በህጋዊው የኢ/ኦ/ተ/ቤ/ ሲኖዶስና በህገውጡ የአባ ገብረመድህን “ሲኖዶስ” መካካል ሲካሄድ የነበረው ውይይት ለወያኔ በሚያመች ሁኔታ መደምደሙን ከስፍራው የሚናኙ ወሬዎች ያመለክታሉ። ከሁሉም በላይ የእግዚያብሔር ህግ እንደ ዓለማዊ ህግ በፖለቲካ ድርድርና ሰጥቶ መቀበል እንዲሁም “በእከከኝ ልከክልህ” የሚለወጥና የሚሻር ነገር እንዳልሆነ እየታወቀና “ሰማይና ምድር ያልፋሉ ቃሌ ግን አያልፍም” የሚለውን የወንጌል ቃል ደፍጥጠው በቤተክርስቲያኒቷ ታሪክ እንደ አርዮስ ክህደት የሚቆጠር ከፍተኛ ክህደትና ደባ ፈጽመዋል። የኢ/ኦ/ተ/ቤ/ ህግንና ቀኖና ጥሰው በነፍጥ አንጋቾች መንበረ ፓትርያርኩ ላይ የተቆናጠጡት አባ ገብረመድህን ወርደው ንስሃ ይግቡ፣ ትክክለኛው ፓትርያርክ ወደ መንበራቸው ይመለሱ በማለት ፋንታ የተጭበረበር የፖለቲካ ውሳኔ ማሳለፋቸው በሚሊዮን የሚቆጠሩ የቤተክርስቲናኒቷን አማኞች እንደሚያበሳጭ ይታወቃል።

በአገራችን የተጣላ ሰው ለማስታረቅ እንደምሳሌ  ሲነገር የኖረ ብሂልን እዚህ ላይ ማቅረብ ይጠቅማል። ይኽውም አንደ ሰው ሌላው ሰው በድሎት፣ ጎድቶት፣ ገንዘቡን ቀምቶት ከኖረ በኋላ በዳይ ለመታረቅ ቢፈልግ በመጀመሪያ ማድረግ ያለበት የቀማውን ገንዘብ መመለስ፤ ከዚያም ይቅርታ መጠየቅ በመጨረሻም መካስ ናቸው። አባ ገብረመድህን የቀሙትን መንበረ ፓትርያርክነት ሳይመልሱ ምን አይነት እርቅ ነው ሊደረግ የሚችለው? አታራቂዎችስህ ይህ ተራ ጸብ አለመሆኑን እያወቁና የእግዚያብሔር ህግ መጣሱን እየተመለከቱ አለማዊና ፖለቲካዊ መርዛቸውን ለምንድን ነው በየኢ/ኦ/ተ/ቤ/ ላይ ለመርጨት የሚፈልጉት?  በእግዚያብሔር ህግ ላይ ድርድር የለም። ወንጌሉ የሚያስተምረን “ እውነቱን እውነት በሉ፤ ሀሰቱንም ሀሰት በሉ” ነው። እርቅና ሰላም የቤተክርስቲያናችን የማዕዘን እራስ ናቸው። እርቅና ሰለም ግን እውነቱን ይዞ፣ ፈሪሃ እግዚያብሔርን ተመልክቶ እንጅ መካሄድ ያለበት በስልጣን ላይ ያለውን ለማስደሰት የሚደረግ ግን ቤተክርስቲያኒቷን በእጅጉ የሚጎዳና የህዝበ ክርስቲያኑን እምነት የሚያቀጭጭና የሚያጨልም ነው። በቅርቡ በዚህ ርዕስ ላይተጨማሪ ዘገባ ይቀርባል።

የኢትዮጵያ ውርስና ቅርስ ማህበር ኦክቶበር 8 ቀን 2011 አርሊንግተን፣ ቨርጂኒያ ውስጥ በሚገኘው የመናፈሻና የስፖርት መስክ ላይ ያዘጋጀው የቤተሰብ የሽርሽር ዝግጅት በደማቅ ሁኔታ ተካሄደ። በዚሁ ዝግጅት ላይ በርካታ ቁጥር ያላቸው ኢትዮጵያውያን ቤተሰቦች ከነልጆቻቸው የተገኙ ሲሆን የመናፈሻ ቦታው በኢትዮጵያ ሰንደቅ ዓላማ አሸብርቆ ታዳሚዎችም በተለያዩ የኢትዮጵያ የአገር ባህል አልባሳትን ተጎናጽፈው አምረውና አጊጠው ተገኝተዋል። በዝግጅቱ ላይ የተሟላ የኢትዮጵያ ምግቦችና የፍም ጥብስ የተስተናገደ ሲሆን በተለይም ለልጆች ልዩ ምሳ ቀርቦላቸው የነበረ ከመሆኑም ባላይ ልጆች እርስ በርሳቸው ሲጫወቱና ሲቦርቁ ውለዋል።ከዚህም በተጨማሪ የኢትዮጵያ የቡና ሥርዓት ተካዷል። በዝግጁ ላይ በርካታ የኢትዮጵያ የንግድ ድርጅቶችና ምግብ ቤቶች አስተዋጽኦ አበርክተዋል።

ኢትዮጵያን ሪቪው  “ኢትዮጵያ ውስጥ ያለውን አምባገነን አገዛዝ ማስወገድና መተካት” በሚል ርዕስ ልዩ ህዝባዊ ስብሰባ በዋሽንግተን ከተማ ውስጥ ቅዳሜ, ሴፕተምበር 3, 2011 አዘጋጅቷል። ስብሰባው የመለስ ዜናዊ አምባገነንና ፈላጭ ቆራጭ አገዛዝ በምን መንገድ ስለሚወገድበትና በማንስ ስለሚተካበት ሁኔታ ላይ ትኩረት ይሰጣል። በስብሰባው ላይ ንግግር የሚያደርጉ እንግዶች የስም ዝርዝር በቅርቡ ይፋ ይደረጋል።

ቀን፤ ሴፕተምበር 3, 2011

ቦታ፤ ዋሽንግተን ኢቲካል ሶሳይቲ

አድራሻ፤ 7750 16^th Street N.W. Washington D.C. 20012

ሰዓት፤ 5:30 PM

ተጨማሪ መረጃ ለማግኘት

Email: ethrev@gmail.com

ስልክ ቁጥር፤ 703-824-4821

በዚህ ዓመት አንጋፋው ኢትዮጵያን ሪቪው የተመሠረተበትን 20ኛ ዓመት በድምቀት ለማክበር በርካታ ተግባሮችን በማዘጋጀት ላይ ይገኛል። በዚህም መሠረት የኢትዮጵያን ሪቪውን ያለፈውን አኩሪ ታሪክና የወደፊቱን ብሩህ ዕድል የምናሳይበት የተለያዩ ዝግጅቶችን እናቀርባለን።

