የዶክተር ዮናስ አድማሱ ትውስታ

የመረጃ ቲቪ አባል በመሆን የሳተላይት ቲቪውን ቀጥታ ስርጭት፣ ወቅታዊ ዜናዎችን እና ትንተናዎችን፣ የመዝናኛ ፕሮግራሞችን፣ ስፖርት እና ሌሎችንም ዝግጅቶቻችንን በፍጥነት እና ጥራት ስልክዎ፣ ኮምፒዩተርዎ ወይም ቲቪዎ ላይ ማየት ይችላሉ። እዚህ ሊንክ ላይ በመጫን አባል ይሁኑ።

የዛሬው የባህል ዝግጅታችን ትኩረት በስነ ፁሁፍና እና ቋንቋ መምህርትነት በሚታወቁት ዶክተር ዮናስ አድማሱ ስራዎች ላይ ይሆናል። ዶክተር ዮናስ ከሁለት ሳምንት በፊት በ69 አመታቸው ከዚህ አለም በሞት ተለይተዋል።

በአዲስ አበባ ዮኒቨርሲቲ በቋንቋ እና ስነ ፁሁፍ አስተማሪነት የሚታወቁት ዶክተር ዮናስ ዜና ዕረፍት ሲሰማ፣ በተለይ በቅርብ የሚያውቋቸው በሀዘን ተውጠዋል። ዶክተር ዮናስ ምን አይነት ሰው ነበሩ? የስራ ባልደረባቸው ፣ የቀድሞ መምህራቸው እና አብሮ የመስራት ዕድል የገጠማቸው ሶስት የፕሮግራማችን ተሳታፊዎች ስለ ዶክተር ዮናስ ማንነት እና ስራ በባህል ፕሮግራም አጫውተውናል።

የኢትዮጵያ ዘመናዊ ስነ-ፁሁፍ ሲነሳ አብሮ ስማቸው ከሚነሱት ሰዎች መካከል ዶክተር ዮናስ እና ታላቅ ወንድማቸው ዶክተር ዮሀንስ አዱማሱ ይገኙባቸዋል። ወንድማቸው ዮሀንስ አድማሱ ስለ ባለቅኔው ዮፍታሄ ንጉሴ የፃፉት መፅሀፍ ለዕትም ሳይደርስ ነበር ሞት የቀደማቸው። ዶክተር ዮናስም ይህንን መፅሀፍ ሲያዘጋጁ ረጅም አመታት እንደፈጀባቸው ዶክተር ሄራን ይናገራሉ። በመጨረሻም መፅሀፉ አልቆ ግን ለምርቃት ጥቂት ቀናት ሲቀረው ዶክተር ዮናስ አረፉ። መፅሀፉ ትናንት በብሄራዊ ትያትር ቤት ለምርቃት በቅቷል። ይህን መፅሀፍ ለዕትም ማብቃት ምናልባትም የዶክተር ዮናስ የመጨረሻ ምኞት ነበር።

ዶክተር ዮናስን እንዴት ልናስታውሳቸው እንችላለች? በኢትዮጵያ ቋንቋዎችና ስነ ፁሁፍ ዘርፍስ ምን አይነት ሚና ተጫውተዋል?የዶክተር ዮናስ አድማሱን ማንነት እና ስራ የቃኘንበትን ዝግጅት ያድምጡ።

[podcast]http://radio-download.dw.de/Events/dwelle/dira/mp3/amh/6DA05C01_2_dwdownload.mp3[/podcast]