ኢትዮጵያን ሪቪው ግልጽ ዓላማና ተልዕኮ አለው። በመጀመሪያና በግምባር ቀደምትነት የኢትዮጵያ ህዝብ ለነጻነት፣ ለዲሞክራሲና ለፍትህ የሚያደርገውን ተጋድሎ የተቀደሰ ዓላማ ያለው መሆኑን ይቀበላል፣ ያከብራል። ኢትዮጵያን ሪቪው ካለፉት 20 ዓመቶች አንስንቶ ሲያደርግ እንደነበረው ለዚህ የኢትዮጵያ ህዝብ ትግል ሙሉ ድጋፉን በተጠናከረ ሁኔታ ይቀጥልበታል። ለወደፊቱም የኢትዮጵያን ሉዓላዊነት፣ የግዛት አንድነትና ብሔራዊ ጥቅም ለማስጠበቅ የሚረዱ መረጃዎችን በማቅረብ የበኩሉን አስተዋጽኦ በትጋትና በንቃት ያበረክታል። “መረጃ ኃይል ነው!” “ህዝብ የማወቅ መብት አለው!” የሚሉ መሪ ቃሎችን አንግቦ ህዝባዊና አገራዊ አገልግሎቱን ይቀጥልበታል። የኢትዮጵያ ህዝብም ከወያኔ አፋኝ አገዛዝ የሚላቀቅበት ጊዜ ቅርብ መሆኑንም በዚህ አጋጣሚ ኢትዮጵያን ሪቪው ለመግለጽ ይወዳል።

እዚህ ደረጃ ልንደርስ የቻልነው በአንባቢዎቻችንና በደጋፊዎቻችን ያልተዛነፈ ፍቅርና ድጋፍ እንዲሁም በትጉህ ሰራተኞቻችን የቀንና የሌሊት ሥራ ነው።

የኢትዮጵያን ሪቪው የ 20 ዓመቶች አገልግሎት በልዩ ሥርዓት ዋሽንግተን ዲሲ ከተማ ውስጥ ቅዳሜ July 2, 2011 (እአአ) ስለምናከብር እርስዎ እንዲገኙልን በአክብሮት ጋብዘንዎታል።

ቦታ፤ ዋሽንግተን ዲሲ፣ ኤቲካል ሶሳይቲ

አድራሻ፤ 7750 16th Street NW, Washington DC 20012

የትኬት ዋጋ፤ $50 (ትኬት ከድረ ገጽ ላይ መግዛት ይቻላል። እባክዎ እዚህ ላይ ይጫኑ)

|
|

በዚህ ዋሽንግተን ዲሲ ከተማ ውስጥ በሚካሄደው ክብረ በዓል ላይ ለመሳተፍ የማትችሉ ደጋፊዎቻችን፣ ትኬቱን በመግዛት ኢትዮጵያን ሪቪው ለወደፊቱ ላቀዳቸው ተግባሮች ማከናወኛ የሚሆን አስተዋጾ በማበርከት ተሳተፉ።

በወያኔ አፋኝ አገዛዝ ላይ የሚደረገው ብሔራዊ የአርነት ትግል ወሳኝ ደርጃ ላይ ደርሷል

ከግንቦት 20 ቀን 1983 ዓም ጀምሮ እስከ አሁን ድረስ ለ20 ዓመታት በኢትዮጵያ ላይ አስከፊ የሆነ አፋኝ አገዛዝ በመጫን፤ በአገሪቷ ላይ ስፍር ቁጥር የሌላቸውን ንጽሃን ዜጎችን በፖለቲካ አመለካከታቸው ብቻ በግፍ በመጨፍጨፍ፣ በእስር ቤት በማማቀቅ፣ ለስደት በመዳረግ፣ ንብረታቸውን በመዝረፍ፣ በማንገላታት፣ በማዋከብ እንዲሁም በርካታ ሰቆቃዎችን በመፈጸም ላይ የሚገኘው የወያኔ አገዛዝ ተገርስሶ የሚወድቅበት ጊዜ እውን እየሆነ በመምጣት ላይ ይገኛል።

በኢትዮጵያ ውስጥ ያለው ነባራዊ ሁኔታ ሰሞኑን አምባገነን ገዥዋን ከሥልጣን መንግላ ካባረረችው ከቱኒዚያ ውስጥ ከነበረው ሁኔታ እንዲሁም ግብጽ ውስጥ ከሚገኘው ፈላጭ ቆራጭ ሥርዓት ጋር ሲነጻጸር በእጅጉ የከፋና የመረረ እንደሆነ በገሃድ የሚታይ ነው። በእነዚህና በሌሎችም በርካታ የአፍሪካና የመካከለኛ ምሥራቅ አገሮች ውስጥ የሚገኙት አገዛዞች የተለመዱ ወይም ተራ አምባገነኖች  በመሆናቸው ማንኛውም አምባገነንና ፋላጭ ቆራጭ አገዛዞች የሚፈጽሙትን ግፍና በደል በህዝባቸው ላይ ይፈጽማሉ። ወያኔ ግን ተራ አምባገነን ሳይሆን በቅኝ ገዥነትና በጠላትነት የተቀመጠ በመሆኑ ብቻ ሳይሆን የአገሪቱን ህዝብ  በጎሳ በመሸንሸን የጎሳ አፓርታይድ አገዛዝ በአገሪቷ ላይ በመጫን በአገሪቱ ታሪካዊ ጠላቶች አንጋችነትና ቀላቢነት ለመንበረ ሥልጣን የበቃ በመሆኑም ጭምር  ነው። ይህም ነው የኢትይጵያ ህዝብን ትግል ጣምራ ትግል እንዲሆን የሚያስገድደው። ቀዳሚው ትግል ቅኝ ገዥውን ወያኔን ከሥልጣን ሰገነት ላይ አውርዶ ማንኮታኮት ሲሆን ተከታዩ ደግሞ፣ ለሁሉም ዜጎች የሚሆን ዲሞክራሲያዊ ሥርዓትን  ማቋቋም ነው።

ወያኔ በዕለት ዕለት ተግባሩ ባለፉት 20 ዓመታት ውስጥ እንዳስመሰከረው አምባገነንና ፈላጭ ቆራጭ ብቻ ሳይሆን የአገሪቷና የህዝቧ ጠላትም ጭምር ነው። በዚህም ምክንያት ነው ከወያኔ ጋር የሚደረገው ትንንቅ ከአንድ ተራ አምባገነን አገዛዝ ጋር የሚደረግ ዲሞክራሲ የማስፈን ትግል ሳይሆን የብሔራዊ የአርነትና የነጻነት ትግልና የተቀደሰ ዓላማ ያለው ታላቅ ተግባር ነው። ወያኔ የህይወት መስዋዕትነትን በርካታ ቁጥር ያላቸው ዜጎች ለረዥም ዘመናት የከፈሉላትን አገር በወረራ በመያዝ የባርነትና የአፋኝ አገዛዙን በመጫን፤ እንዲሁም ለዘመናት በትደረጉ ጥረቶች የተገነቡትን በሕዝቦች መካከል የዳበሩትን መስተጋብሮች ገዝግዞ ለመበጠስ ያልፈነቀለው ድንጋይ አይገኝም። ወያኔ የገሪቱን ብሔራዊ ሰራዊት በመበተን፣ መንገዶችን ህንጻዎችንና ድልድዮችን በማውደም የአገሪቱን አንጡራ ሃብት የሆኑትን ሆስፒታሎች፣ ትምህርት ቤቶች፣ ባንኮች፣ የመንግሥትና የግል መሥሪያ ቤቶችንና ሌሎችንም የአገር ንብረቶችንና ቅርሶችን በመዝረፍ በጠላትነት አገሪቷን ረግጦና አፍኖ በመግዛት ላይ ይገኛል። ይህ አፋኝ ሥርዓት የኢትዮጵያን ህዝብ ከዓለም በመጨረሻው ተርታ በማሰለፍ የመረጃ አቅርቦት እንዳይኖረው ከውጭ ወደ አገር ውስጥ የሚተላለፉ የሬዲዮና የቴሌቬዝን አገልግሎቶችን በማፈን፣ የኢንተርኔት አገልግሎቶችን በመዝጋት ህዝቡን በኢኮኖሚ አድቅቆ፣ በሥነልቡና አደንዝዞና አሰቃይቶ በመግዛት ላይ ይገኛል።እንዲሁም የአገሪቱን ብርቅዬና ለም መሬቶችን ለባዕዳን በርካሽ በመቸብቸብ የማይጠረቃውን የገንዘብ አኮፋዳውን በመሙላት ላይ ይገኛል።

ሆኖም በተለያየ ጊዜ እደተዘገበው ወያኔ በሕዝብ የተጠላና የተወገዘ በመሆኑ በጣት ከሚቆጠሩት ጥቅም ተጋሪዎችና ፍርፋሬ ለቃሚዎች በስተቀር የኢትዮጵያ ሕዝብ በ1997 ዓም ብሔራዊ ምርጫ ለዓለም እንዳሳየው  ከጫንቃው ላይ አውርዶ ጥሎታል። ወያኔ በሥልጣን ኮርቻ ላይ ተንፈናጦ ለመቆየት የቻለው በባዕዳን እርጥባና አይዞህ ባይነት እንጅ በሌላ ምክንያት ባለመሆኑ የኢትዮጵያ ሕዝህ ከዳር እስከ ዳር በመንቀሳቀስ ለአገሩ ሉዓላዊነትና ብሔራዊ ጥቅም እርምጃ መውሰድ የሚገባው ታሪካዊ ወቅት ላይ ደርሷል። ከዛሬ 21 ዓመታት ገደማ በፊት የምሥራቅ አውሮፓ ሕዝቦች  ለዘመናት ተንሰራፍቶባቸው የነበሩትን አምባገነንሥርዓቶች አንኮታኩተው በምትካቸው ዲሞክራሲያዊ ሥርዓቶችን ለመመስረት ችለዋል። ዘንድሮም ይህ የለውጥ ብርሃን በሰሜን አፍሪካ አገሮች ብቻ ሳይወሰን ወደ እኛይቱም ኢትዮጵያ  እንደሚፈነጥቅ ሳይታለም  የተፈታ ነው። ለሁሉም ጊዜ አለውና!

የተለያዩ ዘዴዎችን በመጠቀም አለእፍረትና አለይሉኝታ በውጭ የሚገኘውን ኢትዮጵያዊ በኢንቨስትመንት ሽፋን ገንዘቡን አምታቶ ለመሞጭለፍና እያባነናቸው የሚገኘው ህዝባዊ አመጽ የመነሳት ስጋት የህዝብን ትኩረት ለማስቀየር ህወሃቶች በትናንትናው ዕለት በብርሃነ ገብረክርስቶስ የሚመራ ልዑክ በዋሽንግተን ከተማ በመላክ የጠሩት ስብሰባ አገር ወዳድ ኢትዮጵያውያን ባደረጉት ተቃውሞ ምክንያት ተሰርዟል። የልዑካኑ ቡድን ለማጭበርበሪያ “የትምህርት ሚኒስቴር” ተብዬው በተላላኪውና በተለጣፊው ደመቀ መኮንን እንደሚመራ ቢገለጽም ዋናው የስብሰባው መሪና የበላይ ተቆጣጣሪው ከወያኔ መስራቾች አንዱ የሆነው ቀንደኛው የመለስ  አንጋች ብርሃነ ገብረክርስቶስ እንደሆነ ይታወቃል። በትናንትናው ዕለት በግላጭ እንደታየው ደመቀ መኮንን ንግግር በማድረግ ላይ እንዳለና ለሚቀርቡ ጥያቄዎች መልስ ለመስጠት በሚሞክርበት ጊዜ ብርሃነ ገብረክርስቶስ በሁኔታው ስላልተደሰተና ሽንፈቱን መቀበል ስላቃተው የድምጽ ማጉያ ከእጁ በመመንጨቅ፣ ደመቀን እንዳዋረደው በገሃድ ታይቷል። ለነገሩ ወያኔዎች የደመቀን አይነት ለሆዳቸው ያደሩ ሰዎችን ስለማያከብሯቸው እንደውሻ ነው የሚያዩዋቸው። ውሻ ስራው ከበር መጮህ ሲሆን እልፍኝ ልግባ ቢል በእርግጫ እንደሚመታና እንደሚባረር ብርሃነ ገብረክርስቶስም የህወሃትን የበላይነትን በትናንትናው ዕለት ደመቀን በማዋረድና ስዕብናውን በመንካት ህዝብ ፊት አብክቶታል። ሌላው ካድሬ ረደዋን አብደላም አንዳችም ቃል ሳይተነፍስ እንደተለጎመ የጋማ ካብት ልፍለፋና ቅጥፈት የለመደውን ምላሱን በአፉ አጣብቆ ወደመጣበት አቅንቷል።

ብርሃነ ገብረክርስቶስም የዋሽንግተን አምባሳደርነትን እንደእርስት ለብዙ ዓመታት ይዞ ከፍተኛ የኢትዮጵያን ሃብት ሲዘርፍና ለመለስ ዜናዊ የተለያዩ ንብረቶችን ሲያከማችና ከፍተኛ የሃገሪቷን የውጭ ምንዛሪ በመስረቅ የመለስን የውጭ ባንክ ሃሳብ ሲያደልብ  ቆይቶ ለተመሳሳይ ዘረፋ ወደ ብራሰልስ ተዛውሮ እንደነበር አይዘነጋም። አሁን ደግሞ በቅርቡ የውሸት ሥልጣን ይዞ ላይ ታች ለሚለው ለሆዳሙ ኃይለማርያም ደሳለኝ አለቃ ሆኖ፤ ነገር ግን ለማጭበርበሪያ በምክትልነት በውጭ ጉዳይ ሚኒስቴር ውስጥ እንደተመደበ ይታወቃል።ትናንትና ግን ብርሃነን ቀልብ እርቆት ጭር እንዳለች ዶሮ ሲቁለጨለጭና ሲገለማመጥ የተመለከቱ አንዳንድ ሰዎች “አጠገቡ በመሆን ከውሲባዊ ፍላጎቱ አንስቶ ሁሉን ስራ ስትሰራለት የነበረችው ሰሎሜ ታደሰ አጠገቡ ስለሌለች ነው” ሲሉ ተደምጠዋል። እነዚሁ ሰዎች እንደተናገሩት የብርሃነ ከሰሎሜ ጋር መዳራት የኢትዮጵያን ህዝብ 5 ሚሊዮን ዶላር አስከፍሏል። የብርሃነ ገብረክርስቶስ የቀድሞ ሚስት ከዛሬ 12 ና 13 ዓመታት ገደማ በፊት ብርሃነን በዝሙት ጉዳይ ክስ መስርታበት ስለረታችው፣ ካሳ እንዲሆናት  5 ሚሊዮን ብር እንደተፈረደላት ይታወቃል። ይህንንም ገንዘብ አፍንጫውን እየተያዘ ግብር የሚያስከፍሉት የኢትዮጵያ ህዝብ ከጉሪሮሮው ነጥሎ ከፍሎታል።

በዚሁ ስብሰባ ላይ በአምባሳደርነት የተቀመጠው የተለጣፊው የኦ.ፒ.ዲ.ዮ. አመራር አባል የሆነው የስሙላ አምባሳደር ግርማ ብሩ ይሁን እንጅ፣ እውነተኛ ሥልጣን ያለው በዋሃደ በላይ ዕጅ እንደሆነ የታወቀ ነው። እንደ ግርማ ብሩ ያሉት ሆዳሞች ደግሞ ሌላ ተስፈኛ ሆዳም ማስከተላቸው ስለማይቀር እርሱም እንዳቅሙ በቅርቡ በወዶ ገብነት የኦሮምን ህዝብ ለወያኔ ሸጦ ፍርፋሪ ስልጣን ፍለጋ በስተርጅና የሚጎናበሰውን ንጉሴ ቢራቱን “የኮሚኒቲ ተወካይ” በሚል የውሸት ታፔላ ለጥፎበት በስብሰባው ላይ አፉን እንዲከፍት አድርጎታል። ንጉሴ ቢራቱ በደረሰበት የግል የኢኮኖሚ ቀውስ በተለይም ገዝቶት የነበረው ቤት ዋጋው ወድቆ የሚከፍለው ስላጣ የዋሽንግተንን የኦሮሞ ማህበረሰብ ገንዘብ መንትፎ ቢወሰድም ሊበቃው ስላልቻለና በታክሲ ስራም “ሌቦች ሊዘርፉኝ” ይችላሉ እያለ በፍርሃት ስለሚንቀጠቀጥና በአግባቡ ስለማይሰራ የረባ ገቢ ስላላገኘ ወደወያኔ ኢምባሲ መልከስከስ ከጀመረ ጥቂት አመታት እየተቆጠሩ ነው። ነገር ነገርን ያነሳዋል እንደሚባለው ቅሌታሙ ንጉሴ ቢራቱ በዘመነ ደርግ ቀንደኛ ካድሬ በመሆን ብዙ ወንጀል የፈጸመና የኢ.ሰ.ፓ.አ.ኮ. አባል በመሆን በተፈሪ መኮንን ትምህርት ቤት ምክትል ዳይሬክተርነት ከተሾመ በኋላ፣ በወቅቱ ቀንደኛ ካድሬዎች ወደሚላኩበት የኮሚኒስት አገር ወደ ቡልጋሪያ ለትምህርት ተልኮ ትምህርቱን ከጨረሰ በኋላ ወደአሜሪካን አገር በመምጣት “እኔ ኦሮሞ ነኝ፣ ጭቁን ነኝ” በማለት ብዙ ሰዎችን በማታለል የኦሮሞ ኮሚኒቲ በዋሽንግተን ዲሲ ሊቀመንበር በመሆን ለከፍተኛ ሥልጣን ሲቋምጥ ቆይቶ የነበረ ተዋርዶ አዋራጅ የሆነ ግለሰብ ነው። አሁን ደግም ተግልብጦ ለወያኔ በግምባር ቀደምትነት በወሬ አቀባይነትና አለቅላቂነት ተሰማርቷል። ይህ ወራዳ ግለሰብ ብዙ ጊዜ ካንዱ የፖለቲካ ፓርቲ ወደ ሌላው ሲገለባበጥ የተመለከቱ ሰዎች “ከመገለባበጥ ብዛት አጥንቱ ተሰባብሮ ስላለቀ ነው ሰውነቱ በስጋ ብዛት ተነርቶ የሚታየው” እያሉ ሲያወሩ ተደምጠዋል።

ህወሃት በጣም ሊገባውና ሊቀበለው ያልቻለው ነገር ቢኖር የኢትዮጵያ ህዝብ በሥልጣን ኮርቻ ላይ ከተፈናጠጠበት ጊዜ አንስቶ እንደ  ውጭ ወራሪ እንጅ እንደ ኢትዮጵያ መንግስት ቆጥሮት አያውቅም። ህወሃት የሚለካውና የሚመዘነው ለአምስት አመታት የአገራችንን ህዝብ ሲያርድና ህዝቧን ሲከፋፍል እንደነበረው እንደ ፋሽስቱ ጣሊያን እንጅ እንደ ኢትዮጵያዊ መንግስት አለመሆኑን ነው።  ህወሃትን ከጣሊያን ጋር የሚያመሳስለው ተግባሩ እንጅ፣ የበቀለውማ ከእኛይቱ ኢትዮጵያ ውስጥ ነበር። ሆኖም በኢትዮጵያ ታሪካዊ ጠላቶች አንጋችነት ለሥልጣን የበቃ ስለሆነና አሁንም ተጠሪነቱ ለነዚሁ ባዕዳን ስለሆነና የኢትዮጵያን ብሔራዊ ጥቅም ለባዕዳን ሳያሰልስ አሳልፎ በመስጠት ላይ ስላለ፣ የኢትዮጵያ ህዝብ ከጫንቃው ላይ አውርዶ አንኮታኩቶ ሊጥለው አመቺውን ጊዜ እየጠበቀለት ነው የሚገኘው።

ብርሃነ ገብረክርስቶስ ህሊናው በዶላር ብዛት ስለሰከረ በደንብ ማሰብ ስለተሳነው ነው እንጅ ዋሽንግተን ከተማ ውስጥ ለበርካታ ጊዜ ስብሰባ ጠርቶ እየተዋረደ የሰረዘበት ጊዜ በርካታ ነው። በትናንትናው ዕለት በሃዋርድ ዩኒቨርስቲ ውስጥ ህወሃቶች አስበው የነበረው “በውጭ የሚገኘው ህዝብ ድጋፍ እየሰጠን ስለሆነ በአገር ውስጥ ያላችሁ ተቃዋሚዎች በውጭ ያሉት ለእናንተ ድጋፍ ስለማይሰጧችሁ አመጽ እንዳታስነሱ” ለማለት ነበር። ለዚህም የኢትዮጵያ ቴሌቭዥን ካሜራ የሚቀርጹ ሰዎችን አስመጥቶ ለኢትዮጵያ ህዝብ በቴሌቭዥን ለማስተላለፍ ነበር። በዚህ አጋጣሚ ከህወሃት ውጭ ያላችሁ ከዚህ የልዕካን ቡድን ጋር አብራችሁ የመጣችሁ ጋዜጠኞችና ሌሎችም ጊዜው ሳይመሽባችሁ በስደት ካለው ወገናችሁ ጋር እንድትቀላቀሉና እራሳችሁን ከወያኔ ባርነትና ተፅእኖ ነጻ እንድታውጡ እናሳስባችኋለን። ደመቀ መኮንንና ረደዋን አብደላም ብትሆኑ ያስቀየማችሁትን ህዝብ ይቅርታ ጠይቃችሁ ይህንን እድል ተጠቅማችሁ ወደ ወገናችሁ ብትቀላቀሉ ይሻላችኋል። ጊዜው ሳያልፍ ከዚህ በመስጠም ላይ ካለ መርከብ ላይ እራሳችሁን ፈጥናችሁ ብታድኑ ይሻላችኋል!!!

በትናንቱ ስብሰባ ላይ ለመገኘት የመጓጓዣና የሆቴል ወጭ ተከፍሎላቸው ከተለያዩ የአሜሪካና የካናዳ ከተሞች የመጡት አመዛኞቹ ሰዎች የህወሃት አባላት መሆናቸውን ተመልክተናል። ስብሰባው እዛው ወያኔ ኢምባሲ አስቀድመው ቢያደርጉት ይሻላቸው ነበር።ህወሃቶች በትናንትናው ዕለት የደረሰባቸውን ከፍተኛ ውርደትና እፍረት  እንደለመዱት “በደርግ- ኢሰፓዎችና በሻቢያዎች” ላይ አላከዋል። በጣም የሚገርመው ደገሞ ደርግና ሻቢያ ተዛምደው ወያኔንን ሲቃወሙ? ይህ የወያኔ ውሸት እግር አውጥቶ የሚሮጥ መሆኑን ቁልጭ አድርጎ ያሳያል። ወያኔዎች ውርደት ከባድ ነገር ስለሆነ መቀበል ስላቃታቸውና ህሊናቸውን ስለሳቱ የሚናገሩትን ነገር አንኳ ትርጉም ይሰጣል የሚለውን ለማመዛዘን አልቻሉም። በየትኛው ጊዜ ነው ደርግና ሻቢያ አብረው የሰሩት??? ይልቅ የደርግንና የኢሰፓን ስም በማንሳት እንደ አህያ የጫናችሁባቸውን የሚሸከሙትን  እነ ንጉሴ ቢራቱን አስታስደንግጡ፣ አታሸማቁ። እነ መለስ ዜናዊና ብርሃነ ገብረክርስቶስ የሻቢያ ቅጥረኛነታቸው የሚያረጋግጥው በትናንቱ ስብሰባ “ባድማ የማነው” ተብሎ ብርሃነ ገብረክርስቶስ ሲጠየቅ ምነው አፉ ተቆለፈ??? በመጨረሻም ወያኔዎች ኢትዮጵያን ለማፈራረስ ሲነሱ አሸምቀውበት በነበረው በደደቢት ዋሻ በሚመሰለው በወያኔ ኢምባሲ ስብሰባውን እንቀጥላለን ብለው በከፍተኛ ውርደት፣ ክስረትና ብስጭት ስብሰባውን እንዲሰርዙ ተገደዋል።  በዚሁ ርዕስ ላይ ተጨማሪ መረጃ ሰሞኑንን እናወጣለን። የኢትዮጵያ ህዝብ ድል ቅርብ ነው!!!

የኢህአዴግ የኢንቨስትመንት ጥሪ እና ዘረፋው

የኢህአዴግ ልዑካን የፊታችን ሚያዚያ 10 እና 11/2011 በአሜሪካና አውሮፓ ከተሞች በውጭ ከሚኖረው ኢትዮጵያዊ ጋር ለመምከር

እንደሚመጡ በይፋ አስታውቀዋል፤የተልእኮው ዋናው አላማው በሰሜን አፍሪካና በአረቡ ኣላም የቀጠለው ሕዝባዊ እንቅስቃሴ በኢትዮጵያ እውን

እንዲሆን ዲያስፖራው የሚያደርገውን እንቅስቃሴ ለማምከን እንዲሁም ወደሀገሪቱ የውጭ ምንዛሪ በስፋት እንዲፈስ ለማድረግ ያለመ ነው፤

** በእርግጥ ኢትዮጵያውያን ከዚህ ቀደምም በሀገር ቤት ገብተው ኢንቨስት እንዲያደርጉ ተጠይቀዋል፤ውጤቱ ደግሞ ምን እንደነበር

ወዳጆቻችን እና ጉዋደኞቻችን በከፍተኛ ጥረት ያፈሩትን የውጭ ምንዛሪ በሰበብ አስባቡ ተዘርፈው ሕይወታቸው ሲመሳቀል ታዝበናል::

** እንኩዋን ከውጭ ሀገር የሄደው ኢትዮጵያዊ ቀርቶ በሀገር ቤት በንግዱ ዓለም ዘመናት ያስቆጠሩ በሰበብ አስባብ እየተገፉ የሀገሪቱ

ኢኮኖሚ በገዢው ፓርቲ ኩባንያዎች እና በጥቂት ሸሪኮቻቸው እጅ ወድቐል፤ ባለሀብቱ በግብር፣በአራጣ ወዘተ እየተሳበበ ወደ ወህኒ እየተነዳ፣

የቀረውም እየኮበለለ ይገኛል፤ጥቂት ማይባሉትም ወደ ድህነት ተገፍተዋል፤ጥቂቶችም ራሳቸውን አጥፍተዋል፤የጌታነህ ትሬዲንግ ባለቤት አቶ ዮሃንስ

ጌታነህና የአሴ ማርብል ባለቤት አቶ አስፋው ይርጋ በዚህ ረገድ ተጠቃሽ ሰለባዎች ናቸው፤

** ነጋዴው በሀገሪቱ በሰፈነው የጉልበት አገዛዝ ስጋት ውስጥ በመውደቁ የህልውናው ዋስትና አድርጎ የወሰደው በስልጣን ላይ ላሉት

ገዢዎች እጅ መንሻ ማቅረብ ነው። ስልጠን ላይ ያለው ቡድን አንድ ግዜ ለምርጫ ዘመቻ፣ሌላ ግዜ ደግሞ ለህንጻ ማሰሪያ በሚል የንግዱን

ሕብረተሰብ እያስገበረ ይገኛል፤ ኢሕአዴግ ለ2002 ምርጫ ብቻ 57 ሚሊዮን ብር ከነጋዴው ሰብስቧል፤በዚህ መልክ ነጋዴውን እያራቆተ

እስካለፈው ጥቅምት ከወጪ ቀሪ 100.3 ሚሊዮን ብር ማከማቸቱን በይፋ አስታውቐል፤

** በሀገሪቱ በሪል ስቴት መስክ ቀዳሚ የሆነው የሃያት ሪል ስቴት ባለቤትን ጨምሮ ቁጥራቸው የበዛ ነጋዴዎች በእስር ቤት ናቸው፤ለእስር

የሚሰጠው ምክንያት ታክስ፣ አራጣ የሚል ቢሆንም ፣በኩባንያዎቻቸው የገዢው መደብ ሰዎችን ባለድርሻ እንዲያደርጉ በቀጥታም ይሁን በተዘዋዋሪ

የሚመጣበቸውን ጥሪ ባለማስተናገድ እነደሆነም የንግዱ ማህበረሰብ አባላት ሰፈር የሚነሳ ጉዳይ ነው፤

** ዲያስፖራው የግል መኖሪያ ቤት እንዲሰራ እየተጠየቀ አንዳንዶች ሄደው መስራት የ ቻሉ ቢሆንም ፣በከተማዋ ዳር ከሰሩት ውጭ

ሌሎቹ ለሰሩት ቤት ዋስትና አጥተው ከፍተኛ አደጋ ላይ ወድቀዋል፤ቦሌ በቂርቆስ ክፍለ ከተማ ኦሎምፒያ አካባቢ ግንባታ ፈቃድ ወስደው

በቅርቡ ተሰርተው የተጠናቀቁና በመጠናቀቅ ላይ የነበሩ ዋጋቸው ከ 5 ሚሊዮን ብር በላይ የሚገመቱ እና የዚምቧቤ ኤምባሲን ጨምሮ የውጭ

መንግስታትና ድርጅቶች የተከራዩዋቸው .ቤቶች እንዲፈርሱ ተወስኖባቸዋል።የተወሰነባቸው። በከተማዋ ዳር የሰሩትም ቢሆኑ ከአቅም በላይ በሆነ

ምክንያት ንብረታቸውን ለመሸጥ ለመለወጥ ቢፈልጉ እንኩዋን 80 በመቶ ሰርተው ካላጠናቀቁ መሸጥ እንዳይችሉ ሕገ መንግስቱ የሰጠው የንበረት

ባለቤትነት መብት ተሽሮ በህግ ታግደዋል፤

** አቶ ስብሃት ነጋ በአደባባይ ለቪኦኤ የአማርኛው አገልግሎት ተናግረው እናዳረጋገጡት ዛሬ በኢትዮጵያ ትልቁ ኩባንያ የሕወሃቱ

ኤፈርት ነው፤ርሳቸው በትግሉ ዘመን በሰበሰብነው ሀብት ተነሳን ብለው ቢናገሩም ያለምንም መያዣ 1.7 ቢሊዮን ብር ከኢትዮጵያ ንግድ ባንክ

ወስደዋል፤ወለዱ ብቻው ወደ 300 ሚሊዮን ብር ሲጠጋ ፋይሉ እንዲዘጋና እንዲጠፋ ተደርጉዋል፤የባንኩ ፕሬዚዳንት የነበሩት አቶ ገዛሀኝ ይልማ

በ1998 (በኢትዮጵያ አቆጣጠር) ራሳቸውን ያጠፉበት ን ሁኔታ የቅርብ ምንጮች ከዚህ የኤፈርት ብድር ጋር ያይዙታል፤ቀደም ሲል ከሀገሪቱ

ባንክ የወሰዱትና ያስቀሩት ገንዘብ አልበቃ ብሎአቸው ዛሬም በተጨማሪ እየወሰዱ ለፓርቲያቸው ሬዲዮ ፋና እና ለዋልታ ኢንፎርሜሽን

ማዕከል ሕንጻ ገንብተዋል፤ሌሎች በርካታ ሕንጻዎችም ደርድረዋል፤ በተከራይ በኩል ያለውን ችግር ለመቅረፍ የመንግስት ተቐማት

የነበሩበትን የመንግስት ቤት እየለቀቁ ወደ እነሱ ሕንጻዎች እንዲገቡ አድርገዋል።

** ዛሬ በንግድና ኢንቨስትመንት መስክ ያለው ዕውነታ ከዚህም እጅግ የሰፋ በሙስና የተበከለ፤ ከሀብት እና ችሎታም ባሻገር ታማኝነትንና በይበልጥም

የደም መመዘኛን በዋናነት የሚጠይቅ በመሆኑ ሕሊናን በመሸጥ እንኩዋን የሀገር ባለድርሻ መሆን አይቻልም፤…በአጠቃላይ ሀገራችን በኢኮኖሚው መስክ ብቻ

ሳይሆን በፖለቲካውም መስክ አፈና የነገሰባት፣የሚሊዮኖች ድምጽ የታፈነባት የጨለማ ምደር ሆናለች ፤ሀገራችንን ጭለማ ውስጥ ከተው፣ሕዝብ

አደህይተው እና አራቁተው የተዘፈዘፉብንን ሸክሞች በህዝባዊ እንቅቃሴ ለመጥረግ የተላኩብንን የጭለማ መልክተኞች በማሳፈር በሀገር ቤት ላለው

ወገናችን ብርታት እንሁነው፤ ዘረኝነት ይብቃ !.አምባገነንነት ይብቃ ! ዘረፋ ይብቃ !.ድንቁርናም ይብቃ !

መልዕክታችን

መልዕክታችን ግልጽ ነው። ፍትህን መናፈቅ፤ በዘረኝነት መንገሸገሽ፤ አምባገነን አገዛዝን አምርሮ መጥላት ጥሩ ነው፤ ግን በቂ አይደለም።

በመሬት ላይ ያለውን ሃቅ የሚቀይረው ተግባራዊ እንቅስቃሴ ብቻ ነው። እያንዳንዳችን በተቀናጀ መንገድ ትናንሽም ብትሆን ጠጠር

ከወረወርን በአጭር ጊዜ ውስጥ ክፋትን ከአገራችን ማስወገድ እንችላለ።ለራስዎ፣ ለአገርዎ እና ለወደፊቱ ትውልድ ብሩህ ራዕይ ካለዎት

እና ራዕይዎ ተሳክቶ ማየት የሚፈልጉ ከሆነ የሚከተሉትን ይፈጽሙ።

· የወያኔን የኢንቬስትመንት ግብዣ አይቀበሉ። የህዝብ መብት ባልተከበረበት፤ የህግ የበላይነት ባልሰፈነበት፤ ዘረኛነት በነገሰበት ሃገር ውስጥ

ራስዎን የገዢው ሎሌ ካላደረጉ በስተቀር በጥረትዎ ያፈሩት ንብረትባለመብት አለመሆንዎን ይወቁ። ሎሌ ከሆኑ ደግሞ ጊዜዓዊ ተጠቃሚ

እንጂ ባለመብት አይደሉም።

· ውጭ አገር የሚኖሩ ከሆነ ለቤተሰቦችዎ ገንዘብ ሲልኩ የወያኔ የውጭ ምንዛሪ እጥረት ማስታገሻ በማይሆን መንገድ ያድርጉት።

ኦፊሲያላዊመንገዶችንም ሆነ ወያኔ በየአገሩ ያደራጃቸው የገንዘብ ማስተላለፊያዎችንአይጠቀሙ።

· በአገር ቤት የሚገኙትን ወገኖቻችንን መረጃ ለማስራብ ወያኔ የሚያደርገውን የመገናኛ ብዙሃን አፈና ለመበጣጠስ ጥረት የሚያደረጉ

የሬዲዮና የቴሌቪዥን ጣቢያዎችን በገንዘብዎና በእውቀትዎ ይደግፉ::

· የተደራጀ ትግል ባነሰ ወጪና በአጭር ጊዜ ውጤታማ ያደርጋልና ንቅናቄያችንን ይቀላቀሉ። የእርስዎን ዝግጁነት የሚመጥኑ የአደረጃጀት

መዋቅሮችን፣ የትግል ስልቶችን እና የተሳትፎ ዓይነቶችን አዘጋጅተናል። የእርስዎን አገራዊ ራዕይ የሚያሳካ ሌላ ፀረ-ወያኔ ዲሞክራሲያዊ

ድርጅት ካለ ይቀላቀሉት።. ፀረ-ወያኔ ዲሞክራሲያዊ ድርጅቶችን በገንዘብዎ፣በእውቀትዎና በጊዜዎ ይርዱ።በፀረ-ወያኔ ጎራ የተሰለፉ

ኃይሎች ተባብረው እንዲቆሙ የበኩልዎን ድርሻ ያበርክቱ። የሌሎች ድርጅቶችን ህመምና ስጋት ለመረዳት ጥረት ያድርጉ።አስታራቂ

ይሁኑ።

· ወያኔ እየሸረበልን ባለ የዘርና የሃይማኖት ቅራኔ ውስጥ እንዳንገባ፤በኢትዮጵያዊያን መካከል መግባባት እንዲሰፍን ተግተው ይስሩ።

በኢትዮጵያዊያን መካከል በዘርና ሃይማኖት ልዩነት ባለማድረግ አርዓያ ይሁኑ።

· ከአሉባልታ ነፅተው የተግባር ሰው ይሁኑ። ፓለቲካችንን ከውሸት፣ ከጭፍን ጥላቻ እና ተራ ወሬዎች ለማንፃት ተግተው ይስሩ። ከወያኔ

ድርጅቶች ጋር ፈጽሞ አይነግዱ። እቃዎቻቸውን አይግዙ፤አገልግሎቶቻቸውን አይጠቀሙ።

· በወያኔ ላይ ያለዎትን ተቃውሞ በተገኘው እድል ሁሉ ተጠቅመው ይግለፁ።ተቃውሞዎን በየበዓሉ፣ በየስብሰባው፣ በሩጫዎች፣ በሌሎች

የስፖርት ዝግጅቶች ወቅት በጩኸት፣ በፉጨት፣ በየበሩና ግርግዳው በብጥስጣሽ ወረቀቶች በመፃፍ ይግለጹ። “ሞት ለዘረኛው ወያኔ!!!

ትንሳኤ ለኢትዮጵያ!!!” ይሁን መፈክርዎ።

· የህሊና እስረኞችን ይዘክሩ፤ ቤተሶቦቻቸውን ይደግፉ።ራድዮና ጋዜጣን ይከታተሉ፤ ለሌሎችም ያሰራጩ። በማናቸውም መንገድ ወያኔን

የሚጠቅም ተግባር አይፈጽሙ። በመሬት ወይም በገንዘብ አይደለሉ። መለስ እያደለ ያለው መሬት የሱ አያቶች ከጣሊያን ጋር አብረው

ሊያስወስዱት ሲጥሩ የእርስዎ አያቶች ደማቸውን አፍሰው ያሰረከቡን መሆኑን አይርሱ

· የዲፕሎማሲው ትግል አካል ይሁኑ። ሰላማዊ ሰልፍ ይውጡ፤ በረሃብአድማዎች ይሳተፉ።ባገኙት አጋጣሚ ሁሉ የወያኔዎችን እኩይ

ተግባራት ከማጋለጥ አይቦዝኑ።ለፓለቲከኞች፣ ለሕዝብ ተወካዮች፣ ለሥራ ባልደረቦችዎ፣ ለክፍል ጓደኞችዎዜግነትን ሳይመርጡ የወያኔን

ዘረኝነት፣ ጨፍጫፊነት፣ ዘራፊነትናአምባገነንነት ያሳውቁ።17. ጠዋት “ዛሬ ለትግሉ የማበረክተው ምንድነው?” ብለው ይጠይቁ፤

ማታጠዋት ያሉዋቸውን ፈጽመው እንደሆነ ራስዎን ይፈትሹ።ዘረኞችና አምባገነኖች ከጫኑብን ዜጋዊና ሃገራዊ ውርደት በአፋጣኝ

መገላገግል የምንችለው እነሱ ሊያዋረዱን አምረውና ተግተው እንደሚሰሩ ሁሉ እኛም አምርረንና ተግተን “አትችሉም! አንፈቅድላችሁም!”

በሚል እልህና ቁጭት በርትተን ስንሰራ ብቻ መሆኑን ፈጽሞ አይዘንጉ።

ድል ለኢትዮጵያ ሕዝብ!!!

Contact: Ethiopians.say.beka@gmail.com

ዓለም አቀፍ የሲቪክ ንቅናቄ ለለውጥ በኢትዮጵያ ሚያዚያ 2003/April 2011

በወያኔ አፋኝ አገዛዝ ላይ የሚደረገው ብሔራዊ የአርነት ትግል ወሳኝ ደርጃ ላይ ደርሷል

ከግንቦት 20 ቀን 1983 ዓም ጀምሮ እስከ አሁን ድረስ ለ20 ዓመታት በኢትዮጵያ ላይ አስከፊ የሆነ አፋኝ አገዛዝ በመጫን፤ በአገሪቷ ላይ ስፍር ቁጥር የሌላቸውን ንጽሃን ዜጎችን በፖለቲካ አመለካከታቸው ብቻ በግፍ በመጨፍጨፍ፣ በእስር ቤት በማማቀቅ፣ ለስደት በመዳረግ፣ ንብረታቸውን በመዝረፍ፣ በማንገላታት፣ በማዋከብ እንዲሁም በርካታ ሰቆቃዎችን በመፈጸም ላይ የሚገኘው የወያኔ አገዛዝ ተገርስሶ የሚወድቅበት ጊዜ እውን እየሆነ በመምጣት ላይ ይገኛል።

በኢትዮጵያ ውስጥ ያለው ነባራዊ ሁኔታ ሰሞኑን አምባገነን ገዥዋን ከሥልጣን መንግላ ካባረረችው ከቱኒዚያ ውስጥ ከነበረው ሁኔታ እንዲሁም ግብጽ ውስጥ ከሚገኘው ፈላጭ ቆራጭ ሥርዓት ጋር ሲነጻጸር በእጅጉ የከፋና የመረረ እንደሆነ በገሃድ የሚታይ ነው። በእነዚህና በሌሎችም በርካታ የአፍሪካና የመካከለኛ ምሥራቅ አገሮች ውስጥ የሚገኙት አገዛዞች የተለመዱ ወይም ተራ አምባገነኖች  በመሆናቸው ማንኛውም አምባገነንና ፋላጭ ቆራጭ አገዛዞች የሚፈጽሙትን ግፍና በደል በህዝባቸው ላይ ይፈጽማሉ። ወያኔ ግን ተራ አምባገነን ሳይሆን በቅኝ ገዥነትና በጠላትነት የተቀመጠ በመሆኑ ብቻ ሳይሆን የአገሪቱን ህዝብ  በጎሳ በመሸንሸን የጎሳ አፓርታይድ አገዛዝ በአገሪቷ ላይ በመጫን በአገሪቱ ታሪካዊ ጠላቶች አንጋችነትና ቀላቢነት ለመንበረ ሥልጣን የበቃ በመሆኑም ጭምር  ነው። ይህም ነው የኢትይጵያ ህዝብን ትግል ጣምራ ትግል እንዲሆን የሚያስገድደው። ቀዳሚው ትግል ቅኝ ገዥውን ወያኔን ከሥልጣን ሰገነት ላይ አውርዶ ማንኮታኮት ሲሆን ተከታዩ ደግሞ፣ ለሁሉም ዜጎች የሚሆን ዲሞክራሲያዊ ሥርዓትን  ማቋቋም ነው።

ወያኔ በዕለት ዕለት ተግባሩ ባለፉት 20 ዓመታት ውስጥ እንዳስመሰከረው አምባገነንና ፈላጭ ቆራጭ ብቻ ሳይሆን የአገሪቷና የህዝቧ ጠላትም ጭምር ነው። በዚህም ምክንያት ነው ከወያኔ ጋር የሚደረገው ትንንቅ ከአንድ ተራ አምባገነን አገዛዝ ጋር የሚደረግ ዲሞክራሲ የማስፈን ትግል ሳይሆን የብሔራዊ የአርነትና የነጻነት ትግልና የተቀደሰ ዓላማ ያለው ታላቅ ተግባር ነው። ወያኔ የህይወት መስዋዕትነትን በርካታ ቁጥር ያላቸው ዜጎች ለረዥም ዘመናት የከፈሉላትን አገር በወረራ በመያዝ የባርነትና የአፋኝ አገዛዙን በመጫን፤ እንዲሁም ለዘመናት በትደረጉ ጥረቶች የተገነቡትን በሕዝቦች መካከል የዳበሩትን መስተጋብሮች ገዝግዞ ለመበጠስ ያልፈነቀለው ድንጋይ አይገኝም። ወያኔ የገሪቱን ብሔራዊ ሰራዊት በመበተን፣ መንገዶችን ህንጻዎችንና ድልድዮችን በማውደም የአገሪቱን አንጡራ ሃብት የሆኑትን ሆስፒታሎች፣ ትምህርት ቤቶች፣ ባንኮች፣ የመንግሥትና የግል መሥሪያ ቤቶችንና ሌሎችንም የአገር ንብረቶችንና ቅርሶችን በመዝረፍ በጠላትነት አገሪቷን ረግጦና አፍኖ በመግዛት ላይ ይገኛል። ይህ አፋኝ ሥርዓት የኢትዮጵያን ህዝብ ከዓለም በመጨረሻው ተርታ በማሰለፍ የመረጃ አቅርቦት እንዳይኖረው ከውጭ ወደ አገር ውስጥ የሚተላለፉ የሬዲዮና የቴሌቬዝን አገልግሎቶችን በማፈን፣ የኢንተርኔት አገልግሎቶችን በመዝጋት ህዝቡን በኢኮኖሚ አድቅቆ፣ በሥነልቡና አደንዝዞና አሰቃይቶ በመግዛት ላይ ይገኛል።እንዲሁም የአገሪቱን ብርቅዬና ለም መሬቶችን ለባዕዳን በርካሽ በመቸብቸብ የማይጠረቃውን የገንዘብ አኮፋዳውን በመሙላት ላይ ይገኛል።

ሆኖም በተለያየ ጊዜ እደተዘገበው ወያኔ በሕዝብ የተጠላና የተወገዘ በመሆኑ በጣት ከሚቆጠሩት ጥቅም ተጋሪዎችና ፍርፋሬ ለቃሚዎች በስተቀር የኢትዮጵያ ሕዝብ በ1997 ዓም ብሔራዊ ምርጫ ለዓለም እንዳሳየው  ከጫንቃው ላይ አውርዶ ጥሎታል። ወያኔ በሥልጣን ኮርቻ ላይ ተንፈናጦ ለመቆየት የቻለው በባዕዳን እርጥባና አይዞህ ባይነት እንጅ በሌላ ምክንያት ባለመሆኑ የኢትዮጵያ ሕዝህ ከዳር እስከ ዳር በመንቀሳቀስ ለአገሩ ሉዓላዊነትና ብሔራዊ ጥቅም እርምጃ መውሰድ የሚገባው ታሪካዊ ወቅት ላይ ደርሷል። ከዛሬ 21 ዓመታት ገደማ በፊት የምሥራቅ አውሮፓ ሕዝቦች  ለዘመናት ተንሰራፍቶባቸው የነበሩትን አምባገነንሥርዓቶች አንኮታኩተው በምትካቸው ዲሞክራሲያዊ ሥርዓቶችን ለመመስረት ችለዋል። ዘንድሮም ይህ የለውጥ ብርሃን በሰሜን አፍሪካ አገሮች ብቻ ሳይወሰን ወደ እኛይቱም ኢትዮጵያ  እንደሚፈነጥቅ ሳይታለም  የተፈታ ነው። ለሁሉም ጊዜ አለውና